¹ Yakobo nao aile eka, kabili na bamalaika bakwa Lesa bali mukumenye. ² Ilyo yakobo abamwene atile, '''iini nkambi iya kwa Lesa,'' eco aitile ishina lya ilya ncende Mahanaim. ³ Yakobo atumine inkombe pantanshi yakwe kuli wabo Esau mu calo ca seili, mu citungu ca Edomu. ⁴ Alibakonkomeshe, nokuti, ''Ifi efyo mukasosa kuli shikulu wandi Esau: Ifi efyo umubomfi yakobo alanda: Nalikwata na Labani, kabili nalikawayawaya ukubwela mpaka nomba. ⁵ Nalikwata ing'ombe na bapunda, nempanga, ababomfi abaume, nabomfi abanakashi. Natumine ii nkombe kuli shikulu wandi, pakweba ati ningasanga ububile mucinso cobe.'' ⁶ Inkombe shabwelele kuli Yakobo nokulanda ati, ''Twaile kuli wenu Esau. Akoisa mukukumanya, kabili abaume imyanda ine bali nao.'' ⁷ Efyo Yakobo alisana nomwenso nokusakamana. Eico ayakenye abantu abali nankwe munkambi shibili, kabili mpanga nasho, Ing'ombe, ne ngamila. ⁸ Atile, Esau ngaisa kunkambi imo nokuisansa, elyo inkambi iishele ili nokufyuka. ⁹ Yakobo atile, ''Lesa wakwa tata Abraham, kabili Lesa wakwatata Isaki, Yahweh, uwalandile kuli ne, Bwelela kucalo cobe kabili kubantu bobe, kabili nkakusambasha. ¹⁰ Ntalingile kumicitila yobe yonse iyacipangano cacine kabili na kuli fyonse ifya bucinshinka ifyo mwacitile mubomfi wenu. Pantu ku konkonto yandi fye napitile pali uyu Yolodani, kabili nomba ndishile kuba inkambi shibili. ¹¹ Napapata mpususheni ukufuma kukuboko kwa kwa wesu, ukufuma kukuboko kwakwa Esau, pantu nkomutina ukuti nkesa nokunsansa nabanyina abali nabaana. ¹² Lelo walandile ati, ''Icine-cine nkakusambasha. Nkalenga abana bobe ngomucanga wamulibemba, uushinga pendwa mumpendwa ya washiko;'' ¹³ Yakobo aikele kulya bulya ubushiku. Abulilepo ifyo akwete ngefyabupe ifya kupela Esau, wabo: ¹⁴ imyanda ibili iya mbushi ishikota kabili amakumi yabili ayambushi ishilume, imyanda ibili iyampanga ishikota kabili naba sukusuku amakumi yabili. ¹⁵ amakumi yatatu ayangamila ishikoonsha nabana bashiko, amakumi yane aya ng'ombe ishikota ne shilume ikumi limo, amakumi yabili aya bakabalwe abakota kabili ikumilimo ilya bakabalwe abalume. ¹⁶ Ifi apele kuminwe yababomfi bakwe,cilebumba lyafitekwa mumisango yafiko. Atile kubabomfi bakwe, ''Tangileniko kabili mulekusha imipaka pakati ka cila mukuni wafitekwa. ¹⁷ Akonkomeshe umubomfi wapakubala, nokutila, ''Ilyo Esau wesu mukakumana nankwe nokumipusha, nokutila, 'Nikuli nani waba? Nikwisa ukoya? Bushe ninama shakwa naani isho shili pantanshi yobe?' ¹⁸ Elyo uli nokutila, 'Fyamubomfi obe Yakobo. Fyabupe atumine kuli shikulu wandi Esau. Mona, akoisa panuma yesu.''' ¹⁹ Yakobo kabili apele ifipope kwibumba lya bubili, ilya butatu, nabonse abantu abalikukonka ifitekwa. Atile, '''Muli nokulanda fimo fine kuli Esau ilyo mukamukumanya. ²⁰ Kabili mufwile ukutila, 'umubomfi obe Yakobo akoisa panuma yesu. '''Pantu atontonkanye ati, ''Ndinokumunakilisha nefyabupe ifyo nkotuma pantanshi yandi. Elyo panuma, ilyo nkamumona, nakalimo akampokelela. ²¹ Eco ifyabupe fyaile pantanshi yakwe. Ena umwine aikele ubushiku bonse munkambi. ²² Yakobo aimine munshita yabushiku, no kusenda abakashi bakwe babili, ababomfi bakwe abanakashi babili, nabana bakwe abaume ikumi limo naumo. Ababwishe pacabu ca Jabbok. ²³ Muli iinshila ababwishe umumana nefipe fyakwe fyonse. ²⁴ Yakobo ashele eka, kabili umuntu ashombweke nankwe mpaka bwacha. ²⁵ Ilyo umuntu amwene ukuti tekuti amucimfye, aumine palutungu lwakwa Yakobo. Ulutungu lwakwa Yakobo lwalisokomokele ilyo alikushomboka nao. ²⁶ Umuntu atile,''Leka ndekuya, pantu kundwe alatobeka. Yakobo atile,''Ntakuleke uye kamofye umpale.'' ²⁷ No muntu alandile kuli o, ''Bushe ishina lyobe niwe naani?'' Yakobo atile, ''Yakobo.'' ²⁸ No muntu atile, ''Ishina lyobe talyakatale alitwa Yakobo, lelo Israeli. Pantu naushala na Lesa nabantu kabili ulicimfishe.'' ²⁹ Yakobo amwipwishe ati, ''Napapata ni eba ishina lyobe.'' Atile, ''Nindo ukoipushisha ishina lyandi?'' Elo amupala palya pene. ³⁰ Yakobo atile ishina lya ncende Peniel pantu atile, ''Ndimwene Lesa amenso na menso, kabili no mweo wandi ulipusukile. ³¹ Akasuba kalitulile ilyo Yakobo afumine pa Peniel. Alikusanta pamulandu walutungu. ³² Ico cine ukufika nalelo abantu bamu Israel tabalila umushipa wapalutungu, pantu umuntu acenene iyo imishipa ilyo afyungutwile ulutungu lwakwa Yakobo.