¹ Izik Jethro, alani ci ke̱le̱ca̱ ci orog ci een Midian, i̱nyi̱k ci Mu̱sa̱ kaal cik u̱tu̱gu̱we̱k Ta̱mu̱ta̱dde̱n Mu̱sa̱ ki ol waginnek Israilo. Izik ming anyha Manyi ol wak Israilo Masire. ² Idima Jethro, i̱nyi̱k wa Mu̱sa̱, Zipporah, ngaa wa Mu̱sa̱, ngati i̱to̱ne̱ nonno kuk olo, ³ ki ngertiginnek cik e̱e̱gi̱n ram; azi zar cik ngerinne co̱de̱ ne Gershom,ma̱rri̱t ming izek Mu̱sa̱ ne, "Keeni anna e̱e̱t ci reng lo̱o̱ce̱ ci reng." ⁴ Azi zar cik ngerrinne co̱de̱ ne Eliezer, ma̱rri̱t Mu̱sa̱ ize ne "A̱kku̱ elanet cinanne ngati ji̱ji̱ti̱ga̱ni̱k. I̱ti̱ri̱za̱ ngati nya̱tu̱ba̱t wa Varaoh." ⁵ I̱vi̱ta̱k Jethro, wa een i̱nyi̱k wa Mu̱sa̱, ngerrtik Mu̱sa̱ ki ngaa wa Mu̱sa̱ balala biye ci Ta̱mu̱ta̱dde̱no̱ ngin bali etehencek nege ti̱te̱t ke̱. ⁶ Izek zin enne Mu̱sa̱ ne, "Ka̱kku̱na̱ki̱ anna jethro, i̱nyi̱k wanne ki ngaa wanne ki ngerri ginnek e̱e̱gi̱n ram." ⁷ U̱k Mosesi u̱ru̱me̱k i̱nyi̱k gool, u̱lu̱le̱, kar zin kiza oroot kutub e̱e̱n. I̱ji̱nto̱ ngenngenne bunnat ci gononi kar zin kot ti̱ta̱to̱. ⁸ U̱du̱wa̱k Mosesi kaal do̱o̱k balik u̱tu̱gu̱wa̱k Manyi Varao ki ol wak Masiru zoze ci ol cik Israilo, u̱du̱wa̱k kaal balik o̱bo̱d ki komiz ci we̱tu̱ goola, kar zin Manyi i̱ti̱ri̱z nogo ku̱. ¹¹ Atal zin Jethro kaal nek abunna u̱tu̱gu̱we̱k Manyi do̱o̱k ol wak Israilo, ngati i̱ti̱ri̱ze̱ nogo azzine cik ol cik Masiru. ⁹ Ize zin Jethro ne, "Ki̱di̱ngdi̱nga̱ne̱t Manyi ngati a̱nga̱ra̱nu̱ ngari Masiru ki azzene cik Varao, kar zin kajalek ol kotozo do̱ bu̱rbu̱ra̱ni̱nte̱ cinneng. ¹⁰ Ka̱ga̱̱wa̱ niko ming a̱ddi̱ki̱re̱ Manyi kommog ta̱mu̱ta̱dde̱ne̱t u̱gge̱, ma̱rri̱t baling odongit Masiri eeleti i̱mi̱ce̱ ol cik Israilo, i̱ti̱ri̱z Ta̱mu̱ta̱dde̱n ol waginnek." ¹³ Ma̱i̱je̱ wazin ci reng aavu Mu̱sa̱ lo̱o̱ta̱ kar zin ketted lo̱ki̱ko̱ ci o̱llu̱. Ibilet ol uburuwet nonno ngerret zee tu̱p kize yo̱mo̱n. ¹⁴ Baling icin i̱nyi̱ki̱ ci Mu̱sa̱ kaal nek ogonik enne ol ko do̱o̱k, ize enne ne, "Nya̱a̱ neci ogonik inna ol ko̱?Nya̱a̱ ming aave inna do̱ kar zin ol do̱o̱k kibiltei akanne nge̱rre̱t tu̱p kize yo̱mo̱n?" ¹⁵ Izek Mosesi i̱nyi̱k wainne ne, A̱vu̱na̱ka̱ annit ol kar ki̱vi̱ta ki̱ji̱nta̱ gool ci Ta̱mu̱tadde̱no̱. ¹⁶ Ming adangto, a̱vu̱na̱ka̱ annita. Kodola anna zoz ci obbod ki e̱e̱t imma ki gonni, kar zin kedemez nogo baiz ci Ta̱mu̱ta̱dde̱no̱ ki lo̱ti̱no̱k." ²⁰ Izek i̱nyi̱k ci Mu̱sa̱ nonno ne,"Irong gi̱i̱ ci ogoni inna ko abunna oroot. ¹⁸ Okko atidic inna appirna ki ol cik aavunaki ko, ma̱rri̱t ming a̱di̱ngdi̱nge̱ kitihicin. Irong wo̱ye̱ inna a̱li̱ngli̱ngi̱ do̱. ¹⁷ Ziya da annita.Kanyi atidic ti̱lo̱wi̱ne̱t, ngen atidic ozoleki Ta̱mu̱ta̱dde̱n, ma̱rri̱t inna ming eeni zo̱c ci o̱llu̱ Ta̱mu̱ta̱dde̱no̱, kar zin gon inna nyohozik jo̱re̱t cigek nonno. ¹⁹ Demez nogo baiz cinne ki lo̱ti̱no̱k. Yelek gool ci owoye kar zin li̱ngli̱ngo̱n ci ogoni. ²¹ Abunna bo̱do̱k, ming ahala logoz cik okkomi uule zoz olle do̱o̱k, ol cik o̱ngo̱lle̱ Ta̱mu̱ta̱dde̱n, logoz wak agga zoz ci een de̱de̱ abure nginti itanye kaal u̱gge̱. ²² Anyik nogo kabalit ol ecik e̱e̱gi̱ni o̱mo̱to̱ lak o̱mo̱to, mo̱te̱n o̱mo̱to̱ mo̱te̱n tu̱r ki cik e̱e̱gi̱n o̱mo̱to̱. Etted atigon nege lokiket wak o̱llu̱ emenna odohize, kar zin kanyaktai lo̱ki̱ke̱t wak okomi inneta. Kar zin nege kettedet lo̱ki̱ke̱t wak idik nege do̱. Kar zin wo̱ye̱ kobowe baizi bu̱k nga̱tu̱ne̱, kar zin ko̱zo̱lte̱i̱ li̱ngli̱ngo̱n neci a̱di̱ngdi̱nge̱ ko̱. ²³ Ming u̱tu̱gu̱ inna niko, kar zin bo̱do̱k Ta̱mu̱ta̱dde̱n ki̱gi̱de̱i̱ tu̱gu̱ niko, kar zin wo̱ye̱ inna idiwa, kar zin ol do̱o̱k kot olo ngati anyarne zoz necu." ²⁶ Izik Mu̱sa̱ zoz ci i̱nyi̱k cinne ke̱ kar zin ku̱tu̱gu̱ kaal nek u̱du̱we̱k enne ke̱ do̱o̱k. ²⁴ Atahala Mu̱sa̱ lo̱go̱z wak okkomi o̱lle̱ cik Israilo do̱o̱k kar zin kanyik kizeto lo̱ddi̱ki̱re̱ cik o̱llu̱, di̱ki̱ri̱o̱k cik abal ol eci e̱e̱gi̱n mo̱te̱n o̱mo̱to̱ lak o̱mo̱to̱, mo̱te̱n o̱mo̱to̱, mo̱te̱n tu̱r ki cik e̱e̱gi̱n o̱mo̱to̱. ²⁵ Ettedit nege lo̱ki̱ke̱t cik o̱llu̱ labak. A̱nya̱kta̱k lo̱ki̱ke̱t wak okkomi Mu̱sa̱, ma̱i̱je̱ lo̱ki̱ke̱t wak idik do̱o̱k etted nege neke. ²⁷ Aanylk Mu̱sa̱ i̱nyi̱k kuk, kar zin Jethro i̱mi̱re̱ uuk lo̱o̱ce̱ wanne.