¹ Annek Maanyi Moses ne, "Cino, Kutuguwei anna inet tugu ki tamutadden ngati Varo. Een Aaroni atin gotonu aritoit cunne. ² Okko inna aduwa kaal balik kaduwaki anna ke. Okko Aaroni gotonu ozozo ki Varo abunna mang anyik olli Israilo gool koot looce cinne. ³ Koko abarik atin anna kanyik nono kokom zinin kaak, koko kiyelei kaal cik avula ki dowiz nono looce ci Masiro. ⁴ Irong abarik atin Varo azignung, koko anna kella olli ciganik kanyaha oll cik orontak, ol ciganik, dooli cik dooli cik Isarailo, looce ci orog ci Masiro ngati kedeze nogo. ⁵ Ovvo olli Isarailo agaya anit ming keeni Maanyi ci keela olli Isarailo orgene ci olli Masiro.'' ⁶ Utuguzo Mosesi ki Aaron ki baling ilotik Maanyi nogo ke. ⁷ Baling ozozo Mosesi ki Aaron ki Varo, eegin Moses erkinya wak tirantak moten turge ovvo ci Aaroni eegin moten tuirge ki iyyo. ⁹ Annek Maanyi Moses ki Aaron ne, ⁸ "Ming annekung Varo ne utuguz kaal cik avula, 'kar inna izek Aaron ne, 'Dima cool necune ko jukek looc ngume ci Varo kar kutuhuwe kize uwat.''' ¹⁰ Oot Mosesi ki Aaron ngati Varo utuguzo ki baling ilotik nogo Maanyi ke. Ujukek Aaroni cool necine ke looc utuhuwe izze uwat. ¹¹ Uutu Mosesi ol waginek egenyi ki arriak. Utuguzo nege buk kaal wageg ngarizetu. ¹² Ujuktek nege bul coolnya cigeg looc kutuhuye kize uwanya. Ukuk abarik cool ci Aaroni uwanyanegeg ke. ¹³ Odok Varo oo kaak ki baling uduwa Maanyi ke. ¹⁴ Annek Maanyi Moses ne, "Odoi oo ci Varo kak, irong enne anyik olli Isarailo koot. ¹⁵ Oot ngati Varo ngerret mang oko enne mora. Oot ibilet moro abanyca oromto ki nono, ottie cool balinong ukce kize uwat ke. ¹⁶ Uduktak nono izetek ne, 'Itonanet Maanyi Tamutadden wa olli Iburu, anneket ne "Anyik ol ciganik koot, abunna ming ovvo nege adingdingana anit balala. Nganie inna ziyo.'' ¹⁷ Aduwa Maanyi niko: "Okko inna agaya anit mang keeni Maanyi. Koko anna karroi maam cik moro ceen Nail coole ci kanyai azine ko kutuhuye maama neke kize biye. ¹⁸ Ovvo uluga nek avte lila ke adai, okko lili auddai. Irong atiin olli Masiro aud maam nek moro ke.'''' ²⁰ Utuguzo Mosesi ki Aaron ki iyoko mang ilotek Maanyi ke. Odong Aaroni cool kar kibit maam cik lilu kicinet Varo ki ducak ciginek. Utuhuye maama looce ci Masiro kize biye. ²¹ Adaito uluga, kuddai kimire ki looc. Irong olli Masiro aud maam cik lilu, avte biyeta ngatik avte maama looce ci Masiro. ²² Ogon abarik ngareta cik Masirak ki iyoko mang ogon Mosesi ke kaale cik ngarizetu. Nganie Varo odoi zinin de, irong aziye Moses ki Aaron, ki baling aduwa Maanyi ke. ²³ Uuk Varo ceze cinne. Irong aziye kaal nek ogonie ke. ²⁴ Adac olli Masiro iitani cik audene, ci irong aud maam cik lilu. ²⁵ Een maama biye inya turgerem ki baling uduwa Maanyi.