¹ ኣኪ ጪኒጌን ናኒዮ፤ ናንዳካጝ ሃኣንቴ ክያጃካ ቃቦጝ፣ ከኦግታይ ካጊያምሽ ኣሩጜ መንፈሴ ካሻምባ ኡዋው ኤታጋን ጫንቃል፤ ከባሪዮ ሪግሺኔንዻ ካሻሚባ ይሁኔን ጉዋዩ ካሎን። ² ጃክቴባ ኡዋው ሻን ጉዩ፤ ኡዋው ሃካና ጊያምሺሻኬን ውር ክየምጵንዻ፤ ሃካና እያኒሺቴኬን ውር ክየምጵንዻ ሃምካ ጊያምሼን፤ ሃካና ቱዋናኬን ውር ክየምጵንዻ። ³ ሃሺጜ ይኑጝ ማርካ እየው ዻብሺዬኔን፤ ናንዳካኦ ከኦካ ሌሜንካ ይጝ ከእያይ ሃሜይሼ እየው፣ የኣንቴ ራቅ ኦካ ሻን ጉዋዩ። ⁴ እምነት እን ናኒ ኣኔን ከእየው ሃታቺ፤ [ሹቃት] እን ናኒ ኣኔን ከእየውዻ ሃታቺ፤ ፕርዻ ሃሌምያ ካሎን፤ ከኦካ ጋሎ ጉዋዩዻ ፓይላ ዋዛ ናኒ ኣኔኬን ሄክንሲዬን። ⁵ ከሹ እን ሃኩኔ መቄዲንያጝ ጋሎ ሄክሻ ኡዋው ከኦጉዋይካ ክራጝ ዬ ሩዋ ጉዋዩ ካኒ ጌይኬን ኡሲ ቦወን፤ ከሹኑክ ሃኦኬ ጋራ፣ ከቱዎጝ ፕር ሃኣንቴ ሪጊ። ⁶ ካኣይባዬ ኣምላክ እንካ ሌምሲ ውር ጊታይካ ሞይካዾጝ ከቲቶ ኩኔን ሌምሲያ ኡዋው። ⁷ ሃሌምቴዻጝ ማርኬ ኩኔንጵኔኔ፣ ሃኬ እን የቻሊቴ እሺዻ ሌምሲዬኑጝ። ናንዳካ ፎሽካዽዬን ጉዩ፣ ናንዳካ ሞይካዾ ጉዩዬ ናንዳካ ቡውንታ እን ጉዩ የሻምቴ ኣንዻዬ ሜይሼያ ኡዋው፤ ዬ ኣይኔን ከሹ ኬና ኣይ እያኑጝ ዋዝንሲያ ኣን። ⁸ ካቦኩንሲ እየው ከሜርሜር ናኑጝ ሃዻብሺኬን ኣን ኤምኑ፤ ካዻብሺ ኣን ኤምኑጝ ሜርሜር ናኒ ካቦኩንሲዬ እየው ካኣዬካ ሹ ጩዋማጝ ሃእባጅያ። ⁹ ዬ ጋን ሃዋዝንዽያ፤ ዋዛ ናንዻ ማርኬ እን ሃቦኩንሲዬ እየወኔ፣ ሞይካዾ ጉዩ ካሻውቴ ይሁኔኑጝ ሃናንዳካ እን የሄክሽቶጝ፤ ናንዳካኦ ሞይካዾ ጉዩ ሃኬካ ክያጃካ ባሪዮ ዬ ከእን ናሹጝኬ ኡዋውጝ የካኔ ጊያምናኬን ክየምጵንዻ። ¹⁰ ሞይካዾ እን ኣይ ኬካ ክያጃካ ባሪዮጝ ሄክሼባ እየው ሃምካ ይሁኔንካ ባይሼኑጝ። ኣኔኬ ዻባሞዻ። ዬ ሞይካዾካ ፔኑጝ ሄክሼባ ሃምካ ኣርሼኑጝ። ¹¹ ሞይካዾ ይጝ ኣይኬ ክያጃካ ባሪዮጝ ማር እያን ቁዋቅት ኣኔን፣ ማር እያን ቻሊዬንካ ቃቦ ኣይኔን ኣኔን፣ ማር እያን ማኒሼን ኣኔን፣ ማር እያን ሪጊ ኣኔን፣ ማር እያን ፎሽክሞ ኣኔን፣ ማር እያን ኦኬ ሹቃ ኣኔን፣ ማር እያን ጎሮ ኣኔኔ የጌይቶጝ ቶይባ። ከዳቢ ይጝዻ ከኦኬ ፓይላ የኣይቴ ጫንቃሉጝ ሃማኚሼ እየውባ። ¹² ኣኪ ኣን ሃቶኩሼ እየው ማር ናንዳካ ጊያምሼኔን ወይ ማር ናንዳካ ውር እን ጊያምሼዬን፤ ኣይባዬ ናንዳካ ኡዋው የኣይቴ እያን ሹቃጝ፤ ከቶይ እየው ኤታጋን ኦካ ማሪካ ባሪዮዬ ጊያ። ¹³ ኡዋዻ ከክያጃጝ ሃኣኒና ሌምዬን። ኡዋውዻ ከሌምዬን ሌሜን ከዋዛካ ቲቶ ዋዝንሲያ ኡዋዻ ሳጊ፤ ናንዳካኦ እየው ፓይላዻ የቦውሻያ መንፈስ ኡሲ። ¹⁴ ሹቃቲ እን ናኒ ኣይኬ እየውጝ ሃሜይሼያ እሺ፤ እየውዻ የካኔ ቦኩንሲያኬን ኣን። ኣይባዬ እን ሃኣኒንቴ እየው ሜይሼኑጝ ፓይላ ኣዬ ኣኩሉኩጝ፣ እያይዻ ናንዳካ እየው ሃሜይቴ ቲቶ ከሹቃቱጝ ኣዬ ኣኩሉኩጝ እባጃ። ¹⁵ እሺዻ እን የቦቴ እሺ እያን ከሪጊዬ ከሪጅኔኔ እየው ፓይላ የዋይሺንቴ እሺ እያኑጝ ጶቅሲያጝ ናሺማ እን ኔኒ ኣይኬ እየው ቁዋቅትሼ ኩያ። ¹⁶ ኣንዻ ሃቻሊዬኬ ኦኬ ፓይላ ጉዩ ኤርምኔኑጝ ሃዋዝንዽያ።