¹ Wa garo thaorai John ia wara Baptist ethoao ewa pawai (preaching) alimapara leanai Judah ai neiwai, ² Galama thaona na igo veluva, repana kupai maulina era peve avi." ³ Pe eau wara eilagiao Isaiah peroveta auna natha, eilaiwa, "E karo apuna egogonia e kapu leanai, 'Velegaua gena veami avana igo ala mavua, gena thoa tharaparana igo ala thakwa thakwara.'" ⁴ Wanai John natha rapua eligoao wara camel vuina gauna e kapagaunai wara no leather belt. Gena ganigani wara koloma e kwara punupunu (wild honey). ⁵ Pe John gethao veniao eaunilimalima maparana wara Jerusalem, Judah maparana, e wakapu makaina geupu makeao Jordan wainai natha gethao. ⁶ Ila mapararia John natha eva rikuthao (baptized) Jordan wainai, galamari geve ilagiwaio. ⁷ Namu thaonai ia na uma kamuvagi Pharisees e Sadducees natha ia gethao veniao pene varikuri (baptize), John natha ila evailathao, "Mui wago (ma) kalakalana, riai natha pevailamui pogouleo wa rava eve aminia? ⁸ Pigo vua no vekapawai thaona natha o pakunai. ⁹ Pigono uam- agi e pigo ilaiwa maumui thaomuiai, 'Ia elethai Abraham wara ia amari.' Pe mui ana vailamui wara Palau Velegaua na maina Abraham nauna mapene vamauliri evau thaorana maina. ¹⁰ Giro rauvagi peve olevega gaupu lamuri aravarai. Pe egaupu maparari gevuani ila vuari iatharava wagaupu wa mapararia pige paikali alovai pige gairage ria pene galaria. ¹¹ Thau na avarikumui nia (baptize) nalu na repana galamamui pige veilagiwai pakurai. Namu eia riai thau muliku na pene veaimi wara iavuiwavagi nori thau veaiku, e thau maina nori gele gele ia gagenai (kapuna) eligorana gauri pana vuari. Ia na valu mui pene varikumui (baptize) ma Vea Palauna natha e maina maiavuna na. ¹² Ia gena virigivirigi iav- una maparana wara ia imanai pe numa thaonai vua pene ravu uale nama namara e ia gena ganigani (wheat) pene olevenia numathaonai. Namu ia na wa virigi virigi thaona pe olegerevagiri gauri alovai pene kapuri rageri pe ealova pe ene pue namu pene galamo noai ikana." ¹³ Pe Iesu Galilee natha ethao Jordan wainai John natha pene varikua (baptize). ¹⁴ Namu John na eva waiawai Iesu, pe eva ilathao, "Thau wara goi na valu ono baptize ku, pe goi poveami thau elekuai?" ¹⁵ Iesu natha evaila lavu uleao, "Ono ala agia evanamo, repana ethakwanai ia natha e vagugulua thakwathakwa maulina maparana." Pe veaina John na eala agiao. ¹⁶ John natha Iesu e baptize o mulinai, Iesu mogo nalu thaona na ealarageo, pe thaonai, kupa thaona (heavens) eve alapa Iesu elenai. Iesu na Palau Velegaua iavuna eiathao emirivo no pune manuna (dove) veaina emiala auo ia thanai. ¹⁷ Thaona na, karo apuna emirivo kapuveana una na neiwao, "Eia era thau nauku maluane na thau geku ulamagi iwavagina. Thau pami verele gauavagi ia elenai."