¹ Yaweh amonekele kuli Abrahamu mu muti wa mame, ilyo aikele mu mwinshi we tenti mu kuba kwa kasuba. ² Alikotamukile kabili, moneni, alimwene abantu batatu baliminine akatalamukila ukufuma pali ye. Ilyo abamwene, alibutukile ku kubakumanya ukufuma ku mwinshi we tenti no kutibila panshi pa mushili. ³ Alandile, ''Shikulu wandi, ng cakuti ndisangile ububile pa cinso cenu, napapata mwipitilila umubomfi wenu.'' ⁴ Lekeni utumenshi utunono tuletwe, musambe amakasa yesnu, kabili mutushe mwebene mwisamsa lya muti. ⁵ Lekeni ndete utulyo utunono, pakuti muipembule mwebene. Panuma kuti mwaya inshila yenu, apo muli shile ku mubomfi wenu.'' Bali mwebele, ''Cita ngefyo walanda.'' ⁶ Elyo Abrahamu mukwangufyanya aile mwi tenti kuli Sara, kabili alandile, ''Endesha, bula ifipimo fitatu ifya fulaulo, kandaula, no kupanga umukate.'' ⁷ Elyo Abrahamu abutukile mu mukuni, no kubula iciponti, icali iciteku kabili icisuma, no kucipela ku mubomfi, kabili alyangufyenye ukucipekanya. ⁸ Alibulile no mukaka, ne ciponti icapekanishiwe, no kubika icakulya pa kati kabo, kabili aliminine pakati kabo mwisamba lya muti ilyo bakolya. ⁹ Balilandile kui ye, ''Ali kwisa Sara umukashi obe?'' Alibasukile, ''mulya, mwi tenti.'' ¹⁰ Alilandile, ''Ndi no kubwela mu cine kuli we mu mupepo, kabili mona, Sara umukashi obe akakwata umwano mwaume.'' Sara alikufwa mu mwinshi we tenti, ilyali kunuma yakwe. ¹¹ Nomba Abrahamu na Sara balikotele, kabili balisenselele mu munshiku, kabili alipitile pa munshiku uyo abanakashi benga kwatilapo abana. ¹² EIco Sara alisekele umwine, ukulanda umwoine eka, '''Panuma napwa kabili shikulu wandi akota, bushe nomba kuti nakwate ishi nsansa?'' ¹³ YAweh alandile kuli Abrahamu, ''Ninshi Sara akosekela no kulanda, 'Kuti mu cine nafyalo umwana, ilyo nakula'? ¹⁴ Bushe kuliko icakosa icili conse kuli Yaweh? Panshita isontelwe nandi, mu mupepo, nkobwela kuli we. Pali ii nshita umwaka ukoisa Sara akakwata umwana umwaume.'' ¹⁵ Elyo Sara akene no kulanda, ''Ntasekele,'' pantu alitinine. Alyasukile, ''Iyo, ulisekele.'' ¹⁶ Elyo abantu balimine no kuya, kabili ukulungatana lwa ku Sodoma. Abrahamu aile nabo kumo bakoya. ¹⁷ Lelo Yaweh alandile, ''Bushe kuti nafisa kuli Abrahamu ifyo nkofwaya ukucita, ¹⁸ apo Abrahamu mu cine akaba uluko ulukulu kabili ulwa maka, kabili ne nko shonse isha pesonde shikapalilwa muli ye?'' ¹⁹ Pantu ndi musalile pakuti engalangilila abana bakwe ne ng'anda yakwe ukumukonka ukusunge inshila yakwa Yaweh, mukucito bulungami no mulinganya, pakuti Yaweh engaleta pali Abrahamu fye alandile pali ye. ²⁰ Elyo Yaweh alandile, ''Pantu ukulila kwa pali Sodoma na Gomora kuli kulile, kabili pantu na masambi yabo yalicililemo, ²¹ Nebo ndi nokuya kumona ukulila kwakwe uko ukufikile kuli ne, nga cakuti mu cine balicitile. Nga cakuti tabacitile, Nkoishiba.'' ²² Eco abantu bapilibukile ukufuma kulya, no kulola ku Sodoma, lelo Abrahamu alishele eminine pali Yaweh. ²³ Elyo Abrahamu apalamine no kulanda, ''Bushe mukopyanga abalungami pamo na abankalwe? ²⁴ Nalimo muli abalungami amakumi yasano mu musumba. mukopyanga kabili tamwashe incende pa mulandu wa balungami amakumumi yasano abali mulya? ²⁵ Cibe ukutali nobe ukucita ca musango uyu, ukwipaya abalungami pamo na ba bembu, pakuti abalungami brnga citilwa cimo cine naba bembu. Cibe ukutali nobe! Bushe tekuti kapingula we sonde lyonse acite icilungeme?'' ²⁶ Yaweh alandile, ''Nga cakuti nasanga mu Sodoma abalungami amakumi yasano mukati ka musumba lyena nkoshe ncende ituntulu pa mulandu wabo.'' ²⁷ Abrahamu alyasukile no kulanda, ''Lolesheni, ndibulile ulubali lwa kusosa na shikulu wadi, nangula ndifye ulukungu kabili imito! ²⁸ Nga cakuti muli basano abacepela ukufika kumakumi yasano abalungami? Bushe muko onaula umusumba uutuntulu pa mulandu wakubulilwa basano?'' Elyo alandile, ''Nta onaule nga akuti mulya nasanangamo amakumi yane-nabasano. ²⁹ Alisosele kuli ye nakabili nokulanda, ''Nga cakuti mwasangwa amakumi yane mulya?'' Ali mwasukile, ''Tekuti ncite pamulandu wa abo amakumi yane.'' ³⁰ Alandile ''Napapata mwifulwa, shikulu, pakuti nisangasosa. Nalimo amakumi yatatu yasangwa mulya.'' Alyasukile, ''Ntacita, nga nasangamo amakumi yatatu mulya.'' ³¹ Alandile, ''Lolesha, ndibulile ulubali ukusosa kuli shiku wandi! Nalimo amakumi yabili kuti basangwa mulya.'' Alyasukile, ''Nta onaule pa mulandu wa abo amakumi yabili.'' ³² Alandile, ''Napapata mwifulwa, shikulu, kabili nkososa ici umuku umo uwakulekelesha. nalimo ikumi limo kuti basangwamo mulya.'' Elyo alandile, ''Ntaonaule pa mulandu wa abo ikumi limo.'' ³³ Yaweh aile inshila yakwe apo pene apwishishe ukulanda na Abrahamu, kabili Abrahamu alibwekelemo ku ng'anda.