¹ Badivara no mage gabidadamava mane, nokamu mai manu Dirava ruta Rohi Bauge Iesu Keriso uhura. ² Au dainehe gera noki gabidadama gumava eraganu, au haire uhurahegera, eige noki raha, renu noki motea motea ragoha ni anana ve uhura Dirava haire negu orogare. ³ Beta ogu, eduge nokamu motea motea ragoha no guragu daureve uhura. Daure uhurahe gera uhu berebeva nona misa. ⁴ Uhu berebe vara maguri mage, maguri magevara uhu anana mage, ⁵ renu uhu ananavara variva mi ororo veitera badivara Dirava mageve ra ni uhure ra auki tobogahanu Horu Aena uhura, no mohigevene ra. ⁶ Badivara no so raburabe uhurahe, mage uhurahe gera Keriso raki hogeraganu dirava dibana veite koitava yau. ⁷ Badivara koita bera beta hogeragare vara riaga koita be dainehe, eduge koita bera hoge ragiravara koita magebe dainehe. ⁸ Eduge Dirava ramu au haire mi oroganu ni gasina, noka so daure uhura, Keriso ra hoge raganu ni dainehe. ⁹ Rahogahi, eige negu, noka au taokehege noki mage manu, noka maguri ragohi ravara au taoke dainehe, aukena no maguri gahigeisa Dirava hove uhurahe. ¹⁰ Edainehe, noka so bebe inai gahi gevege, Dirava rutagera noki mage manu, au Moe hogeve uhurahe, raho hereavera, no mage mane itaharahe, au dainehege nona maguri misa. ¹¹ Beta ogu, eduge noka hegiri ragohi ravara Dirava uhura Rohi Bauge Iesu Keriso, au dainehe gera noki maguri mage manu. ¹² Eige, koita kobabe uhurehe gera daure varaki mata o edavanu, e uhuragera hoge raki daure uhura sirivanu. ¹³ Renu hoge ramu koita aubougi idigevenu, Badivara koita aubougi geramu daure be kinu, eduge daure vara dahida veitera badivara aena vara veitera. ¹⁴ Iagabera mati veitera, hogera Adam senige ra auki oti Moses gasina, dagedage koita beya Adam ga ihihi veite gahane, yau ganage, era au erara vage nagatera, unuhuna ororovanu. ¹⁵ Eduge hairadivara beta koita be matame uhurahe gera aki sirivanu nagatera. Badivara koitabe mata be uhura sirivane sirivane dainehe, koita mudago hoge ragohanu, anaiahe, esebugena Dirava haire renu mageve uhura koita kobabe, Iesu Keriso, hogeraganu mudago yau dainehe! ¹⁶ Badivara magevara beta negu koita kobabe e daureve dainehe gera. Berabe vara koita kobabe matabe uhura sirivane raki daure mi oroganu, eduge hairadivara mata sirisi dadaga auki mage gahanu renu mage tagera auki mi oroganu. ¹⁷ Eige, koitabe matabei uhura siri vane dainehe, koitabe raki hoge raganu, edainehe mage esebugena koita ya manu renu yau riaga gahanu yau magurive uhura, koita ei, auka, Iesu Keriso ra. ¹⁸ Eige, matabe uhura sirivanu dainehe daure varamu koita aubougi idigevenu, eige guma kobabe uhurahe riagavaramu mage mi oroganu renu maguri mage koita aubougi yau. ¹⁹ Edainehe koita kobabe ga ihihi veite eraki, daure koita mudago idigevenu, guma kobuga ei koitava be ga ihihive dainehe koita mudago yabera riaga dibana gahigavara. ²⁰ Eduge aena varaki raki mata uhura sirisi e rahogahanu. Eduge oreigenu daure uma, magera daure e variada gera, ²¹ Enakime auki varavanu badivara, daure vara hoge vatera, edainehe mageramu riaga uhura goisa, maguri behibehi Iesu Keriso ni Rohi Bauge uhurehe.