¹ IESU kateai guliguli ai au mama laviaito kalei au mohoho leveni '11' ke lohomegei tai e vole Kidoloni ke koui tai vaki voleo vu uvue ueviva. ² Isege Diudasiu tai avolu haiale keu vu ke ivalu vali baita IESUle au mohoho keali talivelu keveo uevigei. ³ Isege Diudasi le keu solodia gulubu vole lohomegei ata bukate dubu anakale leleisi uvale kea isi dubu bulisiti isi Balisesea ata volea lameba agisi tosi ta agisi loevelu, tavea, bi, manu ke kakavai loevelu IESU kavalivelu. ⁴ Ige IESU memila dibalu abo vadeu ale ke, isi tai lavigei avoe la ole kaoalu. ⁵ Ea laviai avoe IESU Nasaleta biage ige IESU lavigei avoe ma dala kou, isege Diudasiu IESUlu haiale keu lavisi ulu tuvali ata keali. ⁶ IESU lavigei avoe dala kou, ige kenenia abo iae tai otolovai vata kavai navai ulu. ⁷ Ige IESU tota belagei avoe la ole kaoalu, ea tota loui avoe IESU Nasaleta biage. ⁸ IESU lavigei avoe, da memila la lavigelu ata ke dala kou au la da kaoaluga louge koea tai. ⁹ IESU memila nona vole ai loui avoe mama ata a damuale ko, daba be kalevage talivelu bele. Ialeto abo IESU vage loui avoe la daa vage lougau kaile koea tai. ¹⁰ Isege Saimoni Bitau gaia benisi laluvai ela hai bulisitiu voo vole golemave vaite ke koisi letulilu, malaha ke ivila Malokasi. ¹¹ Ige IESU Bita laviai avoe benisi vai navele iavu, di mamau kabusi vai damuale ke dale isi? ¹² Ige solodiasi kabuteni Dubu naliavale kea IESU vatalai umuvai vai tievelu. ¹³ Abo luta vai Anasi vileo tilu, keu Kaiabasi valu lu, louive keu Diuia Dubu ata kitae olilu. ¹⁴ Kaiabasi keu Diu ata keneni lavigei avoe ata igaliu lai loi vatalu voeleige keu duave ataeale doadoa ui. ¹⁵ Saimoni Bitau IESU lovai tige Disaibolo voleta lovegei tilu, Disaibolo keu aea bulisiti keu ke ivalela, ialelu loui aboili kotavale keveo tilu. ¹⁶ Igeto Bitau taito anaka vavale lavisi ulu isege Disaibolo vole keu haea bulisiti keti ou uvue tilu igeto Disaibolo keu ivage Bitau anakale lavisi uge tai anaka naliavale va ke lavia avoe, tai valae ata ke laviage lo, ige va keu tai Bita laviage ou uvue lolu. ¹⁷ Isege anaka nikovai uvale va keu Bita belai avoe au, au IESU Disaibolo alau? ige Bitau loui avoe be da olie solilu. ¹⁸ Isege ata kosive kea dabai vene beisi koevele leleisi uevia. Isege Bitau avota dabai veneu koele lavisi uva aboili. ¹⁹ Isege haea bulisiti keu IESU belai Disaibolo vatalai belai alolovetalu belalu. ²⁰ Ige IESU laviai avoe di alolo keu ata ko nenile da aloloalu, valai Dubulu koui uvale ke vale da aloloai haiveva. Isi Dubu kitae ke vala dale lavisi aloloagei Diu ata kenenia usege da bele sekiai alolo solilu. ²¹ Aa vadeuluga da belalu? le ata ke belage da vadeu louge ea eviale kelu ige ea alavia. ²² IESU ke louge Dubu bulisi voleu IESU vavale laviale keu au adala IESU golema kavai loui avoe a vadeuluga Dubu kosive kelu koto kateale loulu. ²³ Ige IESU laviai avoe di nonau boliage vavala, isito di nonau leleve olige avadeuluga da kavalu? ²⁴ Ige Anasiu adave umuvai vai hanavage Kaiabasi hae bulisiti vileo tilu. ²⁵ Isege Bitau veneu koele lavisi usege ata kea ke ivai lavia avoe, au, au IESU Disaibolo vole alau? ige bitau amiga vovohoi avoe da bele. ²⁶ Isege haea bulisiti vo voleu Bitau golemave koiale ke kakoloeabe voleu loui avoe au ala da ivalu vu uvula IESU luvita usege? ²⁷ Bita le keu vovohosege kokolugu kotoalu. ²⁸ Ige abo IESU vai Kaiabasi kalevai vai gamania oo kitae talivelu ageto, valiu niu vavita ulage abo ola solilu vai toelatilivelu isito Basiova lovi ievei. ²⁹ Bailateu aboeo tai lavigei avoe, la ata kou toela vadeu ivalai vai loevelu. ³⁰ Ige ea loui avoe ata keu toela be a solibeto lo vai aeo loie solilu. Isito toela kitae ala age lo vai aeo lolu. ³¹ Bailateu lavigei avoe vai tai lai Diuia basu kele belalave, ige Diuia laviai avoe keu talavatu la keu lole vaitai kotai, kavagau voeleige. ³² Kea kateai louale keu IESU nona louale ke vai lelevetilu, oleve kateai voeleu louale ke. ³³ Ige Bailateu nao kitaea uale keveo tai IESU toiavage avoe tilu, ige belai avoe, au, au Diuia kini alau? ³⁴ Ige IESU laviai avoe au aa biagela bela ke alu? bela ata voleala da loui aa lavialu? ³⁵ Ige Bailateu lavia avoe au dau Diu ata? au dau? ai ata koeala Dubu bulisiti ata keali avai damuevelu ale vadeu ai? ³⁶ IESU laviai avoe vata kou di vata olie solilu, au vata kou daele olige daeleteale aboili vole kavei vai Diu vavelivelu bele isito ave di vatate keu vatako olie solilu. ³⁷ Bailateu IESU lavia avoe au au kini alau? ige IESU laviai avoe ma avola a ke loulu, dau kini dalau huhui kelega da loi vatae, isi huhui kelega da lolu isi nona leleve ke vai lelevetisi ige olea lelevele uale keale di nona evisi daeo loi. ³⁸ Ige Bailateu lavia avoe ige vadeula leleve? Bailateu ke loui laviai kalei Diue tilu tai lavigei avoe da kelelebe avoele iva solilu. ³⁹ Isi lai kasitomu ualela lale olage da Diuia kini vaveai vai lamei? ⁴⁰ Ige Diuia genuhamai loui avoe be malaha ke kalevaito Balabasi vai loame, Balabasi keu vavoloage abo vai dibulalu iale ata kela abo ke louva.