1
Ige Dubu kosi kitae keu Sitivini belai avoe abo ai vavale koto louvale keu au lelevela keu.
2
Ige Sitiviniu lavigei avoe usege da koto vole loui di ataea di kakoluvuia la bahata di koto uvanave, memila lailoi vavia Eibolahamu keu Mesobotiae ui halani vatae tiesolisege Oogoe uvale DILAVA keu dobai loi avolu loulu.
3
Loui avoe ai ata ai vata ke kalei tee dale vata voleo aa hanavage tee.
4
Kateai louge Eibolahamu au vata Kaladi ke kalei tialeu Halani vata kele ulu. Kele uvage mamaveu voeleige DILAVAu louge au Iselalaea vatava koveo lolu.
5
Vali kateivalela DILAVAu vatabe vai Eibolahamu vavue solilu isito au louale aule ba avolu louale vata vole vai vavui. Iale DILAVAu louale Eibolahamu valadaveo, eu ataeale ba vata ke vaeve. Isito vali kela Eibolahamu ese beu ue solilu age DILAVAu avolu koto ke loulu.
6
Isi avolu loui avoe ai valada keale lahani voa hadeleti ke uvule vatava vole keveo ui ata kelai hauai vateu tuvu kitae agigei.
7
Vagala katealea ue solisege oleve kea ai atatea aveve vole toela age dale toelaeabe ke ibila vavege ai atate kea loi da hoeaseavai.
8
DILAVAu kateai louito aveve nivolete Eibalahamu haivui olale au vou vudiu vate letulivelu kele vali bahata DILAVAu avolu koto loui vaeavale ke huhuigei. Iale vaoe vove Aisikiu uge bula igaliu vesusege mamaveu vudive vate letulilu. Ige vaoe Aisikiu au vo Dieikobole aveve kateale alu ige Dieikobou au ese tuelo kele aveve kateale alu iale ese kelegau lailoi umukau lolu.
9
Dieikobo ese volea abo ko Diosebalu mainave ai vai ata volele voiavege abo vai Idiobiti vatae tievelu isito DILAVAu avoti keveo ulu.
10
Ige aveve toelau avoele loige DILAVAu hoeaseavai avoti uale vali voleo Diosebau be lo nile lavige DILAVAu hoeaseavai au lulele vai avoele vaeavage au kosive kele aveve dua ula age au sisilave alu. Katealeluga Belou Dioseba vaeavage eu Idiobiti ata bahata ivege ovele ata bahata keta maligeva.
11
Ivaga vali volele Idiobiti ta Keinanai vata kele vagala kitaeu loige ataea vagalau toela alu kateige lailoi vavivu taga vagalaevelu.
12
Ige Dieikoou loviu Idiobitie uale ke evisi au ese hanavege tievelu lovi agilivelu.
13
Ige tota agilivelu valivoleo tievelu ige Diosebau ba amiga vai au lalavu haivelu ige Belota ba dibagelu Dioseba lalavu ke.
14
Ige Diosebau au mama Dieikobolu koto hanavai loui avoe ai ese keneni agisi koveo love.
15
Kateai louge Dieikobou au ata bahata seveniti vai ke lohomege Idiobiti vatae loevelu loi keveo uloho voeleige eseabe keta vovoatilu.
16
Vovisege eseabe kea ke kakavei loivale Eibolahamu memila vata vole Sekemu ke Emoma vatau mama ke vileo voiale kele abavugeva.
17
Ivaga vaoe lahani moeagau vesusege DILAVAu Eibolahamu louale vali keu loige Egubitoe uvale ata kea moeaga olievelu.
18
Vali kela ata voleu Dioseba diba soliale keu loi ataea Idiobiti vata ke naligelu.
19
Kosive keu lailoi vavivu seleavei avoe lai esea uge kalegau botoe ui voeleai.
20
Vali kela ese vole duau ulu ivive Mousese abo vai ou uvue mahogovage ulu.
