¹ Vali vole nile IESU amiga vai au Disaibolo haivelu tai Beliasi davala vavae au oleve kateai amiga vai haivelu. ² Kenenia loi igali toalu Saimoni Bia isi Tomasi ivive vole Didimasi isi Natanielo keu Kena Galileis isi Diebedi vo abuti isi IESU Disaibolo abuti. ³ Saimoni Bitau lavigei avoe da tai kualume togovei ige ea loui avoe lotale loige lai tai loi Bouti vole vaevelu isito vavi kele be kavesavalu. ⁴ Vavita vau alavasege IESU davala gonela lavisi uva, igeto Disaiboloea huhue solilu IESU la keu. ⁵ IESU lavigei avoe mohohoea au la ivevebe kavelu? Ige ea loui avoe be. ⁶ Ige IESU lavigei avoe, lai ugaba vai lai bouti inuteo kavatuve, ige ea ke age kualume moeagaea ke uvue tisege vai loevelu. ⁷ Isege disaibolo vole IESU avolu olavale keu Saimoni bita laviai avoe IESUla keu, ige Saimoniu au ogona vai kolovui vitoi davalale dobai IESU vileo lolu. ⁸ Ige Disaibolo volea bouti volele lovelu oge solialelu louive egeveu tu hadeleti '200' kubiti, kea vole dulugei kualume butuhai vai vatae loevelu. Kualume bahata uani hadeleti viviti tili '153' igeto ugaba ea beu davue solilu. ⁹ Loi vatae daiai ivasege veneu nai ulu, isege kualumeta beledi volea veneu nile ulu. ¹⁰ IESU lavigei avoe kualume vole agisi love la aike kaveale ke. ¹¹ Saimoni Bitau tai ugaba ta kualume vai vatavae keiohalu 'bubualu' lekeabeu davue solilu. ¹² IESU lavigei avoe loi lovi ive, igeto atabeu huhuai bela solilu ole alau, isito huhui ulale huhuige kosivela. ¹³ IESU loi beledi agisi vavelu, kualumata ige ea ke ilu. ¹⁴ IESU ale keu naba tili '3' lau kealu, voeleai kobelaito ke iaega au ke ava. ¹⁵ Ige ea vavitau lovi ke ige vesusege IESU Saimoni Bita laviai avoe Saimoni Dioniu voo ale dalu olalu, ige Bitau laviai avoe mana kosive, a dibalela da alu olalu. IESU laviai avoe di mamoe ese nimabige. ¹⁶ IESU tota laviai avoe Saimoni Dioni voo, ale dalu isivialu? Bitau lavia avoe mana kosive a ivalela da alu olalu. IESU lavia avoe di mamoe nikovege nimabige. ¹⁷ IESU tota naba tilile '3' lavia avoe, Saimoni Dioniu voo, au leleulata a dalu olalu? Bitau uvualu IESU lavilouale kelu. Isi Bitau laviai avoe Kosive hau koneni a ivalela, da alu olalu IESU laviai avoe di mamoe lovi vave. ¹⁸ Leleve ula da aa lavialu, a mohoho olivale kela ale ai ogona kolovui ai olau vatava keveo oige, ilogoto a loi maku olige aba kateai ai isivi alivelu bele isito ale ai ada katuge ata voleule ai ada umuvai vai a olau uesoliale keveo avai taevei. ¹⁹ IESU kateai louale keu Bitau voleve ke vaki teogau ke nonalu aule Bitau voeleai DILAVAu ivi vai letatavai, IESU ke louto Bita lavia avoe daa lova. ²⁰ Bitau vovolovai Disaibolo vole IESU avolu isiviavale keu lovegei loige, ese keu abo lovi isege IESU vavale besai ui belai avoe olela alu haialu? ²¹ Kateige Bita ke ivai loui avoe Kosive malaha koule oleve kateai? ²² IESU Bita laviai avoe dale olage keu uvaga da tota loi koto keu aele oleve katealu? da lovai lo. ²³ Nona keu ai ke ataele tilu ige abo loui avoe ese keule uvaga IESU loi au voelealivelu bele. Isito koto keu kate solilu, isito IESU loui avoe ivage da olage aule uvaga da loi, au keu aele vadeualu? ²⁴ IESU avolu olavale ese ke dala kou, hau keneni ivai evivale kela da ko kisaialu. Iale la da koto louale keu koto leleve. ²⁵ Isito da Buka kole IESU koto keneni kisaia va solilu. IESU keu hau moeaga ale ke da kisaiava solilu, IESU keu aveve moeaga agelu. Iale dale keneni bahata kisaiage da huhuge aule Buka moeaga moeaga olisi.