¹ Nomba Abraham alikotele elo Yahweh aalipalile Abraham mu fintu fyonse. ² 2Abraham alandile ku mubomfi wakwe, umo uwali umukulu pa ba bomfi bakwe bonse elo uwali kulolekesha paliconse ico akwete, ''Bika ukuboko kobe mu matanta yandi ³ elo nalakulenga ukulapa pa cinso cakwa Yahweh, Lesa umwine umulu elo kabili Lesa umwine calo, ukuti tawaye ku bulila umwana wandi umukashi pakati ka bana banakashi abakubena Kenani. Pakati kabo nebo naile kuipangila icifulo. ⁴ Lelo webo ukoya ku calo candi, elo na kulupwa lwandi,elo uleya kumpitila umukashi wa mwana wandi Isaki.'' ⁵ Umubomfi alandile kuli o, ''Nga cakwebati umwanakashi tele kuipelesha kunkonka kuli ino mpanga? Bushe kuti naya kubwekeshamo umwana mwaume wenu ku calo kuntu mwaile kufuma?'' ⁶ Abrahamu alandile fi kuli ye, ''Umone ukwebati tawile ku bwekeshamo umwana wandi kulya! ⁷ Yahweh, Lesa umwine mulu, uwailekumfumya mu n'ganda yakwa tata elo na mu calo caba lupwa lwandi, elo kabili uwayo kundaya no mulapo alandile ati, ku bufyashi bobe ebo nkayakupela,' akakutumina malaika wakwe kuntanshi yobe, elo ukaya ku fwaila umwana wandi umukashi kulya ⁸ Lelo umwanakashi nga tele kuipekanya ukukukonka, elo ukalubulwa ukufuma kuli uyu mulapo wandi. Taufwile ku bwekesha umwana wandi kulya.'' ⁹ Eco kanshi efyo umubomfi wabikile ukuboko kwakwe mu matanta yakwa Abraham shikulu wakwe, elo alapile umwabelele uyu mulandu. ¹⁰ Umubomfi wakwe wasendelepo ingamila shakwa shikulu wakwe ikumi limo elo waile. Afumine palya elo aile na kucitungu ca Aram Naharaim, ku musumba wa Nahor. ¹¹ Alengele ingamali ukufukama kunse ya musumba ukwabele icishima ca menshi. Cali cungulo, inshita bana mayo baya mukutapa amenshi. ¹² Eylo alandile ati, ''Yahweh, Lesa wakwa shikuli wandi Abraham, mpeleni ukushuka lelo elo no kulenga icipangano cakwa shikulu Abraham ukuba ica cishinka. ¹³ Mona ndiminine pano pakamfukwemfukwe ka menshi elo nabana banakashi babantunse ba mumusumba balefumina mukutapa amenshi. ¹⁴ Lekeni cicitike ifi. Ilyo nkolanda ku mukashana ati, napapata tula umutondo obe pakwebati nwe amenshi,' elo aisanjeba ati, 'Nwa, elo nalanwisha ne ngamali shenu amenshi,' elo muleke abe umo uo musontele umubomfi wenu Isaki. Ngafyacitika ifi nkoishiba ati mwafikilisha icipangano kuli shikuli wandi.'' ¹⁵ Caishile kufika cilya cungulo ilyo apwishishe ukulanda, Moneni, Rabekah aishile no mutondo wa menshi pamabeya yakwe. Rabekah afyelwe kuli Bethwel umwana mwaume wakwa Milkah, muka Nahor, wabo Abraham. ¹⁶ Umukashana wali uwakuyemba elo ali nina cisungu. Talelepo no mwaume uuli onse. Ailekutentemukila kukamfukwemfukwe ka menshi, aiswishe umutondo wakwe elo abwelele. ¹⁷ Elyo umubomfi abuutukile muku mukumanya no kumweba ati, ''Napapata ntapwilenimo amenshi yakunwa mu mutondo wenu.'' ¹⁸ Na wo alandile ati, ''Nwenimo, mweshikulu wandi,'' elo bwangu bwangu watulile umutondo, pa maboko yakwe, no kumupela amenshi yakunwa. ¹⁹ Ilyo apwishishe ukumupela amenshi, alandile ati, ''Nalatapila ingamali shenu nasho amenshi, mpaka shipwe ukunwa amenshi. ²⁰ Efyo aangufyenye elo aitulwile amanshi ayali mu mutondo mu cinkolobondo ca kunwinamo, elo nakabili abutukile ku cishima mukutapa amenshi, elo ataapile ingamali shakwe shonse ²¹ Umuntu alekumulolesha ukwabula ukulandapo icili conse ukumona ngacakuti Yahweh alimushukishe mu lwendo lwakwe nangu awe. ²² Panuma ingamali shapwisha ukunwa