11 وبعد الثلاث الأيام والنص، الله دخل فيبهم روح الحياة، فرجعوا قاموا ووقفوا بأرجلهم، والناس اللي كانوا يشوفوهم افتجعوا فجيعة كبيرة. 12 وسمعوا اثنان الأنبياء هاذوم صوت قوي من السماء يقلهم: "اطلعوا لعندي."
13 وبنفس الوقت، وقع زلزال قوي، فعُشر المدينة اتهدمت، وقتلوا سبعه الاف رجال. واللي نجوا من الزلزال جلسوا يستغفروا الله من الفجيعة.
14 كملت الكارثة الثانية، وشتجي كارثة ثالثة ذاحين. 15 وبعدا نفخ الملاك السابع ببوقه، وسمعت اصوات قوية بالسماء تقول: "ممالك العالم اصبحت ذاحين لربنا ومسيحه، وشيحكموا لأبد الآبدين." 16 والشيوخ الأربعة والعشرين الجالسين فوق عروشهم قدام الله سجدوا لله وسبحوا الله. 17 وقالوا له: "نشكرك يا ربنا القادر على كُل حاجة، الموجود واللي كان موجود من أول، نشكرك لأنك شليت قدرتك الكبيرة والملك حقك بداء. 18 فالكفار زعلوا، وذاحين جاء وقتك تزعل منهم، وجاء الوقت اللي شتحاكم فيبه الميتين، وشتجازي عبيدك الأنبياء والصالحين واللي يخافوا من اسمك صغار وكبار، وتهلك الناس اللي يفسدوا بالأرض."
19 وبعدا افتتح هيكل الله بالسماء، وبدي صندوق العهد بداخله. ووقعت بروق وأصوات ورعود وزلزال ونزل برد كثير.