¹ Iesu na ekaliwania wakapu pe erao wa Judea region nai pe eava raovenina wara Jordan River wavanai, pe uma maparana mage raowai Iesu elenai. Ia na mae varipa wairawai, e ia na emaranao eulavunuagia wai. ² Pe Pharisees gerao Iesu elenai wa pige alaovoa pe gerenagiao, "Eveaina rova ai au apuana pene ruara garawana?" ³ Ia nara e answer, "Ragau wara Moses na e rova (command) mui?" ⁴ "Ila geilaiwao, "Moses nei waveaina au apua na pene aloa divorce pepana pe evavine pene upaua." ⁵ "Waia wara repana mui kutoumui ia gagaua gaurai ia na ealovenimui e rova," Iesu na evailari ila. ⁶ "Namu creation mamanai raonana, 'Palau Velegaua nara ealari maluane e vavine.' ⁷ 'E vegarawa pakunai e auna ekaliwani rana amana e inana pe evekoukouni gara- wana, ⁸ pe ila auri lualua geve apunani aunipara apunaimo.' Pe ila wa nori gerega gerega, namu aunipara apunamo. ⁹ Gaurai ragau Palau Velegaua na eole kourana, au apuana pe-ene wareria." ¹⁰ Wanai ila auria wara numa raonai, ia gena disciples na mage renagiwaiao erori. ¹¹ Ia na evailarao ila, "Riau na e divorce nia ia garawana pe ia nara mavavine apua egarawani ia wara egalamani evavine ele- nai. ¹² Pene evavine na e divorce nia ia garawana pe maeve garawawaini ma au apuara ila, ia egalamania." ¹³ Pe ila na gevairaori nauri kimukimuri Iesu elenai pe wa ia na pene napa aunagi- ria, namu disciples na geva wairi ila. ¹⁴ Namu wa olema Iesu na eriparao, ia evivi gauavagio pe evailarao ila, "Igo vailari na ila kimukimuri ige veamai rau elekuai, e pigo-ono kouri ila, repana Palau Velegaua gena kingdom pige ganara eila veairana. ¹⁵ Auna auna rau na availamuini, riau nara pe-ene vaioaria Palau Velegaua gena kingdom wara no eila kimukimuri veairia ila wara pige-ene roaoa e kingdom ai." ¹⁶ Pe ia na erogo avirao imana nara pe eva namarao ila kimukimuri. ¹⁷ Wanana ia eroarai mamao gena trip ai, au apuna eravurao ia elenai pe eve uiali Iesu elenai pe erenagia ia, "Good Teacher, ragau pana alara rau nara pana vaia mauli vanagi vanagi?" ¹⁸ Iesu na evailarao ia, "Wa ragauna goi na ogogokuni rau ianama? Noai au apuara ia ianama namu Palau Velegaua geregana mo. ¹⁹ Goi ripamu e commandments: 'Po-ono vevagi warega, po-ono vewapale- ma, po-ono lema, po-ono vevaraga wapat- ou, wapai gau po-ono ganaria, amamu e inamu pono gapirageri.'" ²⁰ Eau neiwao, "Teacher, nagau mapara ria rau nara alarao wamamanai rau youth nara pene veamai eora." ²¹ Iesu nara eiao eau pe eulamagiao. Ia na evailarao eau, "Gau apunamo goina ro- alara. Goi na rina maparari pono voiagiria pe moni pono wareria lealea umari elerai, pe goi na pono verawaliri treasure kupai. Pe ono miroa, rau mulikuai." ²² Namu repana erori pakunai eau iaiana eveugao e eau eroapau uamagina geravao, repana eau gena rina kamuvagi elenai. ²³ Iesu eaimakeo pe evailarao gena dis- ciples, "E iagauavagi e rina auri pige veroa waioa Palau Velegaua gena kingdom ai." ²⁴ E disciples wara gekalileao ia na rori nara. Namu Iesu na mae vailawairao, "Me- lo kimukimuri, arigauana ila wara pige roa waioa Palau Velegaua gena kingdom ai! ²⁵ Eia wara pikapikana camel pene roa vanagi needle uluna nara namu rina auna pene roaoa Palau Velegaua gena kingdom raonai." ²⁶ Ila wa iagekalileao pe geve vailawai, "Pe eriai pene vemauli?" ²⁷ Iesu nara eiarao ila pe neiwao, "Auni- limalima