D0131moses-kqi_act_text

Buka Utuabu Hakira Yatiriga

¹ iau uhure iauki ki noka iagatoi va guiraḡohi italy otisa, ge iauki paulo renu iau raro gevene ḡahavaea idigei ḡa ata bauge be ihiva julius, emperor ḡa orea ve be moimonu. ² asia boe oḡo iau otiti adramyttium iagatoi va bei ge noki gui raḡohanu. Macedonia ata be ihiva aristarchus, thessalonica seni oroḡane raki no bamo gevenu. ³ vani abu (2) ḡahiḡahe ge noki sidon kau raḡohanu. Julius raki paulo vaḡa maḡe ḡahi ḡarinemi auka au vasiruhe eragei auna beta au dabu vare iaḡani va iau idigevare. ⁴ sidon ḡarehi, nono ni vairanehe oroḡe ge dainehe noki cyprus motumotu enoeno kasiva hanai raḡohanu. ⁵ cilicia renu pamphylia variada ge noki hanai raḡi myra, lycia vateta va kau raḡanu. ⁶ eige ḡa ata bauge va raki italy otiti alexandria iagatoi va be davari ḡahege noki ei gui hanai raḡanu. ⁷ vani rore be ra baeba baebaki renu korahi ruta ge noki ruru raḡohi cnidius variada kau raḡanu. Nono raki ni ruru kasi vehe ḡuguige noki crete motomotu enoeno kasiva ruru raḡi cape salmone hanai raḡohanu. ⁸ korahi ruta ge noki boe oriḡi ruru raḡohi lasea ḡaika gabu be ihiva safe harbours, kau raḡanu. ⁹ ei guragu ḡamana raḡohane eige ni ruru ḡumaḡe raki bina daure mati siḡo te ḡoinu, badiva “anivaga” negava ramu kosa vanu. Eige paulo raki ugoro ḡahigei roma, ¹⁰ “ataea, di erara vehege ni ioa vera so daure ḡoiḡo vara; iaḡa dadaḡa vara negu daure ḡahiḡa vara. Beta kohu renu iagatoi ḡu gera, a maḡuri tagera.” ¹¹ iduke julius ra paulo gare riaḡa ḡahiḡa veitera. Auka bara koita renu iagatoi biava iau gare auki ihinu. ¹² iagatoi daida gabu tagera, iaha ḡuguarei gera beta maḡera; eige hutuma iau urave noka ena rururai phoenix kau raḡi ei gurahi oti iaha kosava re. ¹³ iaha nono nonova raki ḡugui ge iau anana ve ra nega ra bina maḡe ḡoinu, rome iauki dogo butui crete vata ḡaika ḡaika ruru raḡanu. ¹⁴ ḡamana veite, nono raho vara mirigini kasiva iau kauvanu. ¹⁵ nono iagatoi huroro ḡahane eige noka ḡuma veite nono beiamisa, eige noki bina nono ruta ḡoḡo raḡanu. ¹⁶ motumotu ḡamika be ihiva cauda, ḡoḡohu vehe kau raḡohi me noki vanaḡi avie korahi ruta reḡuanu. ¹⁷ butui mi iagatoi ada maeami me iauki raroi maḡe ḡahanu. Iau negu lybia tana kasiva vata ḡadihare siḡoara iauki iara derihe ḡahiarei me iauki nono ruta ḡoḡo raḡohanu. ¹⁸ nono raki ena ḡugui berebe ḡahege iauki vani abu (2) ḡahiḡahe kohu be idiḡi eve ḡatu gevenu. ¹⁹ vani abigaḡa (3) ḡahiḡahe iauki iagatoi iaḡaniva be idigei ḡatu gevenu. ²⁰ vani ḡamana herea noki vani se hisiu erara veite, nono ḡu geraki ena ḡugui berebe ḡahege. Maḡuri ananava iau bougei tageraki bina kosavanu. ²¹ nega ḡamana herea iagatoi ada koita e iabera tamuta be i veitera, ge paulo raki iau vaḡa rami mauki roma, “idukena ia di gare ihi crete ḡarehia veite ḡahanu be, dikadika renu nege nege ora beta noi varava vane.” ²² iakera daki negubutu ia imi geima, iama hero raḡohisa, badiva bera beta au