¹ Nganie Mosesi uuwa eeza cik inyik cinne een Jestro, alaan ci kelecio Medianikte. Uwee Mosesi eeza reena balala kuzuca nginten Horeb, joore ci Tamutaddeno. ² Uuk toniati ci Tamutaddeno iyelak nono ele gwoye ci alanyiti ngati een iriit. Icino Mosesi, kar kibil, atuze iriit gwoye ci irong atuz rok iriit neci. ³ Ize Mosesi ne "Inya di kicin gi ci atuze ko, nya ming irong iriit atuzeko.'' ⁴ Baling icin Manyi nono utuhuwe kar kicino, uutu Tamutadden nono iriita azine, "Moses, Moses.'' Azi Mosesi ne "Anit iceni.'' ⁵ Azi Tamutadden ne "Ma izahakan! aara cava cugunek zone cigunek, eeci ngineci abille inna ko een nginti alile artik ol kize ngitinani.'' ⁶ Otornik azine, ''Keeni anna Tamutadden ci batune, Tamutadden ci Abrahami, Tamutadden ci Isako, ki Tamutadden ci Jakobi.'' ⁷ Azi Manyi ne, "Kicina dede pirnanet ci ol ciganik Masira. Kiziya walwali cineng ci akati ol wak agam nogo linglingonta, kiziya pirnanet cineng. ⁸ Kulucai anna looc kar kiciya kaara nogo olle cik Masirak koot looce emani ci abunna ariiye irana ki lete; locowe cik ol ciken Canaan, Hitait, Amorait, Perizait, Hivait ki Jubisait ¹¹ Annek abarik Mosesi Tamutadden ne, "Koko iica kize ngene kuk rok Varo kanyaha olli Israilo Masira?'' ¹² Abarzek Tamutadden, "Kovo kavte anna ki ineta. Een necu bayenit ci iyela gi ci kitoni anna ineta. Ming okko inna anyaha ol Masira, ovvo niga adingdingana anit biye ceeni.'' ¹³ Annek Mosesi Tamutadden ne, "Ming kuwa anna olle cik Israilo kar kuduwak nogo kizek ne, 'Tamutadden ci jijitigog ci itonana anita,' ming ovvo nege aneka anit ne 'Zar ciginek ngene?' 'Kuk kizek nogo ne?'' ¹⁴ Annek Tamutadden Moses ne,"ANIT WA AZI NIKO.'' azi Tamutadden ne, Izek olli Israilo ne, eet ci azi ne 'ANITA ci itonanan anit rok igeta.''' ¹⁵ Izek Tamutadden Moses ne, "Izek olli Israilo ne, 'Maanyi ceen Tamutadden wa Jijitigog, Tamutadden wa Abrami, Tamutadden wa Aisai, ki Tamutadden wa Jakobi ci itonana anita. Zar ciganik neko uudut, gool ci oko inonana bullowa.' ¹⁶ Bit lut lodikire cik Israilo. Duwak nogo izek ne, 'Iyelaka Tamutadden wa jijitigog,Tamutadden ci Abrahami, ci Aisai, ki ci Jakobi, ele kar kizeya ne, Kicina dede gi ci ogonikung ol iget Masira. ¹⁷ Kodola anna kar kanyahaung iget gidente ci Masiro kar kuyung looce ci Canaani, Hitait, Amorait, Perisait, Hivait, ki Jubisait, looc ci abizze irana ki lete.''' ¹⁸ Ovvo atin nege azingnung igeta. Oot inna ki lodikire cik Israilo rok alaan ci Masiro, uduktak ladun nono izetek ne, Urumtowa ki Maanyi wa een Tamutadden wanang olli Hiburu. Iyoko keronit inyawe cik een iyo ko balala, abunna mang kovvo kapahik wawac Maanyi, Tamutadden wanna.' ¹⁹ Kagga abarik niko irong atin alaani ci Masiro anyung iget ooto, okko omogonik de. ²⁰ Koko anna kozolekung buk kaale cik avula ngati kigangonik olli Masiro koko anna buk kaave ngatineng. Ma vurta, okko enne anyung iget ooto. ²¹ Koko kanyik nogo eezet abunna ming irong atin nege ovvo azzine oliin. ²² Alawa atin ngaai ziik wak vorik ki zurtenen ki rumani lecariete cik een Masiir ki ngaai cik avte ceezine cik lecarietu. Ovvo niga aburceku dooli cik ngayek ki logoz cigog macik. Goole necu oot niga atarartu olli Masiro.''