¹ Wanana ila gerao Jerusalem ai, ila wa geveavio Bethphage e Bethany ai Mount of Olives, pe Iesu gena disciples lualua eu- ria ² pe evailari ila, "Igo rao evanuai ia epiri wavanai. Goroa oani wavanua raonai, mui na pigo iara colt apuna ia noai gerage kapua. Gewaloao pigo luvara pe pigo miv- aimaia rau elekuai. ³ Pene uma apua na pene vailamui, 'Ragau na mui eveaina po- go ala?' mui pigo ilaiwa, 'E Velegaua nara peririwa pe nori rau mapiga vegapi lavu ulea enai."' ⁴ Ila geroao wa vanuai pe geve rawaliao colt apuna gewaloa avagama kerunai rar- aparai, pe walona geluvarao. ⁵ Uma vai ria geruao wanai pe gevailarao ila, "Ragau mui na goalani, na colt walona pogo luva mui na?" ⁶ Ila nara gerori veniri ila Iesu na eroria veaina, pe wa aunilimalima nara geva gelerao ila pe ge lavu ule Iesu elenai. ⁷ Ila na gevairaoa wa colt Iesu elenai pe ila na cloaks geole vanagio unana, pe Iesu ealuauo unai. ⁸ Aunilimalima vogovagi geria garments geravarao raraparai, e wa uma vairana tiare lauri ge tourao geravari raraparai. ⁹ Wa ila riairi geroa Iesu vila- nai e riairi geroa ia mulinai gegogowai, "Hosanna! Vevanama era ia na peve amai agia Velegaua raranai. ¹⁰ Vevanama era eveamini kingdom of ia amaria David! "Hosanna ia gau unavagi nai!" ¹¹ Pe Iesu eroaoa Jerusalem ai pe ever- oaoa rupu (temple) raonai eai laiwalaiwao wagau maparari eiarawai. Wanai ora eva- nagio, ia eroao Bethany ai gena disciples twelve ila. ¹² Ma garo apuara ila geroa raiwai Bethany na raonai Iesu erakarao. ¹³ Ila vepa iarauna geairao wanai wara fig gaupuna malauna eupu, Iesu erao eve iarao raonai e fig tree noai vuana namu ia launa mo, pe wa nori pene vua season na. ¹⁴ Iesu na erori eilagiao, "Uma apua na vuamu apua pe-ene gania waia." Pe gena disciples na geamonagia erori. ¹⁵ Ila gerao Jerusalem ai, pe Iesu eroa waioa rupu (temple) raonai pe ia na eilagi ravaravari gau gevoi agiwai sellers e buy- ers wa rupu raonai. Ia na egailovolovo ria moni e ragau ma tables e gealuau gauri e manu (pigeons) e goat pa gau maparari ia erakwa ravari. ¹⁶ Iesu na ekouria voivoi gauna apuavagi au apuana erupu raonai pene touoara e pene voi agia. ¹⁷ Ia na evaripari ila pe neiwao, "E ia ne vealo, 'Rau geku numa wara airupuali numana e alimapara raonai'? Namu mui na pogo ala- ra wa lema umari geria alu avana veaina. ¹⁸ Wanai chief priests e aloalo aurana geamonagiao ragau ia na eilagirao, pe ila na rarapara apua geavuao Iesu pige vagia pene warega. Pe ila geulewai Iesu elenai repana e uma maparanavagi wara gekalio ia gena vevaripai. ¹⁹ Wanai elavilaviao, ila na gekaliwaniao wa city. ²⁰ Ila wa geroa vanagi wa pogipoginai, ila na geiao wa fig tree emalaio unana pe- ne verivo lamunai. ²¹ Peter euamagio pe neiwao, "Rabbi, ono iara! E fig tree goi na o curse ia pe malai." ²² Iesu na e answer rao, "Vevauna auna pigo olea Palau Velegaua elenai. ²³ Auna auna rau na availamuini pene au apuana ene vailara e golo, 'Ono vegapi lai pe maumu ono vegaiualemu rapara ra- onai,' pene ia noai avoavona ia kutounai pene eve vauna aunani ragau ia na peilagi ene wala, wa ragau Palau Velegaua na pe- ne alara. ²⁴ Gaurai rau na availamuini: Gau map- arari goi oaoalini e onogiani ragau, pono vevauna auna wa pono rawalia, pe wagau pene venimu gemu gau. ²⁵ Pe pono rua pera e pono aoali, goi pono sorry ra kepi oalarao uma elerai, pe wa Amamu ia kupa gaunavaginai ia na pene ilagiwairi gemu rava mapararia." ^{26 27} Ila mageve lavu ulewai Jerusalem ai. Wanai Iesu eroaoawai wa temple raonai, e chief priests, aloalo auri, e elders gerao ia elenai. ²⁸ Ila na gevailara ia, "Pe na ra rovai pa iavuai goi na oalarana nagau maparari, pe riaina goi evenimuo na rova e iavu ai oalarana nagau?" ²⁹ Iesu na evailarao ila, "Rau na verena- gi apuna ana vailamui. Igo vailaku pe rau na pana vailamui riai gena authority ai rau na egau alarana. ³⁰ E baptism of John, e kupana (heaven) eveamaio pa e aunilimali- ma nara? Igo answer ku rau." ³¹ Ila mauri raorai geroria e mage ilav- evauwai pe negeiwai, "Pene ia eilaiwa, 'Na kupaunana (heaven),' ia ene ilaiwa, 'Ragau na mui na noai gova auna aunara ia?' ³² Namu pene ia eilaiwa, 'Na aunilimali- ma na,' ... ." Ila wara gekalio uma kamuva- gi elerai, repana e uma mapararia wara riparia John wa prophet apua. ³³ Pe ila na ge answer Iesu pe negeiwao, "Rai nori ripamai." Pe Iesu na evailarao ila, "Na gaurai rau na mana vailamui wara ari authority ai rau na alarana egau.