¹ Iyoko utuguz zoz cu keze ci imonika nege Annita kar nege kilinglingtoziya Annit kize dikiryok cik keleciak. Idimta ole ci ode dici ki mirkice rama cik azie rok ngolzet, ² umune ci iloi ubula, ki maal. Kar zin bodok bocokoit cik iloi ubula anyak maal. Idimanit bocokoit ovwe ci abuna. ³ Artik nogo guva coge ecito, anyakta kar abuna ming iyelikang annit nogo ki ole kar mirkice cik een rama. ⁴ Iyelta Arun ki logoz ciginek arane wa dici arumone ol. Utunyet Arun ki logoz ciginek mame. ⁵ Dima ladu rumani wak untik ovo rok zoo kar timek Arun ki rum wa atite lajou, rum wa abilek ol zinzeti ki baruc cine, ki rum ci zinzetinu, rumuz rum wa azize aluconik ci rum wa zinzetinu ulucek nono. ⁶ Dima ladu rum wa aluconik oo cine kar artik ngolinet ci alille rum wa oou. ⁷ Kar zin dima maal ci vudeto kar dutek oo cine, kar gole necu uvudet nono. ⁸ Nyaha ladu inna logoz ciginek kar timek nogo rumani wak atite lajou. ⁹ Tihim Arun ki logoz ciginek rume wa amaruk ol icima alucek arut kar timek nogo rumani wak aluconik oo. Een atin linglingoni ci dikiriot ci kelecio cineng lotinowe wak avte udut. Gole cu dima ladu Arun ki logoz ciginek kililec kar nege kilinglingtozia annita. ¹² Dima ladu biyee uge cik olewak kar vudek otto cik itele wa ceez ci Tamutaddeno valakte cune, kar inna dutek biyee uge itele vurut. ¹³ Dima murec ci abung keng dook, kar bodok dima ci abung nyoo ki utucet cik een rama imma ki murec ci abung nogo; kar utuzet nogo itela taddena. ¹⁴ Maje iding ci olewo, rucenit ki wawa, utuzet nogo ceez boica. Een atin muci cik munyenu. ¹⁵ Dima ladu mirkic code, kar Aruni ki logoz ciginek katadek azin cigek oo cine. ¹⁶ Todong zin inna mirkic. Kar dima biye ciginek zacik itele ci ceez ci Tamutaddeno abanyo dook ki tadden. ¹⁷ Ettet mirkic kize idice ilim kar tuny kaal cik kengu ki zoo ciginek, kar dima kaal cik kengu, ki iding ci ellio wa ettedie kize idice ilim ki oo, ¹⁸ atadek itele ci Tamutaddeno. Kar zin mirkic velek. Een atin muci cik atuzonika Annita, Manyi. Aburutanika atin annit ngoliz ci emede; een atin muci cik anyonika annit goya. ¹⁹ Kar bodok dima mirkic imma, kar Aruni ki logoz ciginek katadek azin cigek oo cine. ²⁰ Kar zin inna ruk mirkic kar dima biye ciginek uge. Uvudek itat ci Aruni azzo tadden, ki inn cik logoz ciginek azzo tadden, valak wagek azzo azinu, ki valak wagek azziak adikire zonu. Kar zin inna zacik biyee itele ci Tamutaddeno abanyo dook. ²² Dima murec ci mirkico, murec ci kulo, murec wa abung keng, bungenet ci nyowo, utucet rama ki murec wa abung nogo, ki azan ci azzo een mirkic necu ci ngolinet ci ongolina dikirioti ci kelecio Annita. ²³ Dima umune code, kek code atuze maala, kar dima bocokoitot code ovolvoli guvawa ci umuno ci azze ubulana atin ngume cinani, Manyi. ²⁴ Arik neko azin cik Aruni ki azin cik logoz ciginek. Anycik ladu nogo kodongtik nogo tadden ngume cinani, Manyi, kar kiyelta nogo kize muci ciganik. ²⁵ Dima zin ladu ahat azine cigek kar tuz nono itela taddena ki muci wak atuze. Anyahaka atin annit ngoli ci emede; een ati n