21
Ige bata abutita igalitau vesuige abo vai vaeaviveu ue solige abo vai ai eu vavae mahogovalu. Isege Belo vau loilogo abo vaitai eu vavae mahogovalu. Isege Belo vau loilogo ese ke ivai vai au ese toai amigalu valu.
22
Isi louge Agubitoe luleletea abo lulele keneni havuge eu leleleabe kele lulele kitae vai melitavai lavilu.
23
Ivaga vagala votiu vesuge to Mouseseu olai au ata leleve ke ivegei.
24
Isi tialeu ivage Idiobiti ata voleu Iselala ata vole kavai vai toelatil. Ige Mouseseu tai au ata ke duluai Agubito ata ke kavage voelealu.
25
Mouseseu kateaito huhuai avoe da kateige Iselalaea ataeale dibage DILAVAla da hanavage dale Iselala ata lohomei tai Idiobiti kalevaive isito ata kea Mouseseu huhuale ke huhue solilu.
26
Iale vali voleo au oai tisege Iselaela malaha abutiu vole kaveva ige eu tai kelugei avoe ai kakoloti kalevave momai vole kavegelive.
27
Kateai louge malaha leu au kakolole aveve toela ale keu loui avoe ale loi kosive kitae olialeluga lo kelugeva isi loele koto louva.
28
Au a livu Idiobiti malaha vole kavage voeleale kelate aa da kavai.
29
Kateai louge Mouseseu ke evisi itisi tialeu Midienila ulu Agubito kalevai tialeu keveo ui ivuai au vo abutita vaeavalu.
30
Mouseseu vatava keveo uale lahani voti vesusege tiale eu odava voleu tala kitae Sainai kela velevalu ige Anelu voleu avoe loaleu di voleu nai vodaveu haeto haeto ai uale kele lavisi ulu.
31
Ige Mouseseu ke ivai teteai olale talivelu vuguta lavisi neniai ivai kateai tialeu lavisege DILAVAu avolu koto vole loulu.
32
Isi lou avoe dau ai vavivuia DILAVA Eibolahamu DILAVA Aisikiu DILAVA isi Dieikobou DILAVA. Dala kou kateai louge Mouseseu vabuai teteai olae solilu ke ivalivelu.
33
Kateige DILAVAu laviai avoe ai genau vate ke tohoa aa vatau tuvulega ke lavilu.
34
Da ivage Agubito ata kea di ata dikaiavege vateu tuvu moeaga agievei keko moeaga age da ivai dobai lolu loige da aa hanavage Idiobitie te.
35
DILAVAu kateai louge Mouseseu tialeu Iselala ata lavigelu ige ea kelu homasialu isi loui avoe au auloi kosi kitae ala kou lo naligelivelu louva isi to DILAVALA Mousese hanavalau siau vavuge au tai au ata naligeva au kateige Anelu leu veneu vodale uale keu loi Mousese dulualu.
36
Iale kelega au ivai teteivale ke ai loiva isi Agubitoe au ata lohomegei tialeu e taote ke vikou aveve keai e koui vakivoleo tievelu. Tialea odava keve vikou aveve moeaga alu kateale avage lahani votiu vesulu.
37
Mousese kela Iselala ata lavigei avoe DILAVAu da hanavale kelate aule ba Beloveta vole hanavage loi ige keule lai minale lavisi la dulugei.
38
Mousese kela Iselala ata lohomegei aboili odavae ulu isege lailoi vavivuia kaie talau valae uevelu isege Mouseseu Sinai talau visoe tai Aneluti nonai kotove evilu. Anelu keu ukolikoli talau visoe tai Aneluti nonai kotove evilu anelu keu ukolikoli koto louge lailoi vavivuia evisi kisaiale kela lai aike evilu.
39
Lailo vavivuia olae savalu koto ke evilivelu isi olai Mousese kelevai kuiakavai Idiobiti vatae taevei.
