¹ Waorai Iesu na eiathao aunilimalima vogovagi, ia eve rage golo unai. Wanai ia ealualio, ia gena vevaripa auri (disciples) gethao ia elenai. ² Iesu muruna ekeoao pe eva ripathawai, neiwai, ³ Genamani auri wara ila palauri wara gelealeani, pe ila geria kapu wara kupa basileia (kingdom of heaven). ⁴ Genamani auri wara riai geagini, pe ila wara thaori pige pikapika. ⁵ Genamani auri wara aoma, pe ila natha alimapara pige vaia. ⁶ Genamani auri wara riairi ge thakani e ge maluvuni ila thakwathakwai, pe ila thaori pige vevavonu. ⁷ Genamani auri wara ila veva nama iwavagiri, pe ila natha nama pige vaia. ⁸ Genamani auri wara ila thaori noai lekalekari, pe ila natha Palau Velegaua pige iara. ⁹ Genamani auri wara ila maino geala agiania, pe ila wara pige ilagiri Palau Velegaua nauna. ¹⁰ Genamani auri wara riairi gevarava rana repana gemauli thakwathakwani pakunai, pe ila geria kapu wara kupa basileia. ¹¹ "Genamani wara goi pene uma na pige ilagi ravaravamu e auniparamu pige vara avara e pige ilagimu gau iathara-ava ria goi elemuai goi pige roli wapamu thau pakukuai. ¹² Pono verele e uamagimu pige nama, repana gaukamuna wara goi gavumu pono verawalia kupa thainai. Repana eolema veainai aunilimalima na peroveta auri gevagiri riari gemauli goi vilamuai kunenai. ¹³ "Goi wara tamena (salt) ealimapara thaonai. Namu pene tamena wa mamina egavuvaginia, ra mapere vealawai iwa pe mapere vetamena wai? Ia wa gena nama gau mapararai pegeika namu ia pene vei- gogothai pe aumilimalima kapurana pige la alialia. ¹⁴ Goi wara mara (matha) eali- mapara thaonai. City apua golo apua unai pe-ene vepotho. ¹⁵ Pa aunilimalima natha lamepa apua pige kapua pe matha-ana pige olea poro poro avanai, namu lamepa gena miamia kapunai, ia matha-ana pene thoa lovolovo uma maparari pene mathari wanuma tha- onai. ¹⁶ Goi gemu matha pene lala uma vilarai pe eolema veainai pe ila natha goi gegelamu nanamari pige iari pe ila na goi Amamu kupa basileiai pige varagea. ¹⁷ "Pigo-ono uamagi wara thau pave amai era thau natha rova o prophets pana vara-avari. Thau pave amai era thau natha pa-ana vara-avari ila, namu thau natha ila geria ulavunu pana vagugulua. ¹⁸ Pe auna aunavagi thau natha ava ila muinia rogo kupa e alimapara pige gavuvagi, gau apua ripiripinavagi pa apua kapuna maina ari olemana mape-ene gavuvagi(lewalewa) e rova thaona nara, penerao gau maparari pige vegugulu. ¹⁹ Gaurai riau apua natha e rova kirina pene ala ravatha e rova mapararia thaorai e mapene varipari uma vairi eveaina ila mapige ala ila wa kapikapiai pene vegogo- ria kupa basileia thaonai. Namu riau apua natha e rova erogorana e eve varipa agira- na e rova ila wara pene gogoria gau unai gena kupa basileia thaonai. ²⁰ Pe thau na availamuni goi era pene gemu ala tha- kwathakwavagi gau unai namu ripavanagi auri e Pharisees auri goi verivomuai, goi wara matharapara apua na po-ono thoaoa kupa basileia thaonai. ²¹ "Goi oamonagi wara ethori ila geva ilari warigolo kunerai, 'Uma po-ono vagi maeri,' pe, 'Riai na uma apua pene vagia (kill) umana pene warega ia wara veaithori thaonai. ²² Namu thau na availamuini uma apua pene walawalana eparuveniani ia wa veaithori meauvagi thaonai; emaina pene riau na walawalana pene vailaiwara, 'Goi ovaomu (noaiganimu)!' ia wa council natha mapige aithoria; emaina riau pene ilaiwa, 'Goi awa awa (fool)!' ia wara alova meauvagi kapunai ia pene vegalara. avanai. ²³ Gaurai pene goi gemu veveni gauna ove oleani teronai (altar) pe thaonai goi ripamu walawalamu ila thaovivi emiao, ²⁴ goi gemu veveni gauna terona vila nai pono olea, pe goi pono thao walawala- mu elenai. Goi ma walawalamu ila