¹ Maveaina Iesu erao eve varipa (teach) wai rawapara epinai, pe uma wa vogovagi mageve alugegelagiao ia epinai. Iesu eve rageauo boat apuna rawaparai eraio, pe eve aluo unai. Wa uma maparana gealual- io oneai rawapara epinai. ² Ia na evaripari gau vogovagi parable ai evagelegelerawai, ia gena teaching rao- nai, ia na ila evailarao erori. ³ "Igo amonagi! E farmer auna eroarai gena gauvua pene varori. ⁴ Eau evaro varo iulai, gauvua vairi geouale rarapara lagalaganai, pe manu na geganiri. ⁵ Ma gauvua vairi geouale alima ma vauna ava- nai, wa alima nori ropuropu. Gagova wara norirau gekala gauri geokali, repana alima nori ropuropuai gekala. ⁶ Namu garo elalawai, wa plants gekala wa iavuna elala malairi, pe repana lamuri nori ropuai gekala, plants gewarega. ⁷ Ma gauvua (seeds) vairi gekala pe mu kolovuri e mu guruna rana gekala gavuria pe geragaumae, pe noai gevua. ⁸ Ma seeds vairi geouale alima namanai pe gekala gegau ganigani pe vuari iavogo pe vuari wa thirty, sixty, one hundred ai." ⁹ Pe ia neiwao, "Riau veaina ma egana, ia wara pene amonagi!" ¹⁰ Waora Iesu wara geregana, wa ila riari wa ia epinai e gena disciples na gere- nagia Iesu wa parables ragau. ¹¹ Ia na evailarao ila, "Raga vevunuri Palau Velega- ua gena kingdom ai rauvagi evenimuio. Namu wa mulimuli umari gau mapararia wa geve ilagini parables ai ¹² pe wa, ila wa pige veia, unamu pige veia, namu pige- ne veia, epe ila pige amonagi, unamu pige amonagi, namu pigene ripa wagau ganiri, ori na ila wara mapige vaiwai ravana pe ila galamaria pene ilagiwairia Palau Velegaua na." ¹³ Ia na evailarao ila, "Goi egau ganina no ripania e parable? Raveaina goi na ono riparia e parables maparari ganiria?" ¹⁴ E iulakapu auna na pene varoa e rori. ¹⁵ Uma vairi wa eveairi egauvua (seeds) rarapara emiao avanai, ariai e rori ekalao. Wanai ila geamonagi nia, Satan velevagi eraoni pe eve gapivagiani e rori ila raorai evuao gauna. ¹⁶ Pe ila wara e seed ekalao wa vauvau alimanai; riai, waorai, ila na geamonaginia erori velevagi gevaioani maverele rana. ¹⁷ Namu ila wara noai lamuria mauria, gaurai ila gagova norirau gemiani. Mulinai kepi pa rava gekwarani repana e rori pak- unai, ila velevagi ge ule paunia. ¹⁸ Ila mavari wara wa seed veaina ekala muraorai. Ila wara uma riairana geamona- giani e rori, ¹⁹ namu uamagiri geraonia emauli ealimaparai pe vevailea evekamuni rina raorai pe maririwa gauri gemiroaoani pe ene koua e rori, pe eia era noai vuana. ²⁰ Wa seed gekala wa alima namanai wara eila riairana eamonagiani e rori, ge- gapirageni e rori pe gevuani vuari, thirty, sixty, e maina one hundred maovanai. ²¹ Iesu na evailari ila, "Goi na ove tou- maini lamp numa raonai e oleani basket kapulenai pa bed kapulenai? Goi na pono touoara e goi na pono olea aua lampstand ai. ²² Pe gau apuavagi pe-ene mia poro poro pe mape-ene vemagai, gau apuavagi pe-ene secret pe wa pe-ene veroarai uma raorai. ²³ Pene au apua maegana pene amonagi, pe ia pene amonagiwa!" ²⁴ Ia na evailarao ila, "Pono ia namana- ma ragau igo amonagia, pe wa measure goi na oala agiani wara goi pene measure mu, pe vogona mape oleau goi elemuai. ²⁵ Repana riau emiao elenai, ia wa pen- e veni vogoa, pe riau elenai noai gau, pe riai noai gau elenai, pe ragau emiao elenai wara pene touvagia." ²⁶ Ia maina eilaiwao, "Palau Velegaua gena kingdom wara eau veaina riai nara seeds evarori alima namanai. ²⁷ Ia em- auni pogiarai e elaini garoarai, pe wa seed gewaro rageni e gekalani, lewana ia na ne riparana. ²⁸ E alimaparai e ganigani ga- uri gekalani e gevuania geregaria: Mama- na launa, mulinai egana, pe raonai egau ganigani nia eganai. ²⁹ Eveaina e crop evuani, ia na velevagi unagi euraoni repa- na aviavi (wauluwavulu) orana pekwara." ³⁰ Iesu na mae vailawairao, "Na ragauai ia nara evagelegelea Palau Velegaua gena kingdom, pa ari parable ai ia na euamagia veainai rakwanai eroria? ³¹ Ia veaina e mustard seed, ia evevaroni ekalani, ia wa ikirikirivagi e seeds maparari ealimaparai. ³² Namu, eia gevaroni, ia ekalani eraoni ia eve kamuvanagi nia wa plants maparari raorai, ia ragana eolerana ikakamu, pe wa manu kupana gelovoraoni geria nogi geve alarana egaupu rauvarauvanai." ³³ Parables iavogo eveairi ia na eilagiri e rori ila elerai, pe geria amonagi veainai ila na ganiri geriparao, ³⁴ pe ia na ne vailari ila nori parable rorirai. Namu ia wa geregana raonai, ia na eilagi magairana gauri maparari gena disciples elerai. ³⁵ Wa garoanai, wa lavilavinai, Iesu na evailarao ila, "E ala evanagi wava avanai." ³⁶ Pe ila na gekaliwaniria uma makairi, gevaia Iesu ilaria, ipo waealuo, wa boat ai. Wanai boats mavairana geroa kwaruao ia. ³⁷ Ila geraowai raonai ragi kamukamu egavuo, pe rapoa olaria geve ioawai boat raonai epe boat raona ori evonuo nalu na. ³⁸ Namu Iesu geregana wa boat kolena avanai, emauvagi cushion unai. Ila na Iesu gevaoao, negeiwai, "Teacher, goi nara no uamagini ia wara nori raurau ewarega?" ³⁹ Iesu elaio, ewaneao ragila, pe evaila rawapara, "Maino! Rawamui igerivo!" Pe ragila egavuvagio, e rawapara ekaimarao. ⁴⁰ Pe ia na evailarao ila, "Ragauna wara mui pogo ule? Mui e rogo noai gemui veva auna auna?" ⁴¹ Ila wara raori nuke kamuvagina gev- onuo pe eia apuana waia evailarawai, "Pe riai e ia, repana raveaina e ragilana e raw- aparana pe rorimo karona pege amonagia ia?"