¹ Otozo zu̱we̱ ci Israilo do̱o̱k balale ci lo̱o̱c ci een Sin, annu ti̱lo̱wi̱ne̱t ci Manyi. Etehenyet ti̱te̱t nginti een Revidim, a̱zze̱e̱ zin da maama cik aud ol to. ² U̱tu̱lu̱ze̱k zin ol Mu̱sa̱ zoze ci appirnane maam ko̱ kar zin kizeto ne, "Inyet aget maam ku̱dda̱." Izek Mu̱sa̱ nogo ne,"Oyokang nya̱a̱? "Atimanu Manyi nya̱a̱?" U̱ru̱k da ol kor kar zin ku̱tu̱lu̱ze̱ Mu̱sa̱. Kar zin kizeto ne Anyahanet eye inna aget Masire nya̱a̱? Kar i̱jja̱ ru̱we̱t agit ki dooli cigak ki elegje cigak ko̱ kadat kor?" ⁴ U̱tu̱lu̱we̱k zin Mu̱sa̱ Manyi, "Kar ku̱tu̱gu̱ ol ciko ku̱? O̱ro̱ngi̱t abarik ko̱vo̱ca̱ biyene." ⁵ I̱ze̱k Manyi Mu̱sa̱ ne, "Ize o̱o̱ ci o̱llu̱, kar zin bite ki ddi̱ki̱ryo̱k cik Israilo u̱ge̱ bu̱k. Bite ki keet bali a̱bi̱ce̱ liil ke̱, kar zin to̱o̱. ⁶ Karrai atin anna ngin neci een Horeb ke̱, kar zin kibil biya, kar zin inna bi̱c bee. i̱bbo̱rya̱ḵ atin mamma bi̱ye̱ neci ol ku̱dde̱." U̱tu̱gu̱ Mu̱sa̱ niko kicinet ddi̱ki̱ri̱o̱wa̱ wak Israilo bu̱k. ⁷ Akatek ngin neci zar kize Massa ki Meriba ma̱rri̱t ming a̱llu̱we̱ olli Israil nonno, ma̱rri̱t bo̱do̱k ming itimanit Manyi ngat aziwe ne, "Aave dim i̱ye̱ Manyi ngatina to yoo, a̱zze̱e̱ da too?" ⁸ I̱vi̱ta̱ zin aciiri cik ol cik e̱e̱gi̱n Amalek i̱ga̱ngto̱zi̱k ol wak Israilo ngati een Revidim. ⁹ Izek zin Mu̱sa̱ Joshua ne,"Tahala da logoz u̱gge̱ kar zin oot reena. U̱ru̱gto̱ ki Amalek. Ka̱bi̱li̱ anna lo̱za̱ nge̱rre̱t biya ta̱dde̱na̱ ki gi̱i̱ wa Ta̱mu̱ta̱dde̱no̱ a̱tte̱ cinanni." ¹⁰ Orr zin Joshua Amalek ki baling obek Mu̱sa̱ ke̱, Ma̱i̱je̱ Mu̱sa̱ ki Aaron, ki Hur oot biya ta̱dde̱na̱. ¹¹ Baling o̱do̱nge̱k Mu̱sa̱ azzen waginek ta̱dde̱n, ommog ol wak Israilo ol; ming aanyik azzen ku̱yu̱be̱t, ommog Amalei nogo. ¹² Baling i̱di̱ngdi̱nge̱t Mu̱sa̱ azzena, idimta Aaroni ki Hur be kattaddai nonno kar zin enne ka̱vu̱e̱. Ma̱i̱̱je̱ ngatu Aaroni ki Hur o̱do̱ngte̱k azzin waginek ta̱dde̱n, ibil e̱e̱ti̱ co̱de̱ ma̱rryo̱kte̱ co̱de̱ okko imma e̱ci̱ o̱de̱ ke̱. Odongte zin azzena cik Mu̱sa̱ top tu̱p ki̱to̱ i̱i̱. ¹³ Ommog zin Joshua ol cik Amaleki nga̱tu̱ba̱ta̱. ¹⁴ Izak zin Manyi Mu̱sa̱ ne, "Teherik zoz necu bu̱u̱k kar zin ikeeb kizik Joshua, ma̱rri̱t atin anna ming kavila i̱no̱ni̱ ci ol cik e̱e̱gi̱n Amalek vellek ki̱ze̱c lo̱o̱ta̱ udut." ¹⁵ Kar zin Mu̱sa̱ keteheny i̱te̱le̱ kar zin kakatek zar cik e̱e̱gi̱n "Manyi ci een u̱ru̱mu̱t cinanni." ¹⁶ U̱tu̱gu̱ enne gi̱i̱ necu niko, ma̱rri̱t ming ize enne ne, "u̱du̱l Manyi keet ize ne korona enne ki ol cik e̱e̱gi̱n Amalek bu̱lo̱k ki bu̱lo̱k."