¹ Een neko zar cik logoz wak Israili balik avunak Masir ke ki Jakob, ingen ngene ki olline: ² Ruben, Simiyon, Levi ki Juda, ³ Issakar, Zebulon, ki Benjemin, ⁴ Dan, Navtali, Gad, ki Asser. ⁵ Egin Jakobi ki olline baliye duuk moten turgerem. Avu Josevi baliye Masira. ⁶ Ki zin Josev, adaito gotonogia ki bulok balike velek. ⁷ Egin olli Israilo baliye ol cik abunna, otoorie nege kize meele, kizeto ol cik okomi kaak; kibizitanit looc neci tto̱c. ⁸ Ikiya zin alani imma agam Masir, ci riong aga Joseph. ⁹ Annek enne ol ciginek ne " Icinet da niga olli Israilo; izeto mele komoktet agita. ¹⁰ Ivita kutuguzek ol ciko gi imma genyiza ci irong ol agga. Ming irong acinu jurum, ovvo nege emenna azaccie kize mele, weye ming aku illa, ovvo nege arumunik modo cigac kortet agita kar kutungtek looc cu looc.'' ¹¹ Anycik nege ol wak agam linglingon kedezit nogo lingngonte ci odoi kak. Enycik olli Israilo ceezi cik adikire iyange ol kaal cik Varo: Ngatik een Pithon ki Remeses. ¹² Otorte zi olli Israilo abarik oroot kazantozik looc duuk baling edezit olli Masiro nogo, akatte olli Masiro oboddai meliten ci Israilo kize idice. ¹³ Anycik olli Masiro olli Israilo kilinglingon ci gerze oroot. ¹⁴ Anyik nege baiz cineng kize gerza ki linglingon ci ongonye todowac ci aruwe tub, ki linglingonok cik avte kengti dodo. Okomi linglingoni cineng oroot. ¹⁵ Ozozek zin alaani ci Masiro ngaai wak alama dooli tuyanta egin olli Hiburu; azi zar cik imma ne Shiprah, okko imma azi zar ne Puah. ¹⁶ Annek enne ne, "mang elanu atigon niga ngaai cik olli Hiburu ngati tuyanto, icinet mang ukkiai nege. Ming een dolec ci maci, uruwet nono kadak; ming een ci ngaye, anycik kuruk.'' ¹⁷ Otongolte abarik ngaai neke Tamutadden irongan ogon ki baling aduwak nogo alaani ci Masiro ke; anycik abarik nege dooli wak macik kuruget buk. ¹⁸ Utuwa alaani ci Masiro ngaai wak alama dooli tuyanta kar kizek nogo ne, " Anyiku niga dooli cik macik kuruget nya?'' ¹⁹ Abarzek ngaai neke Varo, " Irong ngaai cik Hiburu ogon ki cik Masiro; egin nege ol cik igenyi ukkiai inganie ngaai wak alama dooli kivitak nogo.'' ²⁰ Ebek Tamutadden ngaai nek alama dooli ke. Otorte ol kize mele kokomit kak. ²¹ Eci ngaai wak alama dooli ongolle Tamutadden, anyahak nogo olli ceezi cigek. ²² Uduwak Varo olline, "Ujuktek dooli cik macik moro ovvo cik ngayek anycik kurget.''