¹ Mave ainamo Iesu eroao wa rupu ai, pe wanai wa au apuna imana wagegeria. ² Uma vairana gemalele agiawai pe ila na pige iara eau imanai wavivi mapene va- namara wa Sabbath garonai pe ila na pige airoria Iesu. ³ Iesu na evailarao eau imana mavina, "Ono lai enai ono rua ivuaparai uma gealu avanai." ⁴ Epe ia na evailarao wa uma, "E marovana vevanama apua pene vegapi e Sabbath garona pa vevarava pere veala; pe vanama vivi pa pe veva warega?" Namu ila mururana noai rori apua. ⁵ Iesu eai laiwalaiwao ila eiarao mapar- una, pe ia eraovivio ila raorai wa vevagele noaigau, pe Iesu na evailarao eau, "Poro urairia imamu." Eau imana eurairao, eau imana ge namanama. ⁶ Wa Pharisees geroarai pe velevagi gerao geve rori kouo wa Herodians auria ila na Iesu raveaina pige gapia pene warega. ⁷ Pe Iesu, magena disciples ila, gerao wa rawapara epinai, pe aunilimalima mapara vagina ia mulinai geroa wa Galilee e Judea na ⁸ e maina Jerusalem na e Idumea na e Jordan wa vanana e Tyre raona makaina e Sidon nara. Wanai ila na gamonagiwai ia na ragau vevanamari uveria vogo ealarao, wa uma kamuvagi gerao Iesu elenai. ⁹ Ia na gena disciples evailari gai (boat) kirina apua pige alamavua repana uma wa ragavogo, pe wa umana pigene veala avi vagi ia elenai. ¹⁰ Pe ia na uma vogovagi evanamari, pe wa riairi maviri gealaraowai pige napara Iesu. ¹¹ Ariai wa avuavu ravarava rana geia- wai ia, ila geoaliwai ia vilanai pe geagiwai, pe negeiwai, "Goi wara Palau Velegaua Nauna." ¹² Namu ia na rova iagaua eva- ilari ila na uma pigene varipari ia riai. ¹³ Iesu everage golounai, pe riairi ia na eririwari egogoria, pe auri gerao ia elenai. ¹⁴ Ia na evailaria wa twelve (eila ia na evaorao apostles) pe ila wara ia epinai pe ia na pene uria rori pige veilagi lovolovoa, ¹⁵ pe iavu pige gapi wa demons pige giu rakwarairi. ¹⁶ Ia na eva auna aunari e twelve wara: Simon, ia rarana ia na evao Peter; ¹⁷ James wa Zebedee nauna, pe John wa mawalava James, eia rarana evaoao wa Boanerges, eia wa, sons of thunder; ¹⁸ e Andrew, Philip, Bartholomew, Mat- thew, Thomas, James ia Alphaeus nauna, Thaddaeus, Simon ia Zealot, ¹⁹ e Judas Iscariot, ia na pene lewa Iesu. ²⁰ Wanana ia eroao gena aluavanai, pe uma mage veroa koukou waio, raonai ila wa no pigene gani bread. ²¹ Pe ia gena family na geamonagiao, ila geve roaraio igeavua ia, na ila negeiwao, "Eia e uamagi no peve lea." ²² Wa vora auria (scribes) riairi gerao Jerusalem na negeiwao, "Ia e pevaia devil (Beelzebub)" na o pa "Naia na ekuneagia- ni demons na pe giurairi na demons." ²³ Iesu na egogorao ila pe evailarao ila parables ai, "Raveaina e Satan na pene giu rai Satan? ²⁴ Pene kingdom apua evew- areni ia mauna, wa kingdom pe-ene rua. ²⁵ Pene numa apua evewareni mauna, wa numa wara pe-ene rua ripa. ²⁶ Pene Satan era elaini geregana pe eve wareni, ia geregana pe-ene rua ripa, namu ia pene gavuvagi. ²⁷ Namu au apua pe-ene roaoa au apua mailigana ge- na numai pe gena gau pene lemari pere eau mailigana pene walowalo kunea, pe raonai ia pene lema wa numa raonai. ²⁸ Auna auna rau na availamui, amana nauana geria galama mapararia pene ilag- iwairi, e vevarava e mulimuli auri maina, ²⁹ namu riaina eva ravani Vea Palauna ila galamari pe-ene ilagiwai ria, pe ila voiri wa alova egala vanagi vanagini kapunai." ³⁰ Iesu na eilagiao erori repana ila wara negeiwai, "Ia na avuavu ravaravari gemiao ia raonai." ³¹ Pe Iesu inana e wala avana gerao pe geve rua keruavanai. Ila na unagi geuao, pene rao elerai. ³² Uma vogovagi nara gealu makeao pe geva ilarao ia, "Goi ina- mu e wala avamu gaukerunai goi geavum- u nia." ³³ Ia na erenagirao ila, "Riairi wara rau inaku e rau wala avaku (brothers)?" ³⁴ Ia eai laiwalaiwao wa riairi gealu ma keao ia pe neiwao, "Igo ia, enai era rau inaku e rau wala avalu! ³⁵ Pene riai na ealani Palau Velegaua gena ririwa, waia wa ia rau na brother, e sister, e mother."