amenshi, umuntu afumishe imbalaminwe yaku moona iya golide uwalepimwa citika umo uwa shekele, elo ne fikosa fya golide fibili ifyakufwala ku maboko ifyalepimwa amashekele ikumi limo, ²³ 23elo aipwishe ati, ''Bushe uli mwana mwanakashi wakwa naani? Ngeba napapata, bushe muli umuputule mung'anda yakwa wiso umo twingaya kusendama?'' ²⁴ Elo asosele kuli o ati, ''Ndimwana mwanakashi wakwa Bethwel mwana Mikah, untu afyelwe kuli Nahor.'' ²⁵ Elo nakabili asosele kuli o ati, ''Twalikwata icani icingi elo nefyakulya ifyo ingamali shingalya, elo no muputule umo mwinga sendama ²⁶ Elyo umntu afukeme panshi no kushinshimuna Yahweh. ²⁷ Alandile ati, ''Abe uwapalwa Yahweh, Lesa wakwa shikulu wandi Abraham, uyo uutasulile icipangano cabucishinka bwakwe no kucetekelwa uko akakwatila shikulu shikulu wandi. Kuli nebo, Yahweh aliuntungulwile kung'anda yaba lupwa lwakwa shikulu.'' ²⁸ Elo umukashana abutukile no kuya eba aba ng'anda yakwa nyina ifintu ifi fyonse. ²⁹ Nomba Rabekah alikwete ndume, elo ishina lyakwe ni Labani. Labani abutukile ku mwaume ku cishima. ³⁰ Ilyo Labani amwene imbala minwe ya mumyona elo na makosa yakwa nkashi yakwe, elo aumfwile na mashiwi yakwa Rabekah nkashi yakwe, ''Ifi efyo umuntu alekunjeba, ''aile ku muntu, elo ,mona, aiminine nengamali pa cishima. ³¹ Elyo Labani alandile ati, ''Isa, wewapalwa na Yahweh. Nindo wiminine panse? Ndipekenye ing'anda, elo ne ncende ya ngamali.'' ³² Eco muntu aingile mu ng'anda no kukakila ingamali .'' Ingamali bashisanshikila apakulala elo bashipela ifyakulya, elo bapekenye amenshi ya kusamfya amakasa yakwe elo ne nkasa sha baali nankwe. ³³ Bamupekanishishe icakulya, elo alandile ati, ''Nshalye mpaka nande ico ndi nokulanda.'' Eico Labani alandile ati ,Landa.'' ³⁴ Elo alandile ati, ''Ndimubomfi wakwa Abraham. ³⁵ Yahweh alipaala shikulu wandi saana elo aliba umukulu. Aalimupela impaanga elo ne ng'ombe, silfa na golide, ababomfi abaume elo na babomfi abanakashi, elo ne ngamali na bakabalwe. ³⁶ Sarah umukashi wakwa shikulu wandi, alilekufyalila shikulu wandi umwana mwaume ilyo akotele, elo alipela conse ico anonka kuli ee. ³⁷ Shikulu wandi andengele ukulapa, alandile ati, 'Tauli kumbulila umukashi wa mwana wandi mu bana banakashi ba bena Kenani, ³⁸ kanshi, ulingile ukuya kulupwa lwakwa tata elo na kuli balupwa lwandi, nokubulako umukashi wamwana wandi.' ³⁹ Nalandile kuli shikulu wandi ati, 'epali umwanakashi tele kunkonka.' ⁴⁰ Lelo alandile kuli nebo, 'Yahweh, uyo mombela, akatuma malaika wakwe kuli webo elo akapaala inshila shobe, epakwebati ukaye kufwaila umwana wandi umukashi mukati ka balupwa bandi elo na balupwa bakwa Tata. ⁴¹ Lelo ukaba umuntungwa ku mulapo wandi ifyo ukafika kuli ba lupwa lwandi elo tabakakupele ena kuli wee. Elo ukaya ukukakulwa ukufuma ku mulapo wandi. ⁴² Eico nacifika lelo pa cishima, elo nacipepa ati, 'Mwe Yahweh, Lesa wakwa shikulu wandi Abraham, napapata, mucishinka ngamukolenga ulwendo lwandi ukuba bwino- ⁴³ pano njiminine pa cishima ca menshi lekeni umwanakashi uwalaisa mukutapa amenshi, umwanakashi uo ndeisanjebe ati, ''Napapata ntapwilako amenshi mu mutondo obe ayakunwa,'' ⁴⁴ Umwanakashi uuleisalanda kuli ne ati, ''Nweni, elo kabili nalatapila ingamali shenu amenshi''-lekeni abe umwanakashi untu mwebo, mwe Yahweh, mwaya ukusalila umwana mwaume wakwa shikulu wandi. ⁴⁵ Elyo ncili nshilapwisha ukulanda mu mutima