¹ Ila gerage boat ai geva nagirao rawa- para na wavanai, wa kapu wara Gerasenes ai geve kwara. ² Wanai Iesu elaualewai boat na, velevagi wanai au apuna Iesu epi- nai everuali ia wara veolekapu na eroaraio magena avuavu ravaravaria ila. ³ Eau ealuwai wa iou (tombs) kapunai. Noai au apuana pene va rakwarakwara, pa chain nara. ⁴ Eau geligoligo vaga kamu vagi shackles e chain nara. Eau nara eala pakarawai chain e shackles eaoparawai. Au apua noai iligana nara pene ala pikapi- kara eau. ⁵ Pogi e garo mapararai iou (tomb) ai e goloraorai, eau ene agi gogo pe aunipara- na vau mamarana ipo ene voro lalara. ⁶ Wanai ia na eiarao Iesu vepa ianana, ia eravurao Iesu elenai pe eala alio Iesu vilanai. ⁷ Ia eagi gogo karona galavuna iakamu, "Ragau rau nara ana ala agimu goi, Iesu, Iwavagina Gauna Palau Velegaua Nauna? Rau na anogimuni e Palau Velegaua gere- gana, po-ono alaravaku rau." ⁸ Pe ia eve aina evailani ia, "Meroa rai na au raonana, mui rava avuavumui." ⁹ Iesu na erenagia ia, "Riai goi raramu?" Ia erori lavu ule Iesu elenai, "Rau raraku e Legion, ganina rai wara iavogo." ¹⁰ Ia na mae nogiwai nogiwaiao pe-ene urairia wa kapu raonana. ¹¹ Waorai pae umanavagi (vogovagi) wara geganigani wai gologolo ai, ¹² pe ila genoginogia ia, negeiwao, "Ono umai wa pae raorai; rai iga veroa waioa ila (pae) raorai." ¹³ Pe Iesu na eva gelerao ila; wa avuavu ravaravari geve roawaioa pae raorai, pe wa pae geve ravurivo wagolo na rawapara raonai, pe pae no ragana lualua (two thousand) veaina genunu e gewarega rawapara raonai. ¹⁴ Pe wa ila riairana pae geva ganigani rawai ge ravu lewalewa pe geve rori lovo lovoa ragau ewala wa city ai e countryside ai, epe aunilimalima geroarai wanai ragau gewala pige iaria. ¹⁵ Pe ila gerao Iesu elenai pe ila na geiarao avuavu raonai ge- aluwai auna, wa au geva ulawai Legion na, ealu wanai, eve rapua e uamagina enama nama; pe ila wara geuleo. ¹⁶ Wa ila riairana geiara wagau ewala wa au raonai demon gealuwai rorina geva ila veniri wanai ragau ewala, pe mage vai- lari pae elerai ewala rorina. ¹⁷ Pe ila na ia genogiao wa kapu ila na pige kaliwania. ¹⁸ Wanana ia wa elaragewai boat unai, eau raonai demon geauliwai auna na Iesu enogiao ia mapere vaia elenai. ¹⁹ Namu Iesu nara ne gapirageao, pe evailarao ia, "Ono roa numai e gemu uma elerai pe pono vailari ragau Velegaua na pealara goi elemuai, pe raveaina ia na pevaripamu venuavi." ²⁰ Epe ia eroaraio pe eve ilagi lovolovoa Decapolis ai vevanama iameau Iesu na ealarao ia elenai, wa uma makaina ge kalileao. ²¹ Wanana Iesu mae vanagi waio wava avanai boat na, uma maparana geve alu makeao Iesu, ila wara nalu (sea) epinai. ²² Pe vevaiauna (leader) apua wa rupu (synagogue) ai rarana Jairus erao, wanai ia na Iesu eiarao, gagena repanai eala alio. ²³ Ia na enogiao pe mae nogiwaiao, ia neiwao, "Nauku iaoiaona wa ene warega nori raurau. Anogimuni goi, poroveami pe imamu na ono napara pe ia pere nama e mauli." ²⁴ Pe Iesu e Jairus gerao, wanai wauma maparana mage roao ila mulirana pe ge rua makerao gevepipiwai ila epirai. ²⁵ Wanai vavine apuna wara lala erowai auniparana na rigolo twelve veaina. ²⁶ E vavine vivi kamuvagi evuawai gena vi doctors iavogo na geulavunu agia pe ia gena moni geve gavuvagi, pe gena vivi ne namawai namu ekamukamuo. ²⁷ Wanai evavine na rorirori eamonagiri Iesu rorina, ia erao Iesu keruna nara uma makaina rao rana pe enaparao Iesu gena rapua. ²⁸ Pe ia neiwao, "Pene pana napara ia gena rapua, rau pana nama." ²⁹ Wanai ia na enapara Iesu, lala erowai eve kouo, pe gena mamilagi wara ia enamao ia gena vivi iakamu raonai. ³⁰ Iesu velevagi eripao ia mauna wara gene iavu eroaraio ia raonana. Ia emakeo uma raorai pe neiwao, "Riaina penapara rau na rapua?" ³¹ Gena disciples na gevailarao ia, "Goi na oiani e uma makaina ge vepipivepipini e pege rua makemu goi, pe goi poilaiwa, "Riai na penapaku rau?" ³² Namu Iesu eai laiwalaiwao pene iara riai na peala wagau. ³³ Wa vavine, ripana ragau ewala ia elenai, ekalio e enukewai. Ia erao eve ala ali Iesu gagena repanai pe evailarao erori auna auna. ³⁴ Iesu nara evailarao eia, "Daughter, gemu veva auna auna na goi peva namamu. Ono roa ma mainomu pe ono nama na gemu vivi kamu raonana." ³⁵ Iesu roe roriroriwai raonai, uma vairi wanana geve amai wa rupu velena apuara elenana, pe negeiwao, "Naumu iaona pe warega. Ragau na ova gareoani e teacher ari rauna?" ³⁶ Namu wanana Iesu eamonagi vanagi rao wa rorirori geilagiao, ia na evailarao e rupu velena, "Po-ono kali. Ipo pono veva auna auna." ³⁷ Ia ne ririwao ma au ana pene roa kwarua namu eila Peter, James, e John, ia wala avana James ia pige roa agia. ³⁸ Ila gerao wa rupu velena auna gena numai pe ia eairao wanai uma wa galavu ikamu gealawai; wa uma wa gemaini vilo wai e geagiwai galavuri iakamu. ³⁹ Waorai ia eroawaioa wa numai, ia na evailarao ila, "Ragauna mui pogo paru pe ragauna mui go maini viloni? Na ia kirikiri nori pewarega namu emauo." ⁴⁰ Ila na gemamaiagiao ia. Namu Iesu na eurairao maparari namu ia na evaioarao eia kirikiri amana e inana e wa riairi ia ila, pe ia erao wanai eia kirikiri emao avanai. ⁴¹ Iesu na erogoao eia kirikiri imana pe evailarao eia, "Taitha, koum!" e translate, "Iaoiao kirikiri, rau na availamuni, ono lai." ⁴² Velevagi e iaoiao elaio pe eroao (pe eia wara gena rigolo twelve). Ila wara vele- vagi gekalileao mage uleo gauavagio. ⁴³ Ia na rova iagaua eveniri wa au apua pe-ene ripa egau. Pe Iesu na evailari eiao- iao pige venia ganigani iara pe gania.