¹ no ni bougei tana kauraḡi me noki dibana ḡahanu noka malta motumotu va gera. ² motumotu e koita va iau kiki maḡe vehege iauki no maḡe ḡahi gevenu. Veni renu ribiri dainehe iauki vene ḡomoi arei no abidae ḡahi gevenu. ³ paulo raki idi gogogei vene ḡosi gevege uhura ge inuhu be raki vene hedoka siḡami hakivi paulo adehe au hirivanu. ⁴ motumotu e ḡahavaea iaberaki paulo adehe inuhu hetau vane eraḡi me iauki be be kirogei roea “ora ina koita ḡahi gevare ata va bera. Auna gadova gena au maḡuri vanu, iduke avani ieriri va gera auka beta maḡuri vara.” ⁵ a paulo ra au adehe inuhu e ieigi mauki vene hura kiravanu. Daure be auka mimi veite. ⁶ iauki uhuiami auna vaisu uhuisa, se moru ḡohi hoḡeraisa. Hora ḡamana uhuiami iaḡa be raki au vara veitera ge iauki iau uhure mati nune ḡahi roea, “auka dirava be ra” ⁷ mata e renu motumotu e rohiva be, ihivara publius. Au matame ra ḡamana veitera. Auki no abidae ḡahigei, vani abigaḡa (3) uhura gera noka au dei tuhe iabera. ⁸ publius mame ra dika ra. Ahata hedova renu tago veuso vara ge iaḡi iaḡe ra. Paulo raki au iaḡia gabunehe sirivi au ada ḡuriḡuri vi arei, au ade mi au ada maeami maḡuri ḡahanu. ⁹ ihihe ge motumotu dika ḡahaea beraki oroḡege auki maḡuri ḡahi gevenu. ¹⁰ harihari iaḡa dadaḡa iauki no mohi gevenu. No mati urihisa ro nera ni iakove tagera iauki iagatoi va udagevenu. ¹¹ bata abigaḡa (3) itahara hege noki alexandria iagatoi va be, iaha nega va motumotu ei une, ihiva “twin god” ei guiraḡohi otinu. ¹² Syracuse kau raḡohi me noki vani abigaḡa (3) ei gurahanu. ¹³ ei seni ge noki rururai oti rhegium. Tahege diho nono varaki ḡuguige noki vani abu (2) itahara puteoli kau raḡanu. ¹⁴ eige mi riaḡa ḡahare ḡahavaea be ruḡa noki hedavari raḡohi ge iuaki no imigei noka so iau ruḡa ebedoma be gurahisa. Ei seni ge noki hanai ragohi rome kau raganu. ¹⁵ rome uhura mi riaḡa ḡahare ḡahavaea market of appius renu three inns seni ge iauki oroḡi no ruḡa hedavari raḡohanu. Paulo era gevene uhura ge dirava ra auki moteahi, maḡeḡahi mati au uhure raki goada vanu. ¹⁶ no rome kau raḡe ge iauki paulo ḡarinemi auka auvaḡu guramisa, ḡa ata bena narivisa. ¹⁷ vani abigaḡa (3) itahara, paulo raki torube be dainehe jewish baugeva ihiro gevenu. Iau be be bou gevene itahara auki boriti ḡahigei roma. “di sokuhea, daka koita be daure ḡahiḡa veite, ni tene maḡuri ve be daure ḡahiḡa veite, iduke jerusalem ge iauki da roroi rome ḡahava iau ada uhura da maeamanu. ¹⁸ iau da beraḡa ne itahara ge rome ḡahaea iau urave iauka da ḡarinemisa. Otado be dainehe daka hoḡe raḡisa badiva iauka daure be dai erara veitera. ¹⁹ iduke jew ḡahava iaberaki daḡe raḡohanu. Ege, daka di bese koita tuhea daka beta habade ḡahigeige vara, iduke di urave daka emperor/caesor vairanehe dama ramisa. ²⁰ iama dibana ḡahiḡa dainehe ge daki ia ihirogei, ia erageisa mati ia gaḡa geisa. Mati da ia boriti ḡahi geima, daka raro uhugera badivara daka, mi me daki riaḡa ḡahima Isaraela ḡahavaea iau ananave ? messiah - ramu subuta oroḡanu. ²¹ iauki gaḡahi roea, “noka judea seni ai harike revareva va be davari ḡahiḡa veitera. Ni koita tuhea bea enaki seni oroḡane ḡaita gera ga daure be mi ororo veite, se ai ada ga daure be roro veitera. ²² iduke, ni urave noka ai uhu anana ve ihisa, badivara no ihi nera mata inuhati gera orea ora iauki betia ḡaha.” ²³ iauki bina vani be roea rei; vani ei koita dadaḡa vara ki paulo guramege gabu ei oroḡanu. Vagutu oti vahi ge auki dirava basileia ve haroro ḡahi; mati iauka iesu dibane ḡahiḡa dainehe auki mose taravatu ve renu peroveta ḡahaea iau toretore ve auki ro ḡaḡae ḡahanu. ²⁴ be iabera au gare mi riaḡa ḡahanu, be iabera riaḡa ḡahiḡa veite. ²⁵ Yau bebe gahara veite goiare negahe, yauki otinu Paul ga raho kobabe rone itaharahe, '' Horu Aena varamu ga mage vanu, Peroveta Isaiah uhurehe oti yai mamuhe yau. ²⁶ Onakime auki ronu, '' Koita o yau gasina otare renu onaki yau royahe, '' Ihihiva yaka ihihivara, eduge yaka beta uhuvakava mimivara, yaka eraravara, eduge yaka beta ga e makava dibana gahigavara. ²⁷ iau ga e ihine negahe iauki ho dikadika raḡohi, iau eḡie ginogi ḡahigei. iduke stefano ra horu aena va raki roheḡi; renu auki gagai va eraḡi, dirava haire auki eraḡanu renu iesu ra dirava va maḡeve hege auki ramanu. ge auki roma, va ra dakaki eraḡima, bao raḡi mauki, taunimanima moe tagera dakaki eraḡima, dirava va maḡeve hege auki ramanu. ²⁸ iama dibana ḡahisa, dirava hahemauri gare ra koita nune iau ge aukamu otinu, iau kena ihisa mati abidae ḡahisa.” ²⁹ paulo ga e rone itahara ge jew ḡahava iaberaki ḡaise oti iauvaḡu iau gare ana gevege. ³⁰ laḡani abu (2) ge paulo raki au iaga be damuva kinei guramege; au ḡasina oroḡege ḡahavaea auki abidae ḡahi gevege. ³¹ dirava basileia ve auki haroro ḡahege, mati rohia iesu keriso auki hero ruta hadiba va viege.