¹ Abarzek Mosesi annek ne, "Ma ing irong nege elemna zooz cinani icima azignan, kar abarik kizeto ne, 'Nganie Maanyi kiyelai inet ele'?'' ² Annek Maanyi nono ne, ''Nyaa neci anyai inna aatia ko?'' Annek Mosesi ne ''Keet ci tominto'' ³ Azi Maanyi ne, ''Jukek da looc'' Ujukek Mosesi looc, Ki mang ukce kize uwat niko. Iviir Mosesi giye neci. ⁵ Izek Maanyi Moses ne, ''Bit gam kul kar donga.'' Izahozik Mosesi kidima uwat neci. Utuhuwe kize keet vodok attie cinne. ⁴ ''Gi ci ogonie niko ko kar kelemta nege Maanyi, Tamutadden ci Abrahami, Tamutadden ci Aisaii, ki Tamutadden ci Jakobi, ci iyelaki innet eele.'' ⁶ Izek Maanyi vodok nono ne, ''Arrik da azzin cigunek jaab cunne.'' Ariik Mosesi azzin ciginnek Jaab. Baling okko enne avuca azzin, Anyait abarik azzina ciginnek talulu kize voore peer ki teltelena. ⁷ Annek Maanyi ne, "Ariik da vodok azzin cugunek jaab.'' Ariik Mosesi azzin ciginnek jaab, baling uvuca enne azzin ciginnek jaaba, aciin vodok azzin ciginnek ubunta, kudukto ki ele cinne. ⁸ Azzi Maanyi ne, "Ming irong nege azzie- ming irong nege gi neci iyella dowiz cinani ko iboc irong elemna nono, ovvo atin nege ezzie dowiz wa een rama. ⁹ Ming irong nege elemna dowiz neci een rama ko, iboc azigni inneta, bit tilla maam moora kar dutek nginti odoi. Ovvo maama neke ukce kize biye ningati odoi ke.'' ¹⁰ Izzek zin Mosesi Maanyi ne, "Maanyi, Irong kaganik zooz, nginti kingnane ngan kuwau. Keeni eet ci ereka zooz abilla ahata.'' ¹¹ Izzek Maany nono ne, "Ngene ci adimana utug ci eeto? Ngene ci adiman eet ci irong ozooz jurum iboc kiditte iina, icima irong aciineI icima irong azingne? Irong een anita? ¹² Iyoko bito, koko anna kedemzeki innet zooz ci okko inna aduwa.'' ¹³ Annek abarik Mosesi nono ne, "Maanyi, iton eet imma ci orong innaitonu.'' ¹⁴ Udunyak Maanyi Moses zinin. Izek ne, ''Ma Aaroni, gotonu wa een Livait? Kagga ozooz weiye eene jurum. Ngannie, enne ovvo arumonu ki ineta, okko enne atalne zinine cinne ming okko acini ineta. ¹⁵ Okko inna ozozik nono kar anyik nono kozoz zooz ci orongi inna duwa. Ngan atin anna kamadi utugeti cigog kozozit zooz ci abunna kar vodok kiyeleung gi ci ovvo niga agonnu. ¹⁶ Okko atin enne ozoz zooz ci okko inna ozzozi, Okko inna ogoni ngatine ki iyoko anna,Tamutadden ki ineta. ¹⁷ Okoye atin inna keet cu attie cunne. Ci okko inna ogone kaal cik iyella dowiz cinani ¹⁸ Uk Mosesi izek inyik cinne een Jethro ne, "Inya kimire kuk olle ciganik Masira kuk kicin nogo inganie nege aruge, Izek Jethro Moses ne, ''Bi labak.'' ¹⁹ Izek Maanyi Moses Medianikte ne "Bito, mire bit Masira eeci ol balik orong kurugti innet ke adaito.'' ²⁰ Uwe Mosesi ngaa cinne ki dooli ciginek odongik zigir. Imire enne uuk Masira. Anyak eene keet ci Tamutaddeno buk attie cinne. ²¹ Annek Maanyi Moses ne, Ming uu inna Masira, ciin gi ci okko inna ogoni ngume ci Varo kaal balik avula kaanyi anna ineta ke. Koko abarik atin anna kanyik nono kokom oo kaak ci irong anyung iget ooto. ²² Gi ci oko inna aduwak Varo, izek ne "Gi ci uduwa Maanyi azi ne: Een Israili ngerani, wa een abu, ²³ kaneki inet ne, "Anyik ngerani kuk, kar kidingdingana eene anita.'' Eeci ujurau inna nogo gool ci ovvoye, koko anna karui ngerune, wa een abu.''' ²⁴ Ma goola, baling ibilet weeta balin neci, urumto Mosesi ki Maanyi orong kuruk nono kadaak. ²⁵ Idima zin Zippora abaaz ci lehedi kar ketet vicavic ci Mosesi kar kuumek zoo cik Mosesi. Iize enne ne, "Dede elya iize inna eet ci eeni kau biyete.'' ²⁶ Utungek Maanyi nono do. Azzi enne ne "Eeni inna nyatiran biyete '' eeci ettede inet vicavica. ²⁷ Izek Maanyi Aaron ne, "Bit rumek Moses gool balala.'' Uuk Aaroni, urumek nono joore ci Tamutadddeno, kar kizza nono kapanto boici. ²⁸ Uduwak Mosesi Aaron kaal balik itone nono Maanyi ke ki kaal balik iyella kaal wak avula ki dowiz wa Maanyo aduyak nono kutugu ke. ³¹ Oot Mosesi ulutet ol cik Israilo ki lodikire cigeg vellek. ³⁰ Uduwak Aaroni nogo kaal balik aduwak Maanyi Moses ke. Iyele vodok enne kaal balik iyella dowiz ci Maanyi ngume ci oolu valek. ²⁹ Elemta ol. Baling nege iziyet nginti icine Maanyi pirnanet cineng, akatte nege ooti looc lawinta kar kidingdinganit nono.