¹ Bulau vesuge valini unila kele 'Sanidei' vavita vau hodota, Meli Magidalini IESU vutae lolu loi ivage vule kitaela guliu anaka bavuale keu ue solilu. ² Ige keate keu kuialai loi Saimoni Bita ta Disaibolo IESU abolai olavale ke lavigei avoe, ataea loi guli alavai IESU vai tievelu ige iva solilu abo vai oleveo vaeavalu. ³ Ige Bitau Dioniti loi IESU vutae tievelu ivalivelu. ⁴ Keu keti viliviliai tivaga Dioniu eseu dogalu loui Bita kalei loi luta gulila velevalu. ⁵ Tai lavisi guliu uvue ivage ogona taete ke ulau guli uvue ulu, isito eu guliu uvue tiesolilu. ⁶ Ige Saimoni Bita le keu loi velevai tai guliu uvue tilu, tai ivage ogona taete ke ulau ulu. ⁷ Ige ogona volela nive vavale keu au uvevete alu bokoai vaeavage au ute alu. ⁸ Ige Disaibolo vole unila loi velevale keu ba avota guliu vae tai ivai, vai lelevetilu. ⁹ Abo Bukau louale ke huhue savalu aule ba kobelai. ¹⁰ Disaiboloea kuiakavai oe lelevelu. ¹¹ Isege meliu guliu vavala lavisi alioiva,isi tota lavisi guliu va ke maliava. ¹² Isi iage anelu abuti ogona naete, kea voleu iesu kine nai noe, ugulumai ulu, esege voleu genave nainoe ugulumai ulu,IESU nai uale ke nenita. ¹³ Kea keate ke lavia avoe aa vadeulu alioiva? ige eu loui avoe abo di Kosive vai tievelu, ige da iva solilu, abo vai oleveo vaevavelu. ¹⁴ Ige eu ke loui vovolovai IESU ivage eu lavisi ulu, igeto keate keu huhue solilu IESUla keu. ¹⁵ IESU keate ke laviai avoe aa vadeuluga aliova, aa ole kaoaive. Keate keu huhuai avoe isoho vuai oivale malaha volela kou, isi laviai avoe kosvie aa IESU vai tai oleveo vaeavaluaga louge da vai tai. ¹⁶ IESU lavia avoe Meli, eu vovolovai ivai Hibuluia nonale laviai avoe Laboni, keu koseilau ke alu Tisa. ¹⁷ IESU laviai avoe da vatalalive da di mama vileo tiesolilu, isito au tai di kakoluvu lavigei kosea dale vaeatai di mama isi lai mama isi di DILAVA isii lai DILAVA vileo. ¹⁸ Meli Magidalini loi Disaibolo keneni lavigei avoe da kosive ivalu ige eu koto keneni loui da lavialu. ¹⁹ Kateivale gutu kela Bulau vali ni unila ke gutuvele 'sanide' ou anaka ke bavui uvuveo Diu vabuiavei usege IESU dobai minaeabe kele lavisi loui avoe uveve dua lalai. ²⁰ Ke louge vesuge au ada vai haivei au tava vai haivei avoe ko ivave, dala, ige Disaiboloea ke ivai sisila kitae abo kosive ivaive. ²¹ IESU tota lavige avoe duave kitae lalai, di mamau da hanavele kelate da la hanavelu. ²² IESU ke louito au aile vivihatugei loui avoe 'lauma helaga' munana tuvu agive. ²³ Lale ata lavigei koseige DILAVAu lai toela vesuiavai ige aule vesui isito lale loui koseige DILAVAu ba lai toela vesuiavailivelu bele ige aule vesulivelu bele. ²⁴ Mohoho tuelo '12' kea uvule vo vole ivie TGomasi ivive vole Didimasi keu IESU loivale kela aboili ue solilu. ²⁵ Ige Disaibolo volea loui avoe lo IESU ivaevelu ige eu loui avoe, da ivai di adau viso vai adavele ikokota kavalevale kele hanavai adave valale biale ketale isi vai lelevetisi. ²⁶ Valini eiti '8' a vesuge Disaibololea abo lovole Tomasi leke luvita ui anaka bavui usege IESU loi minaeabe kele lavisi loui avoe duave kitae lalai. ²⁷ Isi Tomasi laviai avoe ai adau visi vai di adau va kole bisi iva, isi di adau valale va ko bisi keta iva. Isi malomaloagelive isito vai leleveti. ²⁸ Ige Tomasiu ke ai ivai loui avoe di Kosive, di DILAVA. ²⁹ IESU laviai avoe aa da ivala ai da vai lelevetilu, isito duave kitau a iva solilu isito vai lelevetilu keu duave bauala keu. ³⁰ IESU toana moeaga au Disaiboloea nita ale ke bahata abo tole solilu, Buka kou uvule. Isito kosealu abo toleale ke ivai, vai leleveti IESU KELISO keu DILAVAu vola keu, isi ivivele ukolikoli mauli vaso.