⁶ Diman ladu lolanya cik irocak, kar ladu inna bung nono zurtente wa mani. ⁵ Arik ladu inna itele ci lotagongo renne rume ci irimze abile ol tatuk ci ojongzo ki iboo ci ganono dolanto. Een atin ngume ci bungenet ci adimane ol orkori wa etede neci ibee ci ganonet ci dolanto, ngiwa karumone Anna ki igeta. ⁷ Atuz ladu Aruni lotagong wa ongoli orot odoize ngeriet. Atuz ladu enne nono ngati utukulek lambernya. ⁸ Ming utukulek Aruni bodok lambernya iyomona, anyik nono ladu kutuz itele ci lotagongo taddena. Een ladun atigon icu tuzenet ci atuzene lotagongi odoize ngume cinani, Manyi, udut doline wak aragiz ol cigunek. ⁹ Eci zin inna madima lotagong imma ci owodo itele ci lotagongo, icima muci wak atuze oboc muci cik een labi. Maduteku ladu muci wak een udenet nono tadden. ¹¹ Ozozek Manyi Muses anek ne, ¹² "Ming itigilu oli Israilo, anyik ol dook ngenngene kanyik orobiya ute ruget cine Manyi. Tugu ladu inna cu ngati itigile nogo, kar atin abuna ming iloi dezinet ngatineng ming inna agili nogo. ¹³ Anyik ol dook cik itigilte kuruwet loloit ci orobiyac wa een ibolenit vori, gole ci yabinet ci orobiyac ci lugunyento. Een atin orobiyaci ci een loloit ko muci ciganik Manyi. ¹⁴ Ol wak itigilte velek, cik anyak erkinya moten rama kotot, ladu kanyca annit muci ciko. ¹⁵ Ming anyca ol annit muci ciko kidimante doldol ci ruget cineng, irong itowa ladu anya orobiya cik ozoro loloit, kar bodok ol wak apirna ladu irong anya cikidik. ¹⁶ Gama ladu orobiya cik doldolak ko ole cik Israilo kar ladu anycik kize cik linglingon ci ceez wa rumonto. Een atin ladu hadanet ci oli Israilo ngume cinani, kar kidiman doldol ci ruget cinong. ¹⁷ Ozozek Manyi Muses anek ne, ¹⁸ "Diman bodok ladu inna ibolenit ci adikire ki zoc cine abile, kize ci tunyento. Arik ladu inna nono orgene ci ceez wa rumonto ki itele, kar ladu inna arik maam nono. ¹⁹ Anyik Arun ki logoz ciginek ladu kutunyet azin cigek ki zoo maame nginati etito. ²⁰ Ming izo nege ceez ci rumonto icima ming ovo nege itela ojonun kilinglingtoziya annit ngati atuze muci, anyik ladu nogo kutunyco mame kar nege abuna ming irong adai. ²¹ Anyik ladu nogo kutunyet azin ki zoo cigek kar abuna ming irong nege adai. Een atin icu lotinet ci ave udut kize ci Aruni ki ol wak aragiz nono udut doline wak aragiz ol. ²² Ozozek Manyi Muses anek ne, ²³ "Bite ken cik abuna ko: orobiya moten omoto lak tur cik keen wak ongoli adiman ol kize lotagong, orobiya moten omoto lak ramma ki moten tur cik keet wa uturi culai udut ongoli kemed, orobiya moten omoto lak ramma ki moten tur cik angayac wa ongoli kemed, ²⁴ orobiya moten omoto lak tur cik keet ci bilau, iyabje dingdingonte ci orobiya cik ngin wa dikiriot ci kelecio itela, ki dere ci malu ode. ²⁵ Diman ladu inna maal ci vudento alille kaale cik emede ko, linglingon ci eet wa adimana riya. Een atin maal ci alille vudento, anyigonika annita. ²⁸ Uvud inna ladu titi wa rumonto maale cu, ki ibo ci gano wa dolantou, ²⁷ lobele ki uduce ciginek, ngin wa ave lamba ki ijoo ciginek, itele ci lotagongo, ²⁶ itele ci atuzene muci ki ijoo ciginek, kar iboo wa tunyento ki lobele cine. ²⁹ Dima ladu inna nogo kize ciganik kar nege dook abuna ming imonika annita. Gima ci uum nogo ahallai atin buk kavu do kize cinani. ³⁰ Uvud ladu inna Arun ki logoz ciginek kar atahaltiyang nogo annita kar nege kilinglingtoziya annit kize dikiriok cik keleciak. ³¹ Duwak ladu inna oli Israilo izek ne, 'Een ladu icu maal ci vudento ci imonik Manyi udut doline cik aragiz ol cigok. ³² Irong ladu avudonik eleti cik olu, icima ladu niga adimanu maal imma gole ci aduwo ki nono marit ming imonik Manyi. Tongole ladu inna nono gole cu. ³³ Eet ci idimana riya ci ogon ki enne, icima eeti imma arik nono eet imma, etedonik eeti neci ladu tu ole ciginek.''' ³⁴ Uduwak Manyi Muses anek ne, ''Dima keen wak ongoli kemedid, kar imadok ci keet ci emede ki lotagong ele, nogo dook kutubto. ³⁵ Diman nono kutugu ki lotagongi, anyik eet ci adiman lotagong kongotan, kongotan mila, kiliba kar atahaltiyang annita. ³⁶ Erei atin inna nono kongotane kizizi. Arik imma iboo ci ganono dolanto eci ngumo, wa ave tite wa rumonto ecito, ngiwa atin Anna kovo karumone ki igeta. Ongolinu atin niga nono kize ladu ci ahalonika annita. ³⁷ Ki iyoko lotagongi icu atin niga adimanu ko, ma ladu niga adimanu imma cinong gele ci adimanu cu ko. Anyik ladu kilili orot ngaten igeta. ³⁸ Eet ci idiman imma ki neci kanyik kize lotagong ladu etedonik tu ele ciginek.''