³ ko̱ liil wa a̱ddi̱ki̱re̱ oroot. ² Een Ta̱mu̱ta̱dde̱n komiz cinanni ki long, kar zin enne kize ti̱ri̱ze̱ce̱t cinanni. Een necu Ta̱mu̱ta̱dde̱n cinanni, ka̱di̱ngdi̱nga̱ni̱ anna nonno, een Ta̱mu̱ta̱dde̱n ci baatanni, kodongek anna nonno ta̱dde̱n. ³ Een Manyi oryait ci orr illa; een zara ciginek Manyi. ⁴ u̱ju̱ke̱k toromilet ki aciir cik va̱ru̱ liil wa a̱ddi̱ki̱re̱ oroot. U̱tu̱ddu̱dde̱ tobati wak va̱ru̱ atahaltai liile wa a̱ddi̱kire̱ een Reeds. ⁵ U̱bu̱ng u̱u̱nze̱t ci maamu; ittoz u̱u̱nze̱t ci maamu ki wagon bee. ⁶ Een a̱zzi̱ti̱ cunne a̱zzo̱, Manyi, a̱ddi̱ki̱re̱ i̱ba̱ti̱ne̱; azzan a̱zzi̱ti̱ wainne a̱zzo̱, mo̱do̱, Manyi. ⁷ O̱mmo̱gu̱ i̱nna̱ ddi̱ki̱rze̱te̱ ci alaanzete cunne ol balik inganiki ke̱. I̱to̱na̱ motiz wanne; edeca nogo ki wagon stubble. ⁸ I̱ti̱vi̱cce̱ mama kot ta̱dde̱na̱ ngote ci a̱kku̱ ungece cunne; ibilet maama cik a̱ri̱k ta̱dde̱na̱ dop ku̱mu̱rte̱; u̱lu̱te̱ maama ngati u̱u̱ni̱ orgenne ci liil wa a̱ddi̱ki̱re̱. ⁹ Ize moddenti ne, 'Kanu atin, kuk kalamu, koko kengerya kaal cik irranai; kar ka̱bba̱ngi̱ze̱ ru̱ngi̱net ci koronge nogo; kavuca nya̱tu̱ba̱t cinanni; azan ati a̱zzi̱ti̱ cinanne. ¹⁰ Ma̱i̱je̱ inna u̱tu̱bu̱u̱ ngo̱tte̱ cunne, kar zin moro ku̱ku̱k nogo; itozo nege maam cik me̱e̱le̱k ecito ki wagon a̱wa̱ci̱. ¹¹ Ngene ci ogon ki inna, Manyi, orgene ci ta̱mu̱tdde̱netu̱? Ngene ci ogon ki inna, a̱pu̱a̱ oroot ngati eene a̱li̱le̱, a̱di̱ngdi̱nga̱ne̱ talninta, ogon kaal cik a̱vu̱la̱? ¹² uzuca a̱tte̱ wainne a̱zzo̱, kar zin lo̱o̱ce̱ ku̱ku̱k nogo. ¹³ Ingida o̱lo̱me̱ wanne ol balik eela ngollinta ki nogo. Anyaha komize wanne rok ngin wagon a̱li̱le̱ abahe inna, ¹⁴ Aziye atin ol ka̱bbri̱te̱t kar kotongolte lo̱o̱c, kagam bbi̱ri̱to̱ni̱ ol wak abak ngati een Vilistia. ¹⁵ Kar zin atin alaata cik Edomi kotongolte lo̱o̱c; a̱bba̱ri̱t atin aciiri cik Moabi; a̱vi̱r atin ol do̱o̱k wak abak ngati een Kanaan kot reena. ¹⁷ Anyha atin inna nogo kar zin kabaito bi̱ye̱ ci abaha inna, nginti, Manyi, ngin bali idimanu inna kar bahe ke̱, wa azunet Manyi, wa etehenycha azzina cugunnek. ¹⁸ Abal atin Manyi lo̱o̱c zee udut." ¹⁹ I̱to̱zo̱ vartange cik Va̱ru̱ ki toromilet wak a̱gu̱ru̱ti̱ ki ol wak ottod bu̱k liilto wa a̱ddi̱ki̱re̱. Anyahak Manyi maam cik li̱i̱lu̱ nogo. Ma̱i̱je̱ ol cik Israilo owo ngati odoi moro orgena. ²⁰ ldima Miriami wa een to̱ni̱a̱i̱t ci ngaye kar bo̱do̱k kize ngoni Aaron, i̱do̱ng ci een tamdourine, ki ngaai du̱k urugumet gola i̱do̱ngwa̱ne̱ nek e̱e̱gi̱n tambourinet ke̱. ²¹ E̱be̱no̱zi̱k Miriami nogo: "E̱be̱nto̱zi̱k Manyi ngewa enne ommoge moddo ku̱bu̱le̱. u̱ju̱ke̱k vartangec ki e̱e̱t ci ottod ko̱ du̱k liil wa a̱ddi̱ki̱re̱." ²² Kar zin Mu̱sa̱ kuwe ol wak Israilo kot o̱o̱wa̱ liile neci een Reeds ke̱. Oot nege balele ci een Cur. Otozo i̱i̱nya̱ i̱i̱yo̱ balala ngati i̱llo̱i̱ rok maam. ²³ I̱vi̱ta̱k zin nginti een Mara, irong zin nege abarik aud maam ma̱rri̱t ming a̱mi̱ki̱re̱. utuwet zin ngineci kize Mara. ²⁵ U̱tu̱lu̱ze̱ zin ol Musa izetek ne, "Kaudda atidic naga nya̱a̱?" ²⁶ Ogowek Musa Manyi, kar zin Many i̱ye̱le̱k nonno keet imma. Okolek Mu̱sa̱ keet neci maam, alalit maama neke irong ngen akatkati, aganto ki udenet. Aanyik Manyi nginati lo̱ti̱ne̱t ci okomi kak, itiman zin enne nogo. ²⁴ Ize ne, "Ming iziyet muluk cinnanni ju̱rru̱m, Anita, Manyi, Ta̱mu̱ta̱dde̱n wannong, kar zin u̱tu̱gu̱z kaal cik i̱llem̱nyu̱ eberene cigannik-kar zin bo̱do̱k artik zi̱nze̱ti̱ kaal cik kodola kar zin otongolte do̱o̱k lo̱ti̱no̱k wagannek, i̱llo̱i̱ wo̱ye̱ moriz mo̱ri̱zo̱we̱ balik kariya Masir cik ka̱ri̱ku̱ng; kenni Manyi wa a̱ti̱ri̱zu̱ng igeta."