¹ Nomba Dina, umwana mwanakashi uwo leah afyele kuli Yakobo, waile nokufuma ukuya kumanya bana banakashi ba mu ncende. ² Shekemu umwana wakwa Hamore umwina Hiviti uwali imfumu ya ncende, amumona. Ali musendele nokulala na o, nokumusebanya. ³ Amutentemwishishe nakuli Dina umwana umwanakashi wakwa Yakobo. Atemenwe umwana mwanakashi nokulanda ifya kumunakilisha.. ⁴ Shekemu alandile kuli wishi Hamore, nokutila, ''Mbulileni uyu umwanakashi ine ukuba umukashi.'' ⁵ Nomba ilyo Yakobo aufwile ati na cendwa Dina umwana mwanakashi wakwe. Abana bakwe bali nomukuni mumpanga mwibala, elo Yakobo asungile umutende paka ilyo babwelele. ⁶ Hamore wishi wakwa Shekemu alifumine nokuya kuli Yakobo nokulanda nankwe. ⁷ Abana bakwa Yakobo ilyo babwelele ukufuma mumpanga elo baumfwile ilyashi. Elo balifulilwe. Balikalipwe sana pantu aleteele ukusebana Israele pakulala nomwana mwanakashi wakwa Yakobo, ifyo fintu ifi shabala afitwapo. ⁸ Hamore alandile kuli bo, asosele, ''umwana wandi Shekemu natemwa umwana obe umwanakashi. Napapata mupeni kuli o abe umukashi wakwe. ⁹ Natutobekanye ukupana mulifwe, peleni abana benu abanakashi kuli fwe, no kubasenda abanakashi mwebene. ¹⁰ Mukekala naifwe, ne ncende ikapelwa kuli mwe ukwikalamo nokushitishamo, nokumonamo ifyabunoshi.'' ¹¹ Shekemu alandile kuli shibo nakuli ba ndume yakwe, ''Lekeni nsange ububile mumenso yenu, na conse mukonjeba kopela kuli mwe. ¹² Ndombeni umutengo wampango uwuku nefyabupe ifyo mwingafwaya, elo nkapela conse mukakabila kuli ne, lelo mpeleni umwakashi ngo mukashi.'' ¹³ Abana bakwa Yakobo balyaswike Shekemu na Hamore uwali wishi teici, pantu Shekemu alicenda Dina uwali kashi yabo. ¹⁴ Basosele, ''Teti tucite ifi fintu, ukupela nkashi yesu ku muntu uwushasembululwa; pantu ico musebanya kulifwe. ¹⁵ Kanofye muli ici icipope nga twasuminishanya naimwe: Ngacakuti mwasembululwa ngefyo twaba, nga umwaume onse muli mwe asembululwa. ¹⁶ Elyo tukamipela abana abanakashi kuli mwe, nabana banakashi twalabasenda, elo tukekala naimwe nokuba abantu bamo. ¹⁷ Lelo ngata mumfwile kulifwe nokukana sembululwa, lyena ninshi tulesenda nkashiyesu nokuya.'' ¹⁸ Amashiwi yabo yasekeshe Hamore nomwana wakwe Shekemu. ¹⁹ Kabili umulumendo takokwele ukucita ifyo balandile, pantu atemenwe umwa mwanakashi wakwa Yakobo, elo pantu ali muntu uwacindikwa mung`anda yakwa wishi yonse. ²⁰ Hamore elo na Shekemu umwana baile pa mwishi wa mpongolo no kulanda na baume bamumusumba, basosele, ²¹ ''Aba baume ba mutende kulifwe, kanshi balekeni bekale mu ncende nokushitishamo umumwine, ee, pantu ipanga ikulu kuli bo. Lekeni ifwe tusende abana babo abanakashi nga abakashi besu, kabili lekeni ifwe tubapele abana besu abanakashi. ²² Nipali uyu mulandu abaume balasumina ukwikana na fwebo kabili nokuba abantu bamo: Nga bonse abaume muli fwe asembululwa, nge fyo bena basembululwa. ²³ Tafyakabe ifitekwa fyabo kabili ifipe fyabo-shonse inama shabo shibe shesu? Eco lekeni tusuminishanye kuli bo, kabili bakekala muli fwe.'' ²⁴ Bonse abantu ba mu musumba balikutikile kuli Hamore na Shekemu, umwana wakwe umwaume. Bonse abaume balisembulwilwe. ²⁵ Pa bushiku bwakulenga butatu, ilyo bacili mu bukali, abana babili abaume bakwa Yakobo (Simoen na Levi, Ndume wa kwa Dinah), cila umo asende ulupanga lwakwe no kuya kusansa umusumba uwaishibikwe na ba malonda ba ciko. ²⁶ Balipeye Hamore kabili na Shekemu umwana mwaume wakwe kulutwe lwa lupanga. Balisende Dina ukufuma mu ng'anda yakwa Shekemu kabili balile ukufumako. ²⁷ Abana bambi abakwa Yakobo blishile ku bantu abafwile elo nokwiba mu musumba, panmulandu abantu balyonawile ba nkashi shabo. ²⁸ Balisendele ifitekwa fyabo, nama bumba ya nama shabo, naba kabalwe babo, na fyonse ifyali mu musumba elo ne cende shashungulwike ²⁹ bonse ubunonshi. Abana bobo bonse elo na bakashi babo, balibekete abafungwa. Balisendele kumo fyonse ifyali mu ma yanda. ³⁰ Yakobo alandile kuli Simeon elo Levi, ''Mwalileta ubwafya kuli nebo, ukundenga mbe uwanunka ku bantu bamuli cino calo, abena Kenani kabili nabena Perisiti. Nicepa mu mpendwa. Nga cakutila balikolongene no kwisa kusansa, elyo nkesa konaulwa, Ine naba ng'anda yandi yonse.'' Nomba Simeoni na Levi balandile, ³¹ ''Bushe Shekemu acitile inkashi yesu ngefyo engacita cilende?''