¹ Pono ala uamagi goi gemu ala thakwa thakwa olemarai uma vilarai pe ilana pige iamu, pe ori na goi noai voimu Ama Ama gena kupa basileia thaonai. ² Pe pene goi gemu veveni oalarana, goi na po-ono thori lovolovori (pokanapokana) goi gere- gamu vagelegele vevarage umari gealani veaina rupu veanumari thaorai, e tharapa- ra roa laiwalaiwa avarai, pe uma nara pige varageri. Auna auna thau na availamuini, ila rauvagi voiri pege rawaliria. ³ Namu pene goi ovevenini lealea e uma elethai, imamu aulimu gena avana pe-ene ripa ragau imamu ripamu gena avana na pealatha ⁴ pe wa goi voimu mapene venimu pothopothoai. Pe wa Ama Ama natha peiatha wa veveni pothopotho ai goi wara voimu pene venimu. ⁵ "Goi pono aoali thaonai, po ono aoali mauma vairi gewapatouni veairi, repana ila gerua lainia thaonai geaoalini rupu ma- veari thaorai e tharaparai pe pige iari uma natha. Auna auna thauna mui availamuini, ila voiri pege rawaliria. ⁶ Namu mui, pi- go aoali thaonai, pigo thoaoa. Avagama pono kanagavua pe Ama Ama pono aoali venia, ia wara pothopothoai. Pe Ama Ama natha potho pothoai oaoalini pene iamu goi voimu pene vevenimu. ⁷ Goi pono aoali thaonai goina thori po ono ilagiwai ilagiwairi no uma kakamuri gealani veairi, pe ila geuamaginia wara ila peamonagiri repana thorithori wa iavogovagi aoaliai peilagiri. ⁸ Gaurai, mui pigono ala waila veairia, repana ia Amari iarau ripana ia gera ririwa ragau ia natha evailatha. ⁹ Gaurai ia wa eveaina pe aoali: 'Thai Amamai kupai oaluni, tharamu gagapi laimuni repana goi wa veaiwavagi. ¹⁰ Gemu kupa basileia na pene veami. Gemu ririwa piga alara ealimaparai no kupai veaina. ¹¹ Garo veairai mauli parawana egaroa ono venimai. ¹² Gemai rava (gapitore) ono ilagiwairi, thaina uma geria rava paga vanamari. ¹³ Rava thaorai po-ono ala ovomai, namu pono gapi paumai wa galama thaona natha.' ¹⁴ Pene uma goi natha galamari pono vanamari (sori), Amari Palau Velegaua na gemu rava mapene ilagiwairi. ¹⁵ Namu, pene goi na uma galamari po ono vanam- ari, goi maina gemu rava ia Amari Palau Velegaua na mapene ilagiwairi. ¹⁶ "Goi oganiwakani thaorai, goi vilamu po-ono vaemea amonagi wapatou umari veairi, repana ila vilari wapa umagirai pe uma na pige ripari ila gegani wakani. Thau na availa auna aunamuini, ila voiri pege rawaliri. ¹⁷ Namu goi, oganiwakani ora nai, goi repamu pono rigara e vilamu mai naluna pono vuligia ¹⁸ pe thaonai uma vilarai goi pigene ripamu goi wara oganiwakani, namu goi Amamu mo ia noai gaiani; pe Amamu na eiamuni pothopothoai goi wa voimu pene venimu. ¹⁹ "Goi geregamu gemu rina po ono oleveniria ealimaparai, orina magani magani veairana gegani rana emai orina mage aulimilonia, emaina orina lema aur- ana gelemarana. ²⁰ Namu, geregamu gemu rina pono gapiria e pono veoleria kupai, wanai goi gemu rina pigene rava e lema auri pigene thoaoa e pigene lemari. ²¹ Pe gemu rina ariai, wanai goi kutou- mu maina wanai. ²² Ma wara aunipara mara ana. Gaurai, pene goi mamu ianama, goi auniparamu maparana wara marana evavonuani. ²³ Namu pene goi mamu iarava, goi wa auniparamu maparana muna nara evavo- nuani. Gaurai, pene goi thaomu ai noai mara namu goi thaomu no munai, emuna ipo ari kamuna! ²⁴ Au apuna nara vele lualua pe ene ala veniria, iraunara vele apua ekukuani namu mavele apua eulam- agiani, pe eolema veaina wara eaunara evele apua ealaveniani namu mavele apua eaunara eruakeruagiani. Palau Velegaua e alimapara rina ana goina po ono vairage koukouri. ²⁵ Gaurai thauna goi availamuni, goi gemu mauli po ono viviagia, ragau ono gani o ragau ono niu; o goi auniparamu, ragau goina ono ligoa. Pe goi gemu mauli ekamunia pa ganigani, e goi auniparamu rapuari? ²⁶ Ono airage gau unai manu poro iarao. Ila (manu) noai geve aoleani, namu ia amari Palau Velegaua (kupai) na eimarana evaganigani rana. Goi okamuni pa ila (manu)? ²⁷ Mui thaomuiai riau ouamagini goi veaimu noinia imamu lavuorunai pono ovoa goi gemu mauli ari rauna? ²⁸ Goi wa ragauna ouamagi iligavini rapuai? Goi nara poro uamagiao tiaretiare geria kala avarai, ra mage kala iwania. Ila geregari noai geulavununi, e ila geregari manoai gemakeni geve miani rapuai. ²⁹ Gaurai thauna goi availamuni, Solomon maina ia gena airupuali mapari thaorai ia eila geve rapuani veaina ne verapuwai. ³⁰ Pe Palau Velegaua na emu gekalani avarai rapu ere valigorao, gekalao egaroa e rapalua ene rakwaoaria avu thanai, pe Palau Velegaua na vagakamuvagi rapua maene valigomui, mui gemui amonagi no kirivagi? ³¹ Gaurai pigono aovoaovo e ilaiwa, 'Ragau iana egania?' o 'Ragau iana eniua?' o 'Ragau (rapua) iana eligoria?' ³² Pe eaunilimalima (noai geairupualini) egau veari mage avurana, pe mui Amamui kupaunana eripani egau muina goririwar- ana. ³³ Namu muina Palau Velegaua pigo avukunea e ia gena mauli thakwa thakwanavagi, pe egau maparari pene venimui. ³⁴ Gaurai, pigono aovoaovo rapalua ragau, repana rapalua gauria ia nara pene ulavunuagiri. Garo apuriapuri thaorai geregari mageria kepikepi (rava).