¹ Izek zin Maanyi Moses ne, "Bit ngati Varo kar duwak nono, "Izek ne azi Maanyi ne "Anyik ol ciganik koot abunna ² ming ovvo nege adingdingana nege anita. Mang irong inna anyik nogo koot, koko anna kanyik nyelwa kuburuwet orog vellek. ³ Abbize nyelwana atin moro ttoc. Ovvo nyelwana avunakung iget ceezine cigog rok ngintik oginu niga. Iyok nege atin rok ceezi cik ducak cigog. Ovvo atin nege olle cigog, ovvo rok ngin wak ainu niga, otot rok kaal wak atukurenu niga. ⁴ Ovvo nege igangonikung igeta, iget ki ducak cigog.'''' ⁵ Izek Maanyi Moses ne izek Aaron ne, "Dima cool necune ko ruk lilok, ki nyataparet kar kanyaktak nyelwa looc ci Masiro.''' ⁶ Uruk Aaroni attie cinne maam cik Masiro, kiyokta nyelwana kubunget looc ci Masiro. ⁷ Ogon abarik ngareta buk ki iyoko mang ogon Aaroni kaale wageg ngarizetu: Anyaktak nege buk nyelwa looc ci Masiro. ⁸ Ize Varo Moses ne "Laa da Maanyi kinyek nyelwa ciko ngatinani ki olle ciganik. Kar atin kanyik olli Israilo koot, abunna mang ovvo apahik nono wawac.'' ⁹ Izek Mosesi Varo ne, "Anyai dede inna gool ci kalawiki inet ki olune, ki ducak cigunek, kar nyelwana kartai ngatune ki ceeze cunne koot kavuto mora do.'' ¹⁰ Annek Varo ne "Loza.'' annek Mosesi ne, "Anyik kutugu ki iyoko mang aduwa inna ko kar inna gaa azzie eti imma ci ogon ki Maanyi, Tamutadden wanang. ¹¹ Ovvo nyelwana azzie ngatune, ceeze cunne, ki cik ducak cugunek ki olune.'' ¹² Utungtek Mosesi ki Aaron Varo. Utuluwek zin Mosesi Maanyi goole ci akati nyelwa balik avunak Varo ke. ¹³ Utugu Maanyi ki baling ajin Mosesi: adaito nyelwana ceezine, ki ngin wak abile ol lokikonyai ki manene. ¹⁴ Alutek ol nyelwa neke kumurte, ki ngin wak lukudik. ¹⁵ Baling icin Varo izza maya, utuhu zinin cinne ci irong aziye Moses ki Aaron, ki baling aduwa Maanyi ke. ¹⁶ Izek Maanyi Aaron ne, "Ruk looc coole necune ko kutuhuye todowa neko kize uguna looce ci Masiro vellek.''' ¹⁷ Utuguzo nege: Idima Aaroni cool attie cinne. Uruk enne tuduwac loota. Ivitak uguna eet ki elegit. Utuhuwe tuduwaci loota ki uguna looce ci Masiro vellek. ¹⁸ Atiman ngereta goolok ci anyahane nege buk uguna, irong ulle. Otot uguna ki elege eet. ¹⁹ Izetek Ngereta Varo ne een necu valait ci Tamutaddenu.'' Nganie abarik zinin ci Varo odoi de, irong ngan aziye nogo. Utugu ki baling uduwa Maanyi ke azine okko atin Varo odoi zinin. ²⁰ Annek Maanyi Moses ne, "Tinga ngeret ingani bit biil ngume ci Varo mang uuk enne Mora. Izek nono ne, "Azi Maanyi ne: "Anyik ol ciganik koot abuna mang ovvo nege adingdingana anita. ²¹ Mang irong inna anyik nogo koot, Koko anna kitonaki irong, ki ducak cugunek, ki olune, ki ceezi cigog. Ovvo ceezi cik Masiro abbize igowa ci irongu, ki looc neci abilne nege ke abizze atin ironga. ²² Koko abarik anna itene neci kadima looc ci Goseni kavu do locowe neke, looc neci avte ol ciganik ke, kizi igowa ci irongu. Ogonnie atin niko abunna mang agayu niga ming ave Maanyi orgene ci looc necu. ²³ Koko kengeri ol cigani ki ol cugunek. Ogonie gi ci iyela dowiz cinani loza.''''' ²⁴ Utugu Maanyi ki iyoko ii, akunak igowa ci atite irongu Varo ceeze cinne ki ceezine cik ducak ciginek. Iciyak libenet looc ci Masiro velek, igowe ci ugunau. ²⁵ Utu Varo Moses ki Aaron izek ne, " Ooto, oot apaktek wawac Tamutadden looce cinong.'' ²⁶ Annek Mosesi ne "Irong abunna mang kogonna naga niko, een wawaci ci kapaheka naga Maanyi Tamutadden wanang gi ci anyik olli Masiro ci irong elemna. Ming kogonna naga wawac ngume ci ibbez olli Masiro, irong atin nege ovocet agita? ²⁷ Illoi, een eroni neci inya iyyo ci kovoye balala, abunna mang kovo kapahik Tamutadden wana wawac, ki baling iloteket enne agit ke.'' ²⁹ Izek Varo ne, "Koko kanyung iget oot apaktek wawac Maanyi cinong balala. Ma ovoyu reena. Alayeyang Tamutadden anita.'' ²⁸ Azi Mosesi ne, "Mang kuwa anna ngatune, koko kala Maanyi kar igowa ci irongu kutungtei innet looc, Varo innet ki ducak cigunek loza. Ma abarik inna ogoni gi ci gerre ci irong anyik ol cigag koot.'' ³⁰ Utungek Mosesi Varo uuk aala Maanyi. ³¹ Utugu Maanyi ki baling ajin Mosesi: aara igowa ci irongu ngati Varo, ki ducahe ciginek ki olle ciginek. Kizzi imma ci iraik to. ³² Nganie abarik Varo odoi zinin de, irong anyik ol koot.