elerai e iagaua, namu nori Palau Velegaua elenai. Na gau maparari wa veai- ria Palau Velegaua elenai." ²⁸ Peter na erori evailarao Iesu, "Ono iara, rai na gau maparari gakaliwani ria pe mulimuai garoao." ²⁹ Iesu neiwao, "Auna auna rau na avai- lamuini, nanai noai au apua na ekaliwaniri ia gena numa o walawalana auri e vavineri o inana e amana e nauna pa gena alimap- ara wa rau pakukuai e e gospel pakunai ³⁰ riai na pe-ene rawalia wa inavuna ap- una maovana veaina enai ealimaparai: nu- ma e walawala maluaneri e vavineri e ina e ama e nauna e alimapara, ma vevarava, pe wa alimapara valivuna pene veamai, maulimia vanagi vanagi kapuna. ³¹ Namu uma iavogovagi wa reparepai wara pige kapikapi, pe riairi kapikapiai wa pige vereparepa." ³² Ila wara raraparana geve ragewai wa Jerusalem ai, pe Iesu eroa kune ila vilarai. E disciples wa gekalio, pe uma riairi geroa ila mulirai wara mage uleo. Pe Iesu gena disciples maevai gerevagirao pe evailarao ila ragau nori raurau enewala ia elenai. ³³ 'Igo iara, ia gave ragenia Jerusalem ai, pe Amana Nauna wara ige veveni vana- giagia e chief priests e aloalo auri elerai. Ila na ige ilagavua ia pene warega e pige veveniagia mulimuli auri (Gentiles) elerai. ³⁴ Ila na ige vegalaiga agia, ige atiurua, ige waria whip na, e igevagia ene warega. Namu garo oioi pige vanagi mulinai pene laiwai ia." ³⁵ James e John, Zebedee nauna lualua, gerao Iesu elenai pe negeiwao, "Teacher, rai gaririwani goi na ono alara ragau rai nara iga renagimu goi." ³⁶ Iesu neiwao ila elerai, "Ragau mui na goririwani rau nara ana alara mui gemi?" ³⁷ Ila negeiwao, "Pono vaimai pe vealu kou goi gemu glory kapunai, apua imamu ripana gena avanai e apua aulimu gena avanai." ^{38 41} Wanai ma disciples auri ten geamon- agi erori, ila wa geparu gauavagio James e John elerai. ⁴² Iesu na egogorao ia ma- una epinai pe evailari ila, "Mui ripamui riai ria geva gelerana e rova auri Gentiles rao- rai gekune agirana, pe uma kakamu rana geria rova geulavunu agirana ila urana. ⁴³ Namu eia e nori eveaina mui raomui. Riai eririwani pene kamu mui raomuiai goi pono servant, ⁴⁴ pe riai eririwani pene reparepa mui raomuiai goi wa pono slave mui raomuiai. ⁴⁵ Repana Amana Nauna emirivo nori pige serve venia, namu pene serve, pe pene veveni agia gena mauli wa rava pene voiwairi aunilimalima ularana." ⁴⁶ Ila gerao Jericho ai. Pe ia na Jericho ene kaliwania magena disciples ila e uma ragavogo raonai, wanai Timaeus nauna, Bartimaeus, ia noginogi auna manapupu, ia ealuo rarapara laganai. ⁴⁷ Wanana ia eamonagio e wara Iesu of Nazarene, ia wa egogowai pe neiwai, "Iesu, David Nauna, poro nuaviku rau!" ⁴⁸ Uma vairana geilagi ravaravao ema apuapu auna, gevailara ia muruna pene koua (quiet). Namu ia eagi gogowai mulia muliai, "David Nauna, poro nuaviku rau!" ⁴⁹ Iesu erua alio e evailarao ige gogoa. Ila na gegogoao mana apuapu auna, eila iwa, "Ono iliga! Ono Lai! Ia nara egogomu- nia goi." ⁵⁰ Ia na egaiaravao gena coat, eruluaoio, pe erao Iesu elenai. ⁵¹ Iesu na e answer ia pe neiwao, "Raga goi na oririwani rau na ana alara goi elem- uai?" Eau mana apuapu neiwao, "Rabbi, rau ari- riwani maku ana veia agiri." ⁵² Pe Iesu na evailarao ia, "Ono roa. Goi gemu vevauna auna na peva namamu." Velevagi ia mana eveia agiria, pe ia eroao ila mulirana raraparana.