40
Isi kateai Eloni lavia avoe lolai dilava vole age lolai unilatige lo lovai tai Idiovitie kosealelu lo lohomegei loale Mouseseu talae tiloho vadeu ai loie solilu.
41
Kateai louito DILAVA vole aboi adatela bolomakau ai vai vaeavaevelu isi kelu abo ovo kavei amuvai ui ke kavuiaviva.
42
Abo aveve kateale age DILAVAu aboele amiga bavi kalevege abo didi, valiu ni, bata ke hoeaseavaeviva. Abo aveve kateale age beloveta malaha voleu bukale ke kisaiai avoe Iselala ataea laea lahani voti kele odavae uale kele au la da hoeaseavaliveluga la ovo kavei vaueviva.
43
Ba da dibage laea sele dilava molokoike eseta kobai tiale hoeaseaavaeviva isi dilava vole levani didi late keta kabaisi tilu laea sele dilava ke aevei hoeasealelu dale la hanavege babu lonia ke leiviai vatava voleo teve.
44
Lailoi vavivuia odavae valai kitaeta dubu vole DILAVA haiveale ke koui DILAVAu au basu vai vaveale vole abuti ke vai vaeavalu Dubu keu DILAVAu Mousese haivuale ke nenile kouevelu.
45
Vali voleo Diosuau lailoi vavivuia ese ke lohomegei valai ke kabaisi vai Keinani vatae tievelu ata volea memila vata kele uge DILAVAu ke lovege kea tiatilu isege lailoi vavivuia tai kele ui valai leta Dubu kouge keu ui loilogo Deividiu vali ketalavelevalu.
46
Ige Deividiu vali tele DILAVAu Deividi hoeaseavalu ige Deividiu olale Iselala ataea DILAVAu Dubu koui.
47
Isito vove Solomoni kela DILAVAu Dubu leleve loulu.
48
Ke kouito lai dibage DILAVAu eue uale keu ba ataea dubu kouale kele ulivelu bele Beloveta voleu ke kisaiai avoe.
49
DILAVAu loui avoe Otogo keu da ugulumale telona isege vata keu da ele davale vatava iale lale oleveo kateale koui. Iale dale oleveo kateai kele ui keu dalu nenie solilu.
50
Kosealelu dala valevile koneni agelu.
51
Lai uvu keu vadeuilage la DILAVAu koto evie solilu lakea lailoi vavivu late la vali bahata DILAVAu munanau tuvulu olae solisi homasiaeviva.
52
Lailoi vavivuia memila Beloveta moeaga kavege abo vateu tuvu agievelu memila vali kele beloveta kea DILAVAu hau avale ata lilikave ula loiveve nona ke louge lailoi vavivuia kelu homasiai kavei koto ke bavuevege ave vali kole lai esea ke agigei atau toela vavege abo kavage voelealu.
53
DILAVAu au basu vai Anelu vavege abo vai lai vavivu vavege basu ke vaito kelu olae savai kalevalu.
54
Sitiviniu abolai koto kateai louge Diuia kosi kea ke evisi avolu tuvuai monogigialu.
55
Ige munana tuvuteu Sitivinile ualelu au eue niai DILAVAu ataga ivage kele IESU DILAVAu ada vaiteveo lavisi ulu.
56
Ige au ke ivai loui aveo da ivage atau eseu DILAVAu ada vaiteveo lavilu.
57
Ige abo koto ke evisi baita kotohamai aboi golema bavui olae savalu kotove ke evilivelu isi bahata tialea Sitivini vatalaevelu.
58
Vatalai vai ou iae tai abo dabau ogona bodiai agisi malaha vole Solo vavuito vule agisi Sitivini kavaevelu.
59
Kavage eu guliguliai loui avoe di kosive IESU di munana vage da voeleai.
60
Kateai louito au kome bokoai vata bisito baita toai avoe kosive aba aveveabe toela ko vai aboele vaeavalive isito kaleva. Kateai louito dobai voelealu abo kateai Sitivini kavage Bolou ke ivai koto solilu isito sisilalu.