¹ Tu̱u̱ gotonu wa een Arun, ki logoz waginek, iko, Nadab, Abihu, Eleazar ki Itamar ol cik Isirailak kar nege abunna ming alinglingngonika anita kize dikiriok wak adikirne kelecia. ² Idimantak Arun gotonu, rum wanani kelecio ojokjowantiya Annita. Een atin rum necu ci ngolinet cine. ³ Zozik ol duk wak een aritok, ol wak balik kanyiha anna vongiz ci genyizo, kar nege abuna ming anyik rum wa Aruni kelecio katahala nono kavu do kar kilinglingoziya annit kize dikiriot wanani kelecio. ⁴ Abunna rumani nek adiman nege ko egin rumani cik abung iyyo, rum ci uuni, rum wa kalucek ele, rum wa atitte alucai rok zoo, rum wa kalucek oo ki arut. Abunna mang adimanai rumani neko kize ciganik. Ovvo rumani neko eegin cik gotonu ceen Aaron ki logoz ciginek kar kilinglingte tiic ci keleco. ⁵ Abunna ol wak alinglinga rumani wak azalkati zurtene, zolle, maam, kar kize rege maritena ¹⁰ Anycik zar cigek een torkonom keteherte biye code, kar bodok cik een torkonom keteherte biye code, kunuyo gole bali aritane logoz ciginek. ¹¹ Ki linglingon ci eet wa ehed kaal biya, ki tehedinet zikta, etehedit nek een rama ko zare cik logoz wak Jakobi een omoto ki ramma. Anycik biyen kulutte gole ci ave zurtenti wa manni. ¹² Artek biyen cik een ramma ebati cik rum wa unni oko rok zoo ayim dikirioti ci kelecio, kize biyen cik ahada Manyi ci logoz cik Jakobi. Anyak atin Aruni zar cigek owe ci Manyi ibatine ciginek een ramma kar kahadik nono. ¹³ Idimanit zedaninet ci zurtento ¹⁴ ki diditac cik een ramma ehedie zurtentak een dede ki baruci okomi cebinto, kar niga urumtek diditac ki dimaninet. ¹⁵ Idimanta rum wa aiimonik zinzeti kar kironte zozok, linglingonte ci ol wak een aritok adimana kaal, ci ngen een jor azize ki rum oko rok zoo aiim dikiriowa cik keleciak. Idimanit zurtenta wa manni, ci zolle, ki immane cik marik manitena, kar rume ci azize zalkati. ¹⁶ Anycik loloknya dook kutubto. Urumet rum ci zinzetinu kize ramma. Anycik unzet kize code valakte ci adikire rok valait cidici kar bodok unzet ci litento code. ¹⁷ Atadiek nono biyen cik ezedan azize een wec. Anycik lelet wa een oo kanyak biyen cik marrik, biyen cik mannik, ki biyen cik marrik een didik. ¹⁸ Kar lelet ci biyen cik anuwonik kanyait biyen wak culaik ataltali, biyen cik zollek ki ziit wa okomi etede ol kaal cik okomi. ¹⁹ Anycik lelet wa een iyoo kanyak biyen cik anyak mariten ci mizmizi, bee wa okomi ehedie, ki bee wa okomi kak een maam. ²⁰ Anycik lelet ci een wec kanyak biyen cik zollek amuje, kar kataltalit. Anycik nogo kodongtai gole wa ave zurtenti. ²¹ Anycik biyen kezedanit zare cik logoz wak Jakobi een omoto ki rama, kavuto code code zare gole wa bali aritane nege. Anycik kavuto kiwagon tehedinrt ci ave zikta amacarane ol kaal, abile zara neko code code kize boriok wak Israelak een omoto ki rama. ²² Idimanta rum wa aburconik zinzeti ci anyak diditac ki baruci wa azalkati, linglingon wa zurtenit ci een dede azuwe ataman. ²³ Idimanta zik cik aluce een rama cik zurtentak cik rum wa zinzetinu kar amadiek nogo abanyo wak atuba een rama rume wa abile ol eleti. ²⁴ Urumtek didita wak zurtetak een rama loloknya cik rum wa aburconik zinzeti. ²⁵ Idimta ladu niga amadiek abanyo uge cik didita cik aluce een rama urumtek ki cik een rama idimante. Kar zin niga amadiek neke ibati cik rum wa uni oko rok zoo eci kengu. ²⁶ Idimanta ladu niga zik cik een rama zurtentak, kar niga ladu artek nogo loloknyai cik een rama rume wa uni oko rok zoo, ungece ci inyau ngati oko ki engerone rum ki ci kengu.