¹ Izek zin Maanyi Moses ne, "Nganie zeret code ci koko kanyahai Varo. Ma vurta, oko enne anyung iget oot ngatu. Mang anyung enne iget ooto, anyung atin eene iget oot uudut. ² Bit ricanek ol cugunek koot kalaya ziknya ki zurtenen lecariete cigeg.'' ³ Anyik Maanyi olli Masiro katalto ngati ol cik Israilo. Atalne abarik Mosesi oroot ngati Varo ki ducak ciginek ki olli Masiro. ⁴ Azi Mosesi ne, "Azi Maanyine: 'Adic balin kenga kaluci orok ci Masiro. ⁵ Ovo abunya cik olli Masiro adai, akanne ngati abu wa Varo, wa oko aragiz lecer cinne, rok abu ci langizenit wa een buwec wa go erekie rabaza ko, kuruma rok abunya cik tiinu. ⁶ Apwa atiin ulwa looce ci Masiro, ci nganie iyelai ina-tamwa. ⁷ Azie atin rok uruz ci egernyek olli Israilo, rok elege cik zarak. Ovvo niga agayu mang kanyii anna ol cik Israilo kavuto do olle cik Masirak.' ⁸ Ovvo ducaha negune ko, rok Varo, akane ooti looc ngume cinani. Azi atin nege ne, 'ooto, ki ol negog anuyung iget ko!' ma vurta kar anna kuwo.'' Uuk zin enne ngati Varo varacinta. ⁹ Izek Maanyi Moses ne, "Irong Varo oko azignung. Ogonie atin gi neci niko, kar kiyela gi ci okko anna kogoni kaal cik akulek ol looce ci Masiro.'' ¹⁰ Utuguzo Mosesi ki Aaron kaal cik avula looce ci Masiro ngume ci Varo. Anyik abarik Maanyi Varo kokom zinin kaak, kujurak olli Israilo wet looce cinne.