¹ Yakobo ainwine amenso, moneni, Esau lekwisa, kabli abo ali nabo bali imyanda ine abaume. Yakobo ayakenye abana pali Leya, Rachelo, kabli na kuba bomfi babili abanakashi. ² Elyo ena abikile abasha abanakashi na bana babo kuntashi, pa konkele Leya kabili nabana; kabili pakonkele Rachelo na Yosefu abakulekelesha pali bonse. ³ Ena umwine aba kuntashi yabo. Umwine awile panshi imiku cine lubali, mpaka aisa mupepi kuli wabo. ⁴ Esau abutukile muku kumanya ena, ukumufukatila, amukontamine napa mukoshi, kabili no ku mufyompa. Elyo batampile ukulila. ⁵ Ilyo Esau ainwine amenso, ena amwene abanakashi kabili na bana. Ena asosele, ''Nibanani aba bantu abo muli nabo iwe?'' Yakobo asosele, ''Ebaa abo Lesa ku luse apele ku musha wakwe.'' ⁶ Elyo abanakashi abasha baishile ku ntashi na bana kabili bawile panshi. ⁷ Uwakonkelepo ni Leya nao kabili na bana bakwe baishile kuntanshi kabili baliwile panshi. Ukulekelela ni Yosefu na Rachelo baishile kuntanshi no kuwa panshi. ⁸ Esau asosele, ''Walosha mwisa pali utu tumabumba uto nakumanya?'' Yakobo asosele, ''Ukusanga ububile mu menso yakwa kafundisha wandi.'' ⁹ Esau asosele, ''Ndikwete ifyalinga, we wesu. Sunga ifyo ukwete we mwine.'' ¹⁰ Yakobo asosele, ''Iyo napapata, ine nga nisanga ububile mu menso yobe, eico poka ica bupe ukufuma kuminwe yandi, ico pantu ine namona impumi yobe, kabili caba kwati namona impumi ya kwa Lesa, kabili iwe wa mpokelela ine. ¹¹ Napapata poka icabupe ico nkuletele iwe, pantu Lesa napanga uluse kuli ine, kabili nikwata ifya kuninga.'' Yakobo alimupapatile ena, kabili Esau alipokele. ¹² Elyo Esau asosele, ''Lekeni tumitangilile. Ine nkoya pa numa yenu.'' ¹³ Yakobo asosele kuli ena, ''Shikulu alishiba ukuti abana banono, kabili impanga kabili ne ng'ombe shileosha utunono. Inga fyalaenda bubi bubi nangu ubushiku bumo, ifitekwa fyonse fikafwa. ¹⁴ Napapata lekeni shikulu wandi aye naba bomfi. Nakulaenda panono panono, apo fikalaendela ifitekwa kuntanshi yandi, kabili napo abana bakalaendela, mpaka ine nkaye kuli shikulu mu Seir.'' ¹⁵ Esau asosele, leka ine tuye naiwe na bamo abaume bandi abali naine. '' Lelo Yakobo asosele, ''Nindo ukucita ifyo? Leka nsange ububile mu menso ya mfumu.'' ¹⁶ Eco Esau ubo bushiku atampile ukwenda munshila yakwe ukubwelelamo ku Seir. ¹⁷ Yakobo aile ku Succoth, ukukula umwine ing'anda yakwe, kabili akulile umwakutushisha ifitekwa fyakwe. Eico ashina lya ncende yaitilwe Soccoth. ¹⁸ llyo yakobo aishile ukufuma ku Paddam Aram, afikile umutende mumusumba wa Shechemu, umo ni muncende ya Kenani. Abikile inkambi mupepi no musumba. ¹⁹ Ilyo ashitile inono incende ena atanike intenti ukutula kubana baume bakwa Hamore wish wakwa Shechemu, pamwanda umo uwandalama. ²⁰ Palya atanike icipailo no kwqinika ati Ele Elohe Isreali.