² Ozozek Tamutadden Moses annek ne, "Keeni anna Maanyi. ³ Kiyelak anna eele Abraham, Aisak, ki Jakob kize Tamutadden wa anyak dowiz; zaar ciganik, Maanyi, keeni eet agaya nege. ⁴ kutuguza gano ci okko anna kanyik nogo looc ci Kanani, looc ci ovvo nege abahe kize ol cik irong een ol cik looc neci, looc ci ovvo nege ajale. ⁵ Kiziya dede balaci ci olli Israilo ci anyike olli Masiro kize ducak, anya kaada gano bali reeni kogonna anna ki jijitigeg ke. ⁶ Bit zin duwak olli Israilo izek ne,"Keeni anna Maanyi. Koko anna koganung ducakzetena ngati olli Masiro, Koko koganung iget ngatineng. Koko keyelik nogo dowiz cinani ki painet kapahe nogo dowiza. ⁷ Kokoyung anna iget izet ol ciganik vodok anna keeni Tamutadden cinong. Ovvo noga agayu mang keeni anna Maanyi, Tamutadden cinong ci anyahanung iget azine cik olli Masiro. ⁹ Koko kanyanung iget looc bali kuduwaha anna Abraham ki Aisak ki Jakob ke.Koko kanyung anna iget keze cinong. "Keeni anna Maanyi.''' ⁸ Uduwak Mosesi olli Israilo, irong nege ovvo aziye nono eeci nogo nganie odoi zineti goole ci edeze nogo Maseri ngati egine ducak cigeg. ¹⁰ Izek Maanyi Moses ne, ¹¹ "Bit izek alaan ci Masiro ne anyik olli Israilo koot looce cinne.'' ¹² Annek Mosesi Maanyi ne, mang irong Israili azikna anita, azikna icca Varo anita ku, kai vodok kokomeya zooz?'' ¹³ Ozozek Maanyi Moses ki Aaron. Itilowek nogo zooz ci obod ki Israil ki Varo alaan ci Masiro kaanyik olli Israilo koot looce ci Masiru. ¹⁵ Egin neko ol waken abunya ceezine cik betigeg: Logoz cik Rubeni, abu wa Israili, iko Hanoch,Pallu, Hezron, ki Karmi. Egin neko boryok avu ngati Rubeni. ¹⁴ Logoz cik Smiyoni egin iko Jemuel, Jamin, Ohad, Jacin, Zohar ki Shaul- logoz cik ngaa ceen kananenit. Neko vodok boryo cik avu ngati Simiyoni. ¹⁶ Iciko logoz cik logoz cik Levi, ki tatuget igeg. Iko Gershom, Kohath, ki Merari. Abak Levi kize erkinya omoto lak omoto ki moten iyo ki turgerem(137). Logoz cik ¹⁷ Geshomi ciko Libni ki Shemei. ¹⁸ Logoz cik Kohathi ciko Amram, Izhar, Hebron, ki Uzziel. Abak Kohathi kize erkinya wak tirantak omoto lak omoto ki moten iyo ki iyo (133). ¹⁹ Logoz cik Merari ciko Mahli ki Mushi. Oot bor neko izeto jijitik ol waken Livait, ki doolik dolinu. ²² Itik Amrami Jecobel, azitne.Itirak nono Moses ki Aaron. Abak Amrami erkinya omoto lak omoto ki moten iyo ki turgerem (137) kar kadaak. ²¹ logoz cik Izhari ciko Korah, Nafeg, ki Zichri. ²⁰ Logoz cik Uzzieli ciko Mishail,Elzafan, ki Sthri. ²⁴ Itik Eeroni Eliseba,buwenyi Aminadabi ngoni Nahson. Itirak nono Nadab ki Abihu, Eleazar ki Ithamar. ²³ Logoz cik Korah ciko Assir, Elkanah, ki Abiasaph. Een neko jijitik bor ci Korahiti. ²⁵ Eleazar, Ngerti Aaroni itiik tinati Putieli. Itirak nono Finehas. Egin neko ol cik agam ceezi olle waken Livait ki dolik dolinu. ²⁶ Egin neko Aaron ki Moses baliki annek Maanyi ne, "Oot anyakta olli Israilo Masira olle nek anyak ol cik orontak ke.'' ²⁷ Ozoziek Aaroni ki Moses alaan ci Masiro een Varo, kar kanyik nogo kanyakta olli Israilo Masira. Een neko Moses ki Aaron. ²⁹ Baling ozozek Maanyi Moses Masira, ²⁸ annek nono ne "Keeni anna Maanyi. Duwak Varo alaan ci Masiro, kaal cik oko anna kaduwaki inetta.'' ³⁰ Annek abarik Mosesi Maanyi ne, "Irong anna kaganik zooz, okko icca atin Varo azikna ku?''