¹ Ilyo Abram ali ne myaka amakumi pabula napabula iyakufyalya, Yaweh alimonekele Abram nokulanda kuli o, "Nine Lesa wamaka yonse. wende nandi, kabili uushitungwa kabi. ² Elyo Nkashininkisha icipangano candi pakati kandi nobe, kabili nkafusha ingashi ubufyashi bobe.'' ³ Abram awile ubunkupeme ne mpumi yakwe panshi na Lesa asosele kuli o, atile, ⁴ ''Ngane, moneni, ici ecipangano candi nobe. Ukaba wishi wako shamabumba. ⁵ Tawaketwe ishina lyobe Abram lelo ishina lyobe likaba Abraham-pantu ninkusonta ukuba wishi wanko shamabumba. ⁶ Nkakulenga ukusanduluka ngashi, kabili nkapanga inko muli we. ⁷ Nkapampamika icipangano candi pakati ka ine na iwe kabili nobufyashi bobe panuma yobe, munkulo shabo shonse kukaba icipangano, capee, kukuba Lesa obe kabili namubufyashi bobe ubukakonkapo. ⁸ Nkapela kuli we, nabamubufyashi bobe panuma yobe, icalo ico wikalamo, icalo conse ica kena ni;nkaba Lesa wabo.'' ⁹ Elyo Lesa alandile kuli abraham, ''Eico naimwe, mulingile ukusunga icipangano candi, iwe nabamubufyashi bobe abakakonkapo munkulo shabo. ¹⁰ Ici ecipangano candi, ico mufwile ukulasunga, pakati ka ine na imwe, kabili nakubamubufyashi bobe abakakonkapo: Umwaume onse pali mwebo afwile ukusembululwa. ¹¹ Mufwile ukulasembululwa inkanda yakupela ya bwaume, kabili ici cikaba icishibilo pakati ka ine naimwe. ¹² Umwaume onse muli mwe uwakumanya inshiku cine konse konse afwile asembululwa, munkulo shabantu bobe . Ici kubikakofye na uyo onse uwafyalilwa mung`anda yobe kabili noyo onse uwashitwa mundalama ukufuma kubena fyalo uutali uwamubufyashi bobe. <sup>13</sup> Ena uyo uwafyalilwa e mubang`anda bobe noyo uwashitwe nendalama shobe bafwile basembululwa. Eico icipangano candi kumibili yenu cili nokuba icipangano camuyayaya. ¹⁴ Umwaume uuli onse uushasembululwa pa mpela yankanda ya bwaume bwakwe akaputulwako ku bantu bakwe. Ena natoba icipangano candi. ¹⁵ Lesa alandile kuli Abraham, ''Pali Sarai umukashi obe, wilekumukuta ati Sarai nakabili. Nomba, ishina lyakwe likaba Sarah. ¹⁶ Nkamupala, kabili nkakupela umwana umwaume kuli o. Nkamupala, kabili akaba nyina wa nko. Ishamfumu shabantu shikafuma muli e.'' ¹⁷ Elyo Abraham akontamikile impumi yakwe pashi, kabili alisekele, nokulanda mumutima wakwe, ''Bushe umwana kuti afyalwa kumwaume uuli ne myaka umwanda umo? Bushe kuti Sarah, uuli ne myaka amakumi pabula, akwata umwana mwaume?'' ¹⁸ Abraham alandile kuli Lesa ''Alale Ishimeo qbe no mweo kuciso cenu!'' ¹⁹ Lesa alandile, ''Iyoo, lelo Sarah umukashi obe akakufyalila umwana mwaume, kabili ukamwinike ishina Isaki. Nkapampamika icipangano candi nao icakubelelela nabamubufyashi bwakwe abakamukonkapo. ²⁰ Palwa kwa Ishimeo. nalikumfwile, Mona, nalimupala kabili nkafusha no bufyashi bwakwe kabili akasanda ngashi . Akaba wishi wabana bamfumu ikumi limo nababili, kabili nkamucita akabe uluko ulukulu. ²¹ Lelo icipangano candi nkacipampamika na Isaki, uyo Sarah akamufyalila panshita nga ino mumwaka ukoisa.'' ²² Ilyo apwilikishe ukulanda nao, Lesa alile mumulu ukufuma pali Abraham. ²³ Elyo Abraham abulile Ishimeo umwana wakwe umwaume, nabonsefye abafyalilwe mung`anda yakwe, kabili nabo ashitile nendalama shakwe, umwaume onse mukati ka baume abafyalilwe mung`anda yakwe, kabili abasembulwile kunkanda yapampela ya bwaume pabushiku bumo bwine ngefyo Lesa alandile kuli o. ²⁴ Abraham ali ne myaka amakumi pabula napabula iyabukulu ilyo asembulwilwe pampela yankanda ya bwame bwakwe. ²⁵ Ishimeo umwana wakwe umwaume ali ne myaka ikumi limo naitatu iyabukulu ilyo asembulwilwe pampela yankanda ya bwaume bwakwe. ²⁶ Pabushiku bumo bwine Abraham na Ishimeo umwana wakwe umwaume epo basembulwile bonse babili. ²⁷ Bonse abaume abang`anda yakwe basembulwilwe pamo nao ukubikapofye na bafyelwe munng`anda yakwe nabo abashitele mundalama ukufuma kuli mwisa.