¹ Valikatei valela ata moeagaea koto ke evisi abo uvu vai IESU vavulu isege Gilikia koto louvale kea Diuia koto louvale keali volelai louva isi avoe Giliki ata kea loui avoe vali bahata loi gobuvuiale loi lovi eseve agigei isege Diuia gobuvutea lovi kitae agigei. ² Ige abositoloea koto ke evisi ata keneni lavigei avoe la huhuige loeale DILAVAu koto loui ata haivevale ke kalevai. Lovi ata vaveveve ke hoeaseavai be kateige keu toelalu. ³ Di kakoluvuia ata seveni lailoi minale makageve ige kea lovi naliai ata vavei. Isito ata lulelete isi DILAVAu munanau tuvu aboili uale. ⁴ Isege loeale vali bahata guliguliai ata haivegei. ⁵ Kateai louge ese volea loui avoe keu duave isi Sitivii makalu keu au evievile meliage munanau tuvu vai melitilu isi Bilibi makai Bolokolasi isi Naikana isi malaha vole Nikolasi ke makalu. Nikolasi keu Diuia ata olie solilu isito ba vaoe aveveabe valu isi abolate olilu. ⁶ Kateige malaha seveni kea abo agigei loi abositolo vavege ea abo ada agisi tataeabele otovei abolai guligulialu. ⁷ Kea kateige DILAVAu haukalau Dielusalemae tai kitaeage ata moeagaea koto ke evisi abo uvu vai IESUle vaeavalu. Ige Diuia Dubu kosive moeagaea koto ke evisi abota IESU lovalu. ⁸ DILAVAu Sitivini hoeaseavai vuvune kitae vavuge au hau aveve nivole agei. Vikou aveve moeaga ataea nile agelu. ⁹ Keu ke age Diuia Dubu vole Libetinesi isi Sailienisi ata isi Alekisidaliansi ata volea isi Silisia isi Eisia ata kea bahata igali toai tuvuai olale Sitiveni koto kavai. ¹⁰ Isito munanau tuvu Sitiveni vai melitige au lulelevele kotou dua loui sele nonaeabe bavulu. ¹¹ Kateige ea tialea malaha oela ke kaogei agisi lolu ige ata kea loi seleai avoe lo vali bahata evige malaha kou vali bahata Mouseseu basu isi DILAVAu ivi vai toelativa. ¹² Isi kateai luge Diu ataea ke evisi tuvuai ulu ige Diuia kosive ige Diuia talavatu loui kisaiavale kea loi Sitiveni umuvai vai kotalivelu tilu. ¹³ Isi tota malaha toela ke kaogei agisi loige ea tota loui avoe malaha kela Sitivii keu vali bahata lailoi Dubu isi Mouseseu talavatu kelu kotou toela louva. ¹⁴ Lo evisege eu lui avoe Nasaleta malaha IESU keule lailoi Dubu ko kosai katui. Isi Mouseseu talavatu tuvu vai lailoi vavivu vaveale keta vesuiavale ue solisi.