wandi, mona, Rabekah alishile no mutondo wakwe pakubeya kwakwe elo atentemukile ku cishima no kutapa amenshi. Elyo nalandile kuli ee, 'mpelako amenshi yakunwa.' ⁴⁶ Bwangu bwangu atuula umutondo pakubeya kwakwe no kulanda ati, Nweni, elo nalapela ingamali shenu amenshi nasho.' eico nalinwine , elo aapele ingamali shandi amenshi nasho. ⁴⁷ Nalimwipwishe elo nalandile ati, 'Bushe uli mwana mwanakashi waba nani?' Alandile ati, 'Ndi mwana mwanakashi wakwa Bethwel, umwana mwaume wakwa Nahor, untu Milkah aile kumufyalila.' Elyo naile kubika inindaminwe mu mona wakwe elo na makosa kumaboko yakwe. ⁴⁸ Elyo naile kufukama no kushinshimuna Yahweh, elo napalile Yahweh, Lesa wakwa shikulu wandi Abraham, uwalekuntungulula munshila isuma ukusanga umwana mwanakashi uwamulupwa lwakwa shikulu uwamwana mwaume wakwe. ⁴⁹ Nomba, nga namuipekanya ukulanga icitemwiko elo ne cishinka kuli shikulu wandi, njebeni. Lelo nga tamuipekenye, njebeni, pakwebati ningaya kwalulukila ku kuboko kwa ku kulyo nangu ku kuso.'' ⁵⁰ Elyo Labani na Bethwel baaswike no kulanda ati, ''Ici cintu cilefuma kuli Yahweh; tekuti tulande kuli iwe icintu icisuma nangu icibi. ⁵¹ Moneni Rabekah ali kuntanshi yenu. Musendeni elo muleya, pa kwebati engaya kuba umukashi wa mwana mwaume waba wisokulu, ngefyo Yahweh alaandile.'' ⁵² Ilyo umubomfi wakwa Abraham aumfwile amashiwi balandile, afukeme panshi ku cinso cakwa Yahweh. ⁵³ Umubonfi alafumishe ifisomo fya silfele elo ne fisomo fya golide, elo ne fyakufwala, elo alifipele kuli Rabekah. Kabili aile kupela ifyabupe ifisuma kuli ndume yakwe elo na kuli banyina. ⁵⁴ Elyo ena na bantu baali nankwe balilile no kunwa. Baile kulala kulya, elo ilyo bashibwike ulucelo, alandile ati, ''Ntumeni ndekuya kuli shikulu wandi.'' ⁵⁵ Ndume yakwe elo na bayina balandile ati, ''Lekeni umukashana ekale naifwe panshuku ishinono, nangufye inshiku ikumi. Panuma yaifyo kuti aaya.'' ⁵⁶ Lelo alandile kuli bo ati, ''Mwila kuncincintila, epo Yahweh alikushishe inshila yandi. Ntumeni munshila yandi pakuti ningaya kuli shikulu wandi.'' ⁵⁷ Baishile kulanda kuli ee ati, ''Twalaita umukashana elo tumwipushe.'' ⁵⁸ Eco bakutile Rabekah no kumwipusha ati, ''Bushe kuti waya noyu muntu?'' Alyaswike ati, ''kuti naya.'' ⁵⁹ Eco balekele nkashi yabo Rabekah. pamo pene no mubomfi wakwe umwanakashi, palwendo lwakwe no mubomfi wakwa Abraham na bantu bakwe. ⁶⁰ Bapaalile Rabekah, elo balandile kuli ee ati, ''Wenkashi yesu, ukabe nyina wa makana na makana, elo ubufyashi bobe nabukapyane umwinshi wa abo aba bupata.'' ⁶¹ Elyo Rabekah aimine, elo ena nababomfi bakwe bailekunina pangamali, nokukonka uyo muntu. Elo umubomfi asendele Rabekah, elo aile mu nshila yakwe. ⁶² Lelo Isaki aleikala mu Negevi, elo alebwelafye ukufumaku Beer Lahai Roi. ⁶³ Isaki afumine mukutontonkanya mwibala mu cungulo bushiku. Ilyo aishile kupunamuka no kulolesha, moneni, ingamila shikoisa! ⁶⁴ Rabekah aloleshe, elo ilyo amwene Isaki, atolweke pa ngamila. ⁶⁵ Alandile ku mubomfi, ''Bushe ninani ulya muntu uukoendauka mwibala mu kwisa kutukumanya?'' Umubomfi alandile ati, ''Ni shikulu wandi.'' Efyo aile kubula ne nsalu yakwe, elo aifimbile pa menso. ⁶⁶ Umubomfi epakuya kushimikila Isaki fyonse ifyo icitile. ⁶⁷ Elyo Isaki amutwele mwi hema lyakwa Sarah nyina elo abulile Rabekah, elo aishile kuba umukashi wakwe, eco alimutemenwe. Eco Isaki baile kumutalalika panuma yamfwa yaba nyina.