5 ² Wakatɛ ẽŋa Nawẽnnɛ n ka tarɩ ba’asgɔ yele Azoze yetɩ: «Dɩkɛ kutãmpɛrsɩ ẽŋɛ sʋ’ʋsɩ wã Ɩsrayɛlɩ nẽr-sɛba n de zamãana bʋyi dõma la». ³ Tɩ Azoze Dɩkɛ kutãmpɛrsɩ ẽŋɛ sʋ’ʋsɩ wã Ɩsrayɛlɩ dõma Aralɔtɩ [kũnkũnne] tãŋa zuo». ⁴ Se’ere n soe tɩ Azoze wã ba la: « bʋra-sɛba wuu n daan tãɩ wʋ sẽŋɛ zɛbrɛ zẽ’am, ban yese Ezipti wakatɛ sɛka la wuu daan ki mɛ sore zuo, weego pʋam ba Ezipti yɛsga la poorʋm». ⁵ Ba daan wã ba wuu mɛ. la budim-sɛba tɩ ba daan dɔgɛ ba wakatɛ sɛka tɩ ba pãrgɛ weego, ban yese Ezipti la poorʋm na daan ka wã. ⁶ Yʋʋma pinaasɩ, Ɩsrayɛlɩ dõma daan sẽnnɩ la weego la pʋam, halɩ tɩ zamãan-ẽŋa bʋraa-sɛba n tãɩ wʋn sẽŋɛ zɛbrɛ zẽ’a na wuu ki ba’asɛ, wakatɛ sɛka tɩ ba yese Ezipti la, se’ere n soe la, ba ka sakɛ Nawẽnnɛ n ka tarɩ ba’asgɔ nõorɛ, Nawẽnnɛ n ka tarɩ ba’asgɔ daan pɔ mɛ tɩ a kãn basɛ tɩ ba yẽ tẽn-sɛka tɩ a bĩŋe nõorɛ pɔɩ la ba yaabdõma tɩ a wʋn bɔ tɔ. A de la tẽŋa tɩ ɩɩlʋm la seero pɩrɛ [boe] mi. ⁷ La de la ba kɔma tɩ a dɩkɛ sɔɔgɛ ba zẽ’a. La de la bãma tɩ Azoze daan wã, se’ere n soe la, ba daan ka wã wakatɛ sɛka tɩ ba daan sẽnnɩ weem na. ⁸ Ban wã nẽrba la wuu ba’asɛ la, ba weege la ba zẽ’am halɩ tɩ ba nɔtɔ la wa bɔɩ. ⁹ Tɩ Nawẽnnɛ n ka tarɩ ba’asgɔ yele Azoze yetɩ: « Zĩna mam yese yãnnɛ tɩ ya tarɩ Ezipti wa’am na basɛ mɛ». Bɛla tɩ ba wi’ira zẽ’am na yʋ’ʋrɛ tɩ Gilgalɩ.( n boorɩ tɩ a yetɩ la tole mɛ dee tɩ basɛ). Yʋ’ʋr-ẽŋa weege bɔna mɛ wa paam zĩna. ¹⁰ Wakatɛ sɛka tɩ Ɩsrayɛlɩ dõma daan boe Gilgalɩ la, ba di la zɔɔgɛ basɛ kibsa, yʋ’ʋŋɔ, wõrga la dabsa pia la anaasɩ daarɛ Zeriko zẽ-sɛka n naagɛ taaba la. ¹¹ Beere n wiige la, ba di la tẽŋa la dia, borborɩ n ka tarɩ dãbɩllɛ, la si tɩ ba sẽ. ¹⁴ Tɩ bʋraaga la lerge yetɩ: « ayoo mam de la Nawẽnnɛ n ka tarɩ ba’asgɔ sʋdaasɩ kɛ’ɛma, mam nãn sẽm mɛ». Tɩ Azoze ka dũma dɩkɛ nẽŋa võglɛ tẽŋa dee yetɩ: « Zuudãana mam de la fʋ tõntõnna fõn boorɩ tɩ m ẽŋɛ la bẽm?» ¹⁵ Tɩ Nawẽnnɛ n ka tarɩ ba’asgɔ sʋdaasɩ kɛ’ɛma la lerge ẽ yetɩ: «pirge fʋ tagra, se’ere n soe la, zẽ’e-sɛka tɩ fʋ ze la de la zẽ’e-sõŋɔ». Tɩ Azoze sakɛ ẽ yele ẽ se’em na.