¹ Nona negu bina otado rorovanu Abraham, ni Mame baugeva ahata makava, behuganu? ² Abraham na mageva na au manu, au hegiri vera makatera goiare, eduge beta Dirava vairenehe gera. ³ Buka naenavana otadovana au ronu? "Abraham ra Dirava ra auki riaga gahanu, eige auka koita riagavara. ⁴ Unuhuna au meve kima, au damunera beta au yaheyahe vera, eduge era au era. ⁵ Eduge unuhuna me kiki veite, eduge au riaga gahare koitavara dirava dibane veite koitava yabera auki era geima, au gabidadama vera riaga vara. ⁶ David tagera ramu mage gava ronu, ata orena Dirava anaima auka mage moimovara, auna me be kinu se veitenu. ⁷ Auki roma, "Magera era yauera yau aena sigamiga veite era vagua gaha, renu yau daureve gainage vagua gahigevenu. ⁸ Magera ata e iera Dirava ra beta au daureve dahidavara." ⁹ Eige magena peritome mane gahava ya, yavahu yau enu, se peritome mimi veite koitava yau gainagenu? Badivara noki roia, "Gabidadama vara Abraham iera, au maguri mageve dainehe." ¹⁰ Orena kimena yau moimanu? Urugoigenu se au peritome mane itahegenu? Beta ihiegera, eduge urugoigera! ¹¹ Abraham peritome toagava manera ra maguri riaga makavara, auka gabidadama tera auso peritome mimi veite uhurahe. Makavara auka koita aubougi yau mamera ogere yabena peritome riaga gaha eduge mimi veite, eduge riaga gahare yaue goigo vara. ¹² Auka mati peritome mane yau mamera, yauka beta peritome gurera yauki manu eduge yauka Abraham vasi vatagehe ogiare koitava yabera gabidadama uhurahe, Abraham auso peritome mimi veite uhura nagate. ¹³ Badivara Abraham ominue mane renu au koitava ruga, auka mata o biava, mata ora beta aena uhurahegera auki oroganu eduge gabidadama riagava gera. ¹⁴ Badivara ogere yabena aena uhura maguri ragohare, era yau era, gabidadama vara ahakera, renu ominue era iagabe veitera. ¹⁵ Badivara aena vara huhu auki mi orogima, eduge oreigenu aena veite, eige daure bera veitera. ¹⁶ Edainehe era gabidadamava gera, eige ominue era hegiri rutagera yauna riaga gahisa Abraham koitatuhe au bouge yau ada.--beta aena derikahu uiare yau yavahu, eduge Abraham ruta gabidadama kobuga koitava yainage. Auka ni bougi ni mamera, ¹⁷ Torevane nagate, "Dakamu a manu aka mata o aubougi biavara."Abraham ra au riaga gahare koitava yau rutagera, era, Dirava ra unuhuna hoge koitava tage maguri gahima, renu iaga vara veite iaganiva ya maguri gahigei goiragima. ¹⁸ Da anavare auna so riaga gahiga veite goiare, auka mata dadaga biava goigovara, yauki rone nagate, "Ai gamuhe renu ai vahiruhea gaitagera." ¹⁹ Au gabidadamave negu raburabe goime, auki au ahata make hoekeve ronu, (Badivara au maguri veramu tinahu be nagate manu), renu Sarah vagatane hoeke nagate. ²⁰ Eduge Dirava ominue dainehe, Abraham ra riaga gahiga roro veitera. Eduge, auka gabidadama vage auki hero manu renu Dirava mageve ronu. ²¹ Au uhure aubougi auka dibanara otadovanu Dirava ominue gahane, auka meva tagera kikivara. ²² Edainehe etagera "yauki riaga gahanu auka riaga vara." ²³ Eduge gava ya, "yauki riaga gahanu" you torevanera beta avahu Au dainehe gera. ²⁴ No dainehe tagera yauki torevanu, yauka riaga noi gahigavara Badivara noka riaga gahime noki, auki Iesu ni Rohive maguri gahi goiraganu hogeva seni. ²⁵ Aukaki gadimanu Sataurova, no daureve dainehe renu magurivi goiraganu ni mageve dainehe.