¹ Keriso uhurahe gera daki ga riaga roma, daka avanage veitera, di uhure ra Horu Aena vara daki riaga gahima ² daigera vagahu vara rahora renu huhu kosako veite ra di sorukehe gera. ³ Da gahara varera daka davahu huhu nagisa renu gaise Keriso gasina di ogo nanuhe yau dainehe, ahata makava do sokuheya. ⁴ Yauka Israelites yabera. Yaukamu idi gevenu, hairadiva uhurahe, uhu anana kobugava, aena mageva, dubu uhura mava, renu ominue ya. ⁵ Yauka patriciahs yabera Keriso raki matauva too ahata makava-auka Dirava ra iaga aubougi variada. Nona so mage gahare too behibehi. Amen. ⁶ Eduge beta anavare Dirava gare ramu morugohonu. Badivara Beta Israel uhura uiare yabeki yavahu Israel koitava ya. ⁷ Se Abraham tene yabera beta au bougi au gamuhe yabera. Eduge, "Isaac gamuhe uhurahegera yauna ihiro geisa." ⁸ Era, ahata gamika yabera beta Dirava gamuhe yabera. Eduge ominue gamikava yabera ihiro gevene gamikava yabera. ⁹ Badivara ora ominue gavara: " Vani ona vivive uhuragera dana orogisa, eige Sarah ra gami mova be mimivara." ¹⁰ Beta ogu, eduge ihie Rebekah tagera ata beige auki oroganu, ni Mame Issac- ¹¹ badivara momona yabera so vara veitera renu yauka iaga mage be se daure vabe kiki veitera, eige Dirava gahara varera bera mina beta vara ra, ¹² Beta vagava veite dainehe, eduge toare koitava dainehe-yauki ki ronu, " Urugoire na ihie mage gahisa." ¹³ You torevane nagate: "Jacob daki gahara vanu, eduge Esau daki besibe gahanu." ¹⁴ Nona negu bina otado rorovanu? Dirava na riaga be veitenu? Auna so beta Ana vivive goiare? ¹⁵ Eige auki Moses kiroma, "Da vagahu gahare koitava dana vagahu gahisa, renu da hegiri gahare koitava dana hegiri gahisa." ¹⁶ Eige, era beta koita e gahara vare dainehe gera, se ruruiso roiare koita dainehe gera, eduge Dirava dainehe gera, auka vagahu dainehe gera. ¹⁷ Badivara ga ramu Pharaoh kiroma, "Maka riaga vara daki ami vasiganu, aigera dana di hedoke maemisa, renu di ihe ramu mata aubougi era goisa." ¹⁸ Eige, Dirava ra au gahara vare koitava auna mage gahisa, renu koita orena au gahara vima, koita e magurive auki berebe gahisa vima. ¹⁹ Aka dai rorovara, " Otago be dainehe gena au dagedage daure yagoisa? Unuhuna au gahara vare iaganiva besibe gahisa?" ²⁰ Ananava vare uhurahe, ata, ana unuhuna gena Dirava gahara vare besibe gahima? Kine iagani vara beta au kine ki rorovara, " Esemena onaki da kinu?" ²¹ Hodu kiare koitavana beta hedokate mati vata kobuga ei iaga magebe mati kikivanu renu mati beta iaga magebe kikivanu? ²² Dirava, au hogoiare ra toagatera se au herove tage toagatera, au uhurehe ho iaganiva ya kamuigei daure dainehe genu? ²³ Auna beta ena kiege koita yabera au haire yauka eragi iaga mage uhura, era au subuta maemane au haire dainehe genu? ²⁴ Auna beta enaki kikivanu ni dainehe, no ihirogevene dainehe, beta Jew yau tanahe, eduge Gentile yau tanahe tage? ²⁷ Isaiah raki Israel dainehe ronu, " Israel gamuhe yabenu eve sigu nagatenu, rorebe gugena maguri ragohisa, ²⁸ Badivara Rohi Bauge ra au egiei mi mata ada riagava maemavara renu Inono veite ra." ²⁹ Isaiah urugoi rone nagate, koita ya ni Rohive no vagua gahigeige be, noka Sodom nagate gahanu renu Gomorrah nagate gahanu." ³⁰ Nona negu otadobe rorovanu? Gentile yabera riaga yagoya veitera, enage yauki kamui unu, gabidadama riaga. ³¹ Eduge Israel, aukamu aena riaga va yagovanu, eduge aena e mimi veite? ³² Menu? Badivara yauka yagoya veitera gabidadama va, eduge meta meva yagoege. Muni vagava viege nagate yauki vagava ragohege, ³³ torevane nagate, "Eragiahe, dakamu o Zion uhura vagava vare muniva renu namina muni nagate. Unuhuna riaga gahima auka beta variva vivivara."