¹ Pe wanai Vea Palauna na Iesu evaiao kapuleanai ia devil natha pene wapa ovoa. ² Pe Iesu wara garo e pogi mapararia forty (40) veaina ne ganigani pe ethakaole. ³ Vewapaovo auna ethao Iesu elenai pe eva ilathao, "Pene goi wa Palau Velegaua nauna, evau ono vailari ige parawa." ⁴ Namu Iesu ethori lavu ule eia eva ilao, "Eve alo ole, 'Aua ia pe ene mauli parawa geregana na, namu thorithori mapararia gethoa raini Palau Velegaua muruna na.''' ⁵ Wanai Devil natha Iesu evaia vea kapu kamuna (city) nai pe Iesu eve vairagea wa airupuali numana thainavaginai (tiutiunai) thanai, ⁶ devil na Iesu evailathao, "Pene goi wara Palau Velegaua nauna, ono rulu uale ma-aumu, repana eve alo ole, 'Ia na gena aneru (angels) ene vailaria goi pige nakagaumu,' pe, 'Ila imarana goi pige verogomu, pe goi gagemu po-ono alaravaria vau apuarai.'" ⁷ Iesu natha devil eva ilathao, "Maina, eve alo ole, 'Goi na po-ono ala ovoa e Vele goi gemu Palau Velegaua." ⁸ Waveainai, devil na Iesu mae vaiao gethao golo gena thana unai devil natha Iesu evaripao kingdoms (kapuiwavagiria) maparari ealimapara thanai geria nama e maralemari. ⁹ Devil na Iesu mae ala ovo waio pe eva ilathao, Egau maparari thau na anavenimu goi, pene goi ono ala ali thau kapuku elethai e goi na ono airupuali veniku." ¹⁰ Wanai Iesu na devil eva ilathao, "Ono thoa pa ena natha, Satan! Repana ma eve alo ole, 'Goi natha pono airupuali venia e Vele goi gemu Palau Velegaua, thaonai goi na eia mogo geregana mapono alavenia."' ¹¹ Wanai devil na Iesu ekaliwaniao, pe wathaona na, aneru (angels) gethao Iesu geva avathao geva enamao. ¹² Waorai, wara Iesu eamonagiole John ge rogoao, Iesu elavu uleo ethoao Galilee thaonai. ¹³ Iesu wara Nazareth ai ealu- wai namu ekaliwaniao ethoao Capernaum ai eve aluwai, ekapu wa Galilee rawapara- na laganai e Zebulun e Naphtali alimapara ria thaorai. ¹⁴ E gau ewala guguluo ragau eilagiao Isaiah peroveta (prophet) auna na, ¹⁵ "Zebulun alimaparana e Naphtali alimaparana, ethao thawapara, waethao Jordan, Galilee ai Gentiles umari! ¹⁶ Wa uma riairi gealuwai muna gaua gaua thaonai ila natha matha kamukamu geiaole, thaonai riairi gealuwai wa kapu thaonai e warega rauvarauvanai maina, umari tharai matha apuna eve rageole." ¹⁷ Waoranai Iesu wa-apa emamathao pe eva ilathao, "Ravarava thaorana igo vealavagi, repana mauli mia vanagivanagi kapuna peve avivagi." ¹⁸ Iesu wara gagena na eroa thaowai Galilee onenai, ia natha au lualua eithao, Simon ia matharana apua Peter, e wala walana Andrew, geria magani avu le-ena geoleao rawaparai, repana ila magani avu umari. ¹⁹ Iesu natha eva ilathao ila auri lualua, "Igo veamai, thau mulikuna, thau na ana olemui maganiavu aumui aunilim- alima elerai." ²⁰ Velevagi eila geria le gekaliwaniri pe Iesu mulinai gethoao. ²¹ Pe Iesu mae thaowai wanai au lualua mawalawalana eiathao, James e John ilawa Zebedee nauna maluaneri. Ila wara geria maganiavu gaina (boat) thaonai ila amari Zebedee maina aunawara geria le mariri ri gevairawai. Iesu na ila egogothao, ²² pe ila velevagi amari Zebedee geria maganiavu gaina thaonai gekaliwaniao ila Iesu mulinai gethoao. ²³ Iesu natha Galilee maparana ethoa makeao, eve varipawai geria ruputhaorai, gospel e ia amana riai ragau thorithori na eilagiawai, uma vi maparana irauirau na e nakula umari aunilimalima thaorai ia na wavivi e nakula auri eva namari. ²⁴ Iesu thorina (news) ethoa lovolovo wakapuai Syria alimaparana thaonai, pe wauma na wanai riairi manakulari vi irauirau elerai ge viviwai, riairi palau ravaravari thaorai, e noai gethoawai ipo gemaowai, e mavairia Iesu elenai gethao. Iesu natha geria vi eva namathao. ²⁵ Uma kamuvagi ia mulinai gethoao Galilee na, Decapolis, Jerusalem, e Judea, e maina Jordan maparana.