¹ Malaha vole Solo keu vali bahata IESU hau avale ke agigei toelatigei kaveve koto loui loaleu Dubu kosi kitae ke lavigelu. ² Lavigei avoe levaleva vole kisaiai vai damuge da vai damasikasie talivelu diuia Dubu kosive ke haivei valivelu olea IESU lovai tivale ke kavei umuvei agisi loi Dielusalemae dibulagei. ³ Kateaito tialeu Damasiko ou vavae tisege ataga vole kitaeu Otogole dobai loi bavulu. ⁴ Ige eu vatale dobasege koto voleu loui avoe Solo Solo avadeuluga daa vai toelativa. ⁵ Ige Solou loui avoe kosive ole alau ige koto keu avoe IESU dala aa vali bahata vai toelativa. ⁶ Iale kobelai talivelu oo kitae kele ata voleu uale keu aa haivu vaoe aa vadeu aveve ke louive aa laviage ke aso. ⁷ Kateai lousege malaha volea avoluvita tiale kea koto ke evisito atave iva savalu isi tetehamalu. ⁸ Ige Solou vatale uale keu kobelage kakoluvuvea adavela holisi meialemi vai Damasikasi oe tilu. ⁹ Ige vali ni abutita igalita keu uvule lovi ie solilu, u ulalau. ¹⁰ Vali kateivale IESU hauavale vo vole Ananaiasi keu o keveo usege DILAVAu nainaole laviai avoe Ananaiasi ige eu loui avoe ito kosive dala kou ai to evilu. ¹¹ Ige DILAVAu laviai avoe talivelu kuva vole ivie lilikate kele Diudasi ole Tasisia malaha vole Solo ke kaoaso keu aike guliguliai da laviai daluiva. ¹² Solo le keu memila nai naoage Ananaeasiu loaleu au adavai nivele vaeavai avolu guliguliasege niveu alavalu. Iale talivelu da naole a haivuale ke loui ata haive. ¹³ Isito Ananaeasi DILAVA laviai avoe kosive DILAVA ata moeagaea Solo keu avale keneni loui da haivui avoe Solo keu Dielusalemae IESU hau avale moeaga kavei toelatigelu. ¹⁴ Isi keu Dielusalemae Dubu kosive ke lavigei avoe lai vuvune damuge da tai ata ke kaogei umuvei agisitai dibulagei. ¹⁵ Ige DILAVAu avolu loui avoe kalei talivelu da louale kelate aso da Solo ke letatavalela keu aule tai di koto evie solivale kea vatae tai kosiabe ke haivei Iselala ata bahata ke haivei. ¹⁶ Iale dale ke haivuge aule di lovi ke ai avoele vateu tuvu ke dibai. ¹⁷ DILAVAu kateai louge Ananaeasiu tialeu oo kela velevai au ada vai Solou tatale vaeavai loui avoe dikakolo kosiveu kuvau tavae aele velevale kela louge da aeo lolu. Au da hanavale kele ale ba nia ige munanau tuvule ba aele loi ui avai melitisi. ¹⁸ Kateai lousege solekata kualume gina kelate moeagaea Solou nile keiohovoi lavuge doadoalu isi kobelai babatisoalu. ¹⁹ Babatisoaito lovi ige vavaveu goadalu. ²⁰ Solou keu uale Diuia Dubu kitaeo tai aloloai avoe IESU keu DILAVAu vola keu. ²¹ Ige ata bahataea ke evisi vikoai tetehamai vole lavigei avoe au leleve ata kela Dielusalemae IESU hauavale ke kavei lovegeva. Olai agigei Diuia kosi kitae vavei iale au malaha kela keu. ²² Abo kateai louge Solou kobela ata haivege kotove keu ataele vuvuneage Damasikasie uale Diu ata kea olai kotove kavalivelu age keu malomaloalu kosealelu Solo