¹ "Po ono veairori (vevarava) pe goi mai po ono veairori. ² Pe goi na waveairori poala veairori veaina, goi veairorinai pige veairorimu, e goina meau veairoriai meau poala, meau na maige alara goi elemuai. ³ Ragau na goi walawalamu manai ripi ripi (straw) iana oiani, namu goi manoripa na lao (log) goi mamuai emiao? ⁴ Raveaina goi walawalamu ovailani, 'Thau na goi mamuai na ripiripi ana gapi vagia,' namu goi mamuai na lao emiao? ⁵ Goi wapa (hypocrite) aumu! Mamana goi na lao mamuai pono gapi vagia, pe mulinai goi ponoveia namanama goi nara wa ripiripi goi walawalamu manai pono gapi vagia. ⁶ Ragau maveana goi na waga po ono veniria, e maina gemu raloralo (pearls) po ono gairia pae vulovulo vilarai. Irau nara gagerana gela kirakirarana, pe mulinai ige velavu ulewai ige ralerale mui. ⁷ "Pono verenagi, thaonai wagau pene venimu. Pono avua, thaonai goi na pono rawalia. Pono pitipiti, thaonai goi gemu ava pene alapaua. ⁸ Pene uma mapari riai pene verenagi, pene rawalia; uma ma- pari riai eavuavuni, pene rawalia; thaonai riai pene pitipiti, wa ava pene vealapau. ⁹ O pene goi riai, pene goi naumu na pere nogimu parawa apua ono venia, goi na vau poro venia? ¹⁰ O pene ia na goi magani pere nogimu, goi na wago (ma) poro venia? ¹¹ Gaurai, pene goi wa rava aumu emai ripamu gau nanamari goi naumu ra pono veni iwari, ma ragau iavogo rogo Palau Velegaua na kupana ene veniri riai rana ge renagiani ia? ¹² Gaurai, ragau veairi goi na oririwarana uma na pige alari goi elemuai, goi na mapono alari ila elerai, repana e maina rova e peroveta rorina. ¹³ "Ono vanagi thoaoa avana kipokipo na nara. Namu thoaoa avana kamuna e ia ravavagi wara ia rava tharaparana erao veniani kapuna, pe uma iavogo wanai pige thao. ¹⁴ Pe thoa vanagi kipokipo na avana wara thoaona iagaua e tharaparana wara mauli kapuna, pe wakapu wara uma nori vogovogona pige rao venia. ¹⁵ "Peroveta wapatou auri po-ono vageri, ila pige veamai mamoe rapuari pige ligo namu ila wolve thaori ravaravari veairi. ¹⁶ Ila vuarana pono ripari. Aunili- malima na grapes mukolovukolovu o pa gaupu veari thaorana ge tourana? ¹⁷ Pe veainamai, gauupu namana evuani vuana iananama, namu gauupu iarava evuani ia vuana iararaava. ¹⁸ Gau-upu namana apuana vuavua ravaravana pe-ene vavua, emaina gau-upu ravaravana na vuavua namana pe-ene vavua. ¹⁹ Gau-upu mapari noai gevua namania gauri gepaikalirana alovai gegai ragerana. ²⁰ Pe waveaina muina pigo ia iliari ila vuarana. ²¹ Nori uma màpararana riaina thau pene vailaku, 'Velegaua, Velegaua,' ila pige thoaoa kupa vanuana thaonai, namu thau Amaku kupa vanuanai gena ririwa e alimaparai geala niamo auri pige thoa. ²² Uma iavogona wagaronai thau ige vailaku,"Velegaua, Velegaua, thaina pe goi tharamu gailagi lovolovowai, goi tharamu- ai avuavu ravaravari gagiurairawai, goi tharamuai thaina ulavunu kakamuri gala- rawai?' ²³ Pe wanai Thau nara ila pana vailavagiri, 'Thau nara naripamui mui! Igo roapau thau elekunara, mui muna e rava aumui!' ²⁴ "Gaurai, uma maparari riai rana thau geku rori geamonagiani e geala agiania ila wara iwavagi auna apuna riai nara vauvau thanai o golounai gena numa evaupua. ²⁵ Kupa ealara, gapa ekwarao, e thagila egavuo pe numa eluguwai, namu enuma ne lavukaliao, repana enuma golovau unai eva upuao. ²⁶ Pe uma mapari riaina thau geku rori eamonagiani namu ne mauli agirana iawa eau ravaravana veaina gena numa alimai eva upuao. ²⁷ Kupa ealara, gapa ekulu, e thaila ekwarao enuma eluguao, enuma eokalio, kupa, gapa, e thagi gegavuvagio." ²⁸ Wanai Iesu gena rorirori eilagialuao, uma kamuvagi ge kalileao gena vevaripa ealao thaonai, ²⁹ repana Iesu na ila eva riparao wara no ia magena iavu (rova), pe wa nori ila geria aloalo auri veairi.