muci cik adimanonika annit gwoya. ²⁶ Dimma ladun inna eezit ci merkic ci Aruni wa ahalai kar kize muci kar odongtek tadden kar bodok iyelta kize muci cigannik, Manyi. Kar zin atin kize dainet cinong. ²⁷ Atahaltahang ladu annit ezit ci muci ci odongonik tadden ki azan ci muci nek iyelai ke, ezit neci odongnye ki azan neci iyelekang ke, dook aku mirkice ci iyeleka Annit Arun ki logoz ciginek. ²⁸ Een idingi ci apwe, adima olli Israelo, ladu een ci doli cik doli cik Aruni. Kale wak elemnai mucine cik orkori, een atin neko muci cik adimnyai olle cik Israelo kize dikiriot ci kelecio' muci cik iyelonika annita, Manyi. ²⁹ Anycik rumani wak alille aiime untik ovo rok zoo ladu buk kinyiktozik logoz ciginek afagiz nono. Anycik nogo kuvude ngatineng kar kitimtozik nyagalameta kize ciganik ngatineng. ³⁰ Anyik dikiriot wa kelecio aragiz nono logoze ciginek, wa akunak titi ci rumonto kilinglingoziya annit ngati alille, kitim rumani nek untik ke inyaa turgerem. ³¹ Dima ladu muirkic wa ahaliane dikirioti cinani kelecio kar aak iding cine ngati alille. ³² Kar ladu Aruni ki logoz ciginek kadait iding ci mirkico ki umune neci ave arane eci izowe ol titi rumonto. ³³ Adak nege ladu iding ki umune balik anyik ol kar kurukte munyen cigek kar bodok kuburucek nogo nyagalamet, kize ahalonika annita. Iloi eet imma do ci adak ahat neci, marit ming nege anyak nono kilili kize cinani, anyikzonika annita. ³⁴ Ming inyikjai idingi imma ci muci cik aiime ol nyagalamet, icimma umune imma, rok ngeretin imma, utuzet niga ladu nono. Irong ladu adakce marit ming bali atahaloziya annita. ³⁵ Gole cu, ngati anuyu kaal balik kodolakung Anna utuguz ke, anyait ladu niga Arun ki logoz ciginek. Idimta ladu niga inya turgerem cik anyikango annita. ³⁶ Idimta atigon ladu odoize ole kize muci cik munyenu ci gano wa obodane orkori ki Tamutadden. Itivilet itele ci kelecio kiliba ngati adimanu gano cine, kar niga ladu uvudet nono katahaloziya annita. ³⁷ Inyawe cik een turgerem idimanit ladu niga udukta baci ci munyenu cik itele ci kelecio kar atahaltiyang nono Manyi. Kar zin atin itele ci kelecio dede katahaloziya annita. Gi ci uum itele aronlk do kize ci Manyi. ³⁸ Dima ladu inna odoize nyoo cik azanu een erkinya rama tadik itele ci kelecio. ³⁹ Dima ladu inna nyon ci azeto code ngeriet, kar inna dima code iyomona ⁴² Dima ladu inna nyon ci azeto een muci ci anuwonik ngati oko ki yomon. Dima ladu inna labi cik atuze een muci cik ogon ki wak adima ngeriet ke, ki muci wak awde. Anyaha atin iko ngoliz ci emede annita; een atin muci cik idiman toziya annit gole ci gwoyo. ⁴¹ Een ladun atigon iko muci cik atuze odoize udut dolile cik aragiz ol cugunek. Tugu nogo arane ci titi wa rumonto ngume cinani, Manyi, ngati atin Anna karumone ki inet kar kozozikin. ⁴³ Nginti atin karumona Anna ki ol cik Israilo neci; aronik atin titi do kize cinani ngolinte cinani. ⁴⁴ Kahala atin anna titi ci rumonto do ki itele ki nege ciganik doo. Kahala bodok atin Arun ki logoz ciginek kize dikiriok cik keleciak alinglingonika annita.