luleleige IESU keu Diu ata dulugevale kosive keu KELISO. ²³ Vali moeagaea vesusege Diu ataea vole bevuai nonai Solo kavaevelivelu kuva kaoiva. ²⁴ Kea valile isi vavile anaka kitae kele ui niai ueviva Solo kavalivelu isito Solou aveveabe ke ivalu. ²⁵ Ivaga vavi volele Solou kakoluvuia Solo vai bosea vole uvue vaeavai vai oo kitae ke iae vuini doale ketevei kote vatalai saiale lebolemage tai vata vage eu kobelai itai tilu. ²⁶ Tialeu Dielusalemae velevai olale IESU hau avale IESU hau avale keali igalitoai ui isito kea ke vabuiavai avoe ata kou lo seleavelau ke alu. Keu IESU atate olie solilu keu oloivaga lailo kaveva. ²⁷ Kateige Banabasiu ba Solo vai tialeu IESU hauavale mohoho ke haive lavigei avoe malaha kou kuvau tavae kosive ivage avolu louge tai ata vabuiave solisi Damasikasie Dubule aloloai ata haivelu IESU nona louive. ²⁸ Banabasiu kateai haivege Solo ba aboili uitivaleu Dielusalemae IESU koto loui vuvunevele ata vavuiave solisi haiveva. ²⁹ Ke haivesege Diuia nonale nonavale ata kea olai Solo kavaevei. ³⁰ Ige IESU hau mohoho kea ke evisis Solo meialemei vai tiale Kesaliala daiai hanavage au vatava Tasisie tile. ³¹ Isi kateige Diudea, Galili isi Samalia vatava kea ba uu dua alu Ekalesia kea kosive guliguliavaive munanau tuvu melitievege ata moeaga olisi uevelu. ³² Bitau Dilavau nona loui ata bahata haivei oaloho loaleu oo vole lida keveo DILAVAu ata ivelivelu lolu. ³³ Keveo loi ivage malaha vole Aeniasi ke ivalu ige eu lahani Eiti '8' ke uvule vavaveu hada soliale hatiti keta au ama adale nai uva. ³⁴ Ige Bitau loale ke ivai avolu loui avoe IESU KELISOu aa hoeaseavalelu kobelai lavisi ai ama lekoloai vai te isi kateige malahale keu solekata kobelalu. ³⁵ Ige lida ata kea isi Saloni ata kea ke ivai kuiakavai IESU lovai tievelu. ³⁶ Kateisege Dioba oo kele evievi keate vole Tabita ivive vole Dokasi keule vali bahata ogona site hau ue site ke dulugei hau vavegei. ³⁷ Iale keate keu hatitiai voeleage abo emoeavai vai tai ou uvu volele vaeavalu. ³⁸ Isi Bitau lida oe uale ke evisi abo vo abutita hanavege tievelu lida ou Dioba oti vuguta ulu ialelu ea melihamai tai Bita laviai avoluvita loevelu. ³⁹ Ige Bitau aboili loaleu velevage abo vai oo leke uvue tilu gobuvu moeaga Dokasiu ogona vavevale ke agisi alio kavai Bita haivui avoe keate kela ko loamevale. ⁴⁰ Ige Bitau gobuvu hanavege ea vatae loevesege Bitau au kome boloai vatabisi guliguliai DILAVA laviaito loui avoe Tabita kobela. Ige keate keu niai Bita ivai kobelai ugulumalu. ⁴¹ Ige Bitau adavela holisi letatavage eu lavilu. Isi gobuvu toiavege ea loige Dokasi vai haivelu isi avoe la avolu alio kavale kela kou. ⁴² Kateige Dioba ata kenenia ke ivai bahata kuiakavai DILAVA vileo tievelu. ⁴³ Ige Bitau vali moeaga Diobae Saimoni tena keu oe uva. Malaha keu bolomakau vatele hau moeaga ai uva, samaka, beleti kateivale.