maḡuri ve dauḡia vara; a iagatoi ḡu gena dauraisa. ²³ badiva nu vahi ge di dirava ve mati da ḡurivare dirava va aneru ve raki di ḡasina oroi roma, ²⁴ “paulo, a negu siḡoima. Caesar vaira nehe ama ramisa. Dirava meḡeve ai dainehe, a ḡoreha ioa raḡohare ḡahavaea iau maḡuri vera dirava ramu mohiḡei ḡoiraḡanu” ²⁵ e dainehe, ataea! Iama hero raḡohisa. Dirava ra daki riaḡa ḡahima, au rone iaḡani va iabera vara raḡohia vara. ²⁶ iduke noka motumotu bei ge nonema kuioho raḡohisa. ²⁷ ahi utu be hakira ababu (14) ḡahiḡahe ge noka nono hura ge noki mediterranian gadova hure raḡi ioa raḡohege. Nemehe ge iagatoi ḡami iaberaki roea noka so vata hugu ḡahanu. ²⁸ iau iaḡa isukate be ḡote ruta ḡarineme nera eve dobuke vara roha utu ababu (40). Iau ḡaitana kara kobue kine ra eve dobuke vara roha utu abigaḡa (30) gera. ²⁹ iagatoi didi va ḡadimare siḡoara iauki dogo ababu (4) gabena va seni ḡarine geiarei me iauki va tahita dainehe ḡuriḡuri raḡohege. ³⁰ iagatoi ḡami iabera sivi anaime iauki vanaḡi mi eve maeami arei me iauki tarata rai roea iauka so oti idama kasiva dogo ḡarine misa. ³¹ iduke paulo raki julius renu au ḡa ḡahatuhea boriti ḡahigei roma, “iagatoi ḡamia, iagatoi ada veite ḡahare iaka beta maḡuri vara” ³² ge ḡa ḡahaeabe raki vanaḡi ḡoteka dodo gevege, vanaḡi va raki hurevanu/morugohi eve otinu. ³³ va tahi oroige paulo raki imigei iauka tamuta raḡohisa, “ora vani utu be hakira ababu (14) ḡahiḡa vara, iduke iaka so tamuka/demaka be i veitera. ³⁴ iakera dakaki ia imi geima; tamuta/demaka be iogeiahe; maḡuri helaorea dainehe. Badiva iai omo hanake bera beta dauraḡira vara. ³⁵ enaki roearei mauki parao mi iau vaḡotohu dirava maḡe ḡahiarei, tina be bokoi arei mauki inu. ³⁶ iau bougei iau uhure goada te gahime iauki tamuta/demaka raḡohanu. ³⁷ iagatoi ada ni koita te uhuati gera tinahu abu utu iatiriḡava hakira agorokiva (276). ³⁸ tamuta/demaka itahara ge iauki iagatoi ageraḡira ḡahiḡa dainehe wheat idigei eve rere gevenu. ³⁹ va tahane uhura ge iauka mata toa kiki veitera. Iduke tabero/dogu boe te bera iauki eraḡi arei anana raḡohi iauna beta iagatoi mi tana maeama renu. ⁴⁰ eige iauki dogo konaḡu dodogei eve reregei, mati hora kobuei iauki bara hiri vane konaḡuva vahe gevenu. Ena kiarei me iauki idama kasi iarava iagemi nono ra tai iagatoi mi tana otisa. ⁴¹ iduke iagatoi vara pinu tanamo va ge auki ḡadimanu. Idama ḡadimanera auka harara veitera. A gabena vara hurehure/durua va raki ḡami seboi tina tina ḡahanu. ⁴² iau raro gevene ḡahavaea negu nahu raḡohi oti tana hana raḡohare siḡo vara ḡa ḡahaea iaberaki ḡahigei hoeki geige ananava raḡohege. ⁴³ iduke julius urave auka paulo maḡuri ḡahiḡa dainehe auki ura veite iauka enaki kisa. A nahu dibana ḡahavaea auki ganito ḡahigei iauka ḡanaḡana gero raḡohi, nahu raḡohi tana otisa; ⁴⁴ iau itahe gera koita orena vana iagatoi reire baraka iau hekamo raḡohi tana otisa. No ena kineige noki ni bougei tana kamo raḡanu.