¹ Itiik eeti ci bilet ci ol ciken Levi ngaa ci ol ikken Levi. ² Anyaho ngaa neci kar kitira logut ci maci. Baling icin enne logut necu mang abunna ele, uluguny nono nyeloi iyyo. ³ Baling icin enne irong weye enne ule kuluguny nono, uuk idiman dongku yayane kar kidiman jurum. Arik zin enne doolec etito kar karik yaya etito abanyce ci moru. ⁴ Acin ngonia nono reena ebek nya ci akunak nono. ⁵ Iciyak buwenyi Varo raninet mora ovvo ol wak orkor ki nono owo liil abanyca. Icin enne dongku yayane ecito kar kizek dolec ci orkor ki nono kuk kidima. ⁶ Baling okko enne oo, acin dolec ci avve ecito. Alu, dolec. Aucnek nono dolec kar kize ne, ''Een iyoko dolec necu dolec ci ol waken Hiburu.'' ⁷ Izek ngoni logut necu buwenyi alaano ne, '' Irong icca ana koko koronga ngaa imma ngane wak een Hiburu kicia katakuwoi dolec cu?'' ⁸ Izek buwenyi alaano nono ne, "Bito'' uuk zin enne umuda eeti doleco. ⁹ Izek buwenyi alaano eeti doleco ne "Bite dolec necu bit tarkuwoi kize cinani, koko anna karuweki inet orobiya.'' Uwe ngaa neci dolec uuk atarkuwoi. ¹⁰ Baling okko adikire dolec, anyahak enne buwenyi Varo, kize ngerine. Akatek enne nono zar ciginek kize Moses, eeci adimmiai enne mame.'' ¹¹ Baling idikir Mosesi, uuk gon enne icin ol ciginek mang alinglingi. Icin enne eet ci Masiro mang arrok eet cineng olli Hiburu. ¹² Icin enne loloknya dook, baling icin enne azzie eeti imma ci aku, uruk enne eet neci Masiro ko kadak kar kutuwarek ele cinne azac. ¹³ Ii ci reng uuk enne de, ki, ming, acin olli Hiburu egin rama mang aruwo. Uduwak eet bali abaci ke, "Nya inna arui eet ci iroku ko?'' ¹⁴ Annek abarik eeti neci nono ne, ngene ci anyi innet ize eet adikire apahiket agit baci ki geriten? orong bong inna ruwa anit ki baling arui eet bali Masiro ke?'' Otongole zin Mosesi kar kize ne, "Agac bong ol gi bali kogoni anna ke.'' ¹⁵ Baling okko Varo aziye, orong enne kuruk Moses. Ivir abarik Mosesi Varo uuk loce ci een Median. Uuk avu lota abanyce ci Iito. Avu enne lota abanyce ci iito. ¹⁶ Anyak da eeti agam kelecia Medianikte dooli cik ngayek een turgerem. Ivita nege ittilta maam ibizitantek ibbo kudet eena cik batine. ¹⁷ Avu tuwayoha ugag orong kotoit nogo, uuk Mosesi abarik eela nogo. Anyik enne eeza cigeg kudde. ¹⁸ Baling oot dooli rok betineng ceen Ruel, izek nogo ne, " Avunu eete ingani nya? '' ¹⁹ Annek nege ne, ''Elanet eeti imma ci Masiro tuwayohe. Uuk enne ittila maam kar kanyik eeza kudde.'' ²⁰ Izek enne doli ciginek ne, "Inno nono? Ungneku niga nono nya? Utuya nono abunna mang kadakkie ki nono.'' ²¹ Elema Mosesi kavuto ki eet neci, ci okko anyik nono buwenyine ceen Zippora kitik. ²² Utayai ngerine, kar Mosesi kakatek nono zar cik een Gershom; azi enne ne, "Kaave anna loce ci idonginu.'' ²³ Baling oot erkinya, adaak alaani ci Masiro.Abalacit olli Israilo gole ci anyik ol nogo kize ducak cik linglingonto. Utuluzo ne orongit elanet, uuk ilali cineng uzuca Tamutadden eeci edezte nege oroot. ²⁴ Baling izik Tamutadden balaci cineng, inona gano bali ariik enne ki Abraham looc ke, ki Aisak, ki Jakob. ²⁵ Icin Tamutadden olli Israilo ki mang aziye pirnanet cineng