¹ 1Sara aikele imyaka 127. Ishi emyaka shali na Sara ilyo ali nobumi. ² Sara afwilile mu Kariati Arba, ekutila, Hebron, mucalo ca Kenani. Abraham aliloseshe kabili alilile pali Sara. ³ Elyo Abraham aishile kwima elo nokufuma kumukashi wakwe wafwile, kabili aishile kulanda kubana baume bakwa Hete, ati, ⁴ ''Nebo ndimweni muli mwe. Napapata mpeleniko nebo incende yakushikamo pali mwebo, pakwebati ningashikamo ubakufwa bandi. ⁵ Abana baume bakwa Hete baishile kwasuka Abraham, ati, ⁶ '' Umfweni kuli fwe, shikulu wesu. Muli bacindami bakwa Lesa muli fwebo. Shikeni uwafwa wenu mufilindi fyesu ifyo mwalasala. Tapali palifwebo ukomikanya icilindi cakwe, pakwebati mwingashika uwakufwa wenu.'' ⁷ Abraham alimine kabili nokufukama kubantu bamu musumba, kubana baume bakwa Hete. ⁸ Aishile kulanda kulibo, ati, ''Nga mwebo mwasumina ukuti nebo mfwile ukushika uwafwa wandi, eico ngufweni nebo kabili mumpapatileko kuli Ephron mwana Zohar. ⁹ Mumwipushe ukunshitishako ulucengo lwaku Machpelah, ulo akwata, ulwaba pampela yampanga yakwe. Pamutengo wakukumanina mulekeni ena ashitisheci kuli nebo palwalala ngecipe incende yakushikamo. ¹⁰ Lelo Ephron alikele mukati kabana baume bakwa Hiti, elo Ephron umwina Hiti aishile kwasuka Abraham mumatwi yabana baume bakwa Hiti, pali abo bonse abaisa pamwenshi wamusumba wakwe, ati, ¹¹ ''Awe, shikulu wandi, ngufweni nebo. Nebo ndipele mwebo impanga, elo no lucengo ukuti luli mukati kaiko. Nebo ndipele cii kuli mwebo mumenso yabana baume babantu bandi. Nebo ndipele cii kuli mwebo kukushikamo uwakufwa wenu.'' ¹² Elyo Abraham afukeme panshi yabantu bacalo. ¹³ Wo aishile kulanda kuli Ephron mumatwi yabantu bacalo, aishile kulanda, ''Nomba ngamwebo mukofwaya, napapata ngufweni nebo, Pantu ndinokupela pali ilya mpanga. Senda indalama ukufuma kuli nebo, kabili na nebo ndinokushikamo uwakufwa wandi mulya.'' ¹⁴ Ephron alimwasukile Abraham, aishile kulanda, ¹⁵ ''Napapata, shikulu wandi, umfweni kuli nebo. Icipimo cacalo icalinga ukushitwa mumashekele ya silfere imyanda ine, nindo ili pakati kamwebo nandi? Ukushikamo uwakufwa wenu.'' ¹⁶ Abraham alimumfwile Ephron kabili Abraham alipimine Ephron mucipendo ca silfere ukuti ena alilandile mumatwi yabana baume bakwa Hete, imyanda yine mumashekele ya silfere ukulingana nefipimo fyabikwa ifyamakwebo. ¹⁷ Eico impanga yakwa Ephron, iyo iyali mu Makupela, iyo iyapalamine ku Mamre, ukuti eiyi, impanga, ukuti ulucengo nalo emo lwali, elo nafyonse ifimuti ukuti emo fyali munga elo nafyonse ifyashingulukile umupaka, fyalipitile. ¹⁸ Kuli Abraham alishitile mumenso yabana baume bakwa Hete, libe bonse abo uyo uukoisa mumwinshi yamusumba wakwe. ¹⁹ Panuma yaici, Abraham alishikile umukashi wakwe Sara mulucengo lwa mumpanga yaku Makpela, mu calo ca kanani. ²⁰ Eico impanga kabili nolucengo yapitile kuli Abraham ngecipe pantu nincende yakushikwamo ukufuma mubana baume bakwa Hete.