¹ Ozozik Manyi Muses, ² "Annek ne, ''Cino, kutuwa Anna Bezalel zare ngerti Uri wa een ngerti Huri, bore ci Juda. ⁵ Kutubuweha Anna Bezalel vongiz wanani, kar kanyik nono genyiz, ⁴ ki aritzet, ci adimane kaal velek, kar kidiman kaal cik ehedi kar kilingling zurtente wa mani, zurtente wa vori, ki ziit marii een didik; ³ kar bodok ketet kar kulut ki keen kar kutugu kaal velek aritzetena. ¹¹ Een bodok icu ki rumani wak alile Aruni dikiriot wa kelecio ki logoz ciginek adingdinge untik ovo rok zoo, anyigonika annita kar nege kilinglingtoziya annit kize dikiriok cik keleciak. ¹⁰ Een bodok icu ki maal ci vudento ki lotagong ci ongli kemed ngati alille. Anycik ladu ol cik adiman kaal ko kidimanit kaal ciko kiyoko Anna ming kodolau iget ko.'' ¹² Ozozek Manyi Muses anek ne: ¹³ ''Duwak oli Israilo: 'Odoya atigon niga inya cik Manyi yubzentak, een atin neko abicec orgene cine ki igeta udut rok doli cik aragiz olune kar niga abuna ming agayu ming een enne Manyi, wa adimananung iget avut do elie cine. ¹⁴ Iyoko niga ladu odoya iten ci yubzento, iget atin ladun cik anyiku nono kilili, kitangozik nono. Eeti ci utuwul nono ladu dede aronik kadak. Eeti ci ilingling itene ci yubzeto, etedonik eeti neci tu ole ciginek. ¹⁵ Ogone atigon linglingoni inya torkonom, eci iteni ci een turgerem een iten ci yuzento dook, alile, ci anyigonik Manyi ngolinto. Eeti ci ilingling itene ci yubzento ladu dede adai. ¹⁶ Iyokozin oli Israilo ladu anycik kodoya iten wa yubzeto. Anyik nogo ladu kicinet nono udut rok doli wak aragiz nogo kize lotinet ci ave udut. ¹⁷ Een atigon iteni ci yubzento abicec ci ave orgene Manyi ki oli Israilo, ci adimanane Manyi tamutadde ki looc inyawe cik een torkonom, kar enne itene ci een turgerem kiyebez kar baliye kacarale.'''