natha thaovivi pigo vanamara mulinai, goi pono thao teronai goi gemu veveni gauna pono alatha. ²⁵ Goi riau natha rova auri elethai ene thaoagimu auna pono thori venia pe wa thaovivi pigo vanama lelea, ori natha goi veva kota auri elerai pene veuaumu, pe ila na pige olevanagimu ulavunu veima auri elerai, pe muna numana thaonai pige ve- thakwa waioamu. ²⁶ Auna auna thau na availamunia, goi wakapuna po-ono thoa thakwarai pene thao goi na moni arikamu maparana veaiveaina ogapiao goi na pono vavoiwaia. ²⁷ "Goi oamonagi ethori wara geilagia, 'Po-ono maporaga.' ²⁸ Namu thau na availamuini maparamui riai natha vavine apua kerunai eaigiugiunia wara pegalama repana uamagi iarava pealara ia thaonai. ²⁹ Pene goi mamu ripamu gena avana natha eva kepimuni, ia pono touvagi pono gaioara goi elemu natha. Repana goi auni- paramu ianamo pene vivi ia veaina namu nori goi auniparamu guguluna(maparana) pene vegaioa alovai. ³⁰ Pene goi imamu ripana gena avana natha eva kepimuni, ia pono paivagia pe pono gaioara goi elemu na. Repana goi auniparamu ianamo pene vivi ia veaina namu nori goi auniparamu guguluna pene vegaioa alovai. ³¹ E mae ilaiwao, 'Riau garawana pene giua, e geria vegarawa eauna na pene ala thavara.' ³² Namu thau na availamuini riau garawana pene ruara, pene au apua ila geve ririwa veveni nia e geve wapania, e vavine wara eala ravarava nia. Riau na e vavine pene vegarawara auna wa pene galama. ³³ "Maveaina mai, mui goamonagi wa ethori maeve ilagi wa uma kuineri elerai, 'Pigono ilagavu wapatou, namu gemui ilagavu pigo ala agiria Palau Velegaua thaonai.' ³⁴ Namu thau na availamuini, pigono ilagavu, veainamai kupa basileia tharanai mapigo-ono ilagavu, repana wa Palau Velegaua gena rua e alu kapuna; ³⁵ emaina ealimapara thanai, repana e ia kapuna erua aliagiani avana; e veaina no Jerusalem ai, repana ekapu (city) era e Velegaua iwavaginavagi gena kapu. ³⁶ Veainamai goi repamu natha, repana goi natha vui apua po-ono alara uloulo pa ruparupa. ³⁷ Namu gemu thorithori wa 'Unamu, unamu,' pa 'Noai, noai.' Gauapua wara ma iakamu ia wa ala ravarava gena avana na peve ami. ³⁸ "Goi oamonagi ethori wara geilagia, 'Na ma wara na ma, na rua apuna wara na rua apuna.' ³⁹ Namu thau na availamui nia, goi na po-ono vavoia wa apuna riai magalamana. Namu, riai na goi vaegamu ripamu avana pe voara, mapono vailatha aulimu gena avana maina mapene voara. ⁴⁰ Pene uma apua natha gena ririwana veaithori numanai pigo thao pe goi gemu kota (coat) pene gapia, wa au mapono vai- lara gemu roagi rapuana (cloak) mapene gapia. ⁴¹ Ma riai natha goi pene pumu (compels) goi maela (mile) apuna pigo th- oara, mapigo thoakou maela lualua. ⁴² Pono veveni riau natha gau apua goi elemuai pene verenagi agia, e uma apua eririwani ene gapitore goi elemu eia wara po-ono ulavu ulea. ⁴³ "Goi oamonagi ethori wara geilagia, 'Goi natha epimu auna pono ulamagia e ove aliveniani auna pono vekuku venia.' ⁴⁴ Namu thau na availamuni, geve kuku venimuni auri pono ulamagiri e riai natha eala ravamuni geria pono aoali, ⁴⁵ pe mui wara Ama Ama ia kupa basileiai e mui no ia nauna maparamui. Pe ia natha garo maeva lalani rava auri e nama auri elethai, e kupa euani thakwathakwa e nori thakwa thakwa auri elethai. ⁴⁶ No pene goi na waila oulamagirana e waila na goi mage ulamagimuni, goi ra nama poro gapia? Pe manori veaina mai e rina gekokoni auri gauana veaina mage alani? ⁴⁷ Pene goi na auavamu mogo o rawalirana, ragau kamunavagi oalani ma- vairi elerai? Pe manori veaina mai gauna ma gealani Gentiles (non Jews) natha? ⁴⁸ Gaurai goi pono ala thakwathakwa, no mui Amamui kupa basileiai ia thakwa- thakwa veaina.