¹ Ozozek Maanyi Moses ki Aaron looce ci Masiro. Anek ne, ² "Een necu ngatinong nyelok wa een akanne, nyelok wa een oo erkita. ³ Uduktak kolle ci olli Israilo, 'Iwe wa een omoto nyelowe ceeni anyik nogo velek cezine cigeg kanyakta nyoo cik azzau icima nyoo cik eezau. ⁴ Ming idice ol cik ceezu ci irong uule kanyakta nyoon ci azzieto, anyik kurumet azzin ki lecari kanyakta nyon ci azzieto icima nyon ci eezo ci eleno ki ol cik ceezi cigeg. Kar kelezo ki ol dainta velek. ⁵ Nyona nek azau icima cik eezau ko abunna mang eegin cik aliba eleti cigeg kizec rok ngintik ngolik eletine cigeg, kar vodok abunna mang anyak erkit code kar kize maca. Adimanu weiye azza ki eeza labak. ⁶ Anycik kavuto zee kize nyeloi omoto ki wec. Kar zin olli Israilo kuruwet elegge neko balin kenga ngati engere balini eele. ⁷ Idimta biye ubultek tatuget cigog tadden ingati adikkiu niga iiding ke. ⁸ Adait iding ci ivade balin neci. Adait ki umunet wak irong anyak gi wa anyik kuduv, ki egero wak amukcari. ⁹ Ma adaku culak icim aku. Ivadit gwoya elle velek rok ulukte. ¹⁰ Ma anyiganu iding imma kaavu zee kize ngerret. Ivadit iding cik anyikzai ngerret. ¹¹ Adait goole ci ogon kete: adakto ngati anyaku nyakadinget cik ozokzogi, ki caava zone cigog, ki coolit azine cigog. Ma adainu idiic uzuwet. Eci ee ii wa Maanyi vardanginto. ¹² Uduwa Maanyi: azine koko enne baling neci kowoye looc ci Masiro koko karui abunya wak ollu ki cik elegenu. Koko kanyahak dezinet tamutaddenet cik Masiro. Keeni ana Maanyi. ¹³ Iyella atin biyeta ceezine cigog nginti irong ana karuwe abunya cik olli Israilo. Mang kacini biye, kavardangi koko karui ol looce ci Masiro. Irong atin zeeret neci akunakung kar kiciya kiditaung igeta. ¹⁴ Een ii neci atin ci aadanu niga erkinyai, ci adimanu niga kize ii ci alile adimanu kwor ci Maanyi. Een atin lotinet ngatinong kurum ci alawano, odoya ii cu. ¹⁶ Ovvo niga adakku umunet wak irong anyak gi ci anyik nogo kuduvet inya cik een turgerem. Ii wa een oo idimta ubula ceezine cigog. Eet ci adak umune wa arike ol ubula zee kize inya turgerem, otoktek eet neci tuu ci irong arumenu ki igeta. ¹⁵ Ii wa een oo een ii ci alutene ol zooze ci obod ki anita, zee kiciya ii wa een turgerem kar ulutte. Azzi linglingoni atin iiwe necu kize aainet wa aahe ol ahat ci adai. ¹⁷ Abunna mang odowanu kwor ci umunet wak irong aduve eeci ii neci atin een iici kokoyung anna iget iyoit looce ci Masiro orgene ci aciru. Odoya ii cu kurum ci alawano. oko atin een tilowinet cinong. ¹⁸ Adait umunet wak irong aduve ngati engere balini ele ii wa een omoto ki wec nyelowe wa een oo erkita. ¹⁹ Inyawe cik een turgerem, irong korongi ubula cik iyelai ceezine cigog. Eet ci adak umune ki ubula, otokie eeti neci orgene cinong, maiye nunun eeti neci een idongenit icima een eet ci aritai looce cinong. ²⁰ Ma adaku gi ci adimanai ubulai. Adait umunet cik irong anyak ubula ingatik abaku niga ke.''' ²¹ Utu Mosesi lodikire cik Issrailo kar kuduwak nogo kizek ne, ''Oot atahalta nyoo wak azzanu icima cik eezau abunna mang ovvo adaku iiwa vardanginto. ²² Kar ottie kaal wak abulbulane ol ceezi udunycek biye uduca ubulbulantek tatuget tadden kar avut ceezine zee kaala looci. ²⁴ Odoya ii necu kurum ci alawano. Oko een lotinet cinong ki dooli cik dooli cigog. ²⁵ Ming ovvo niga izoyu looc neci atin anyung Maanyi iget ke, ki baling uduwa enne azine okko ogoni, odoya dingdinganinet necu.