¹ Bamalaika babili balishile ku Sodoma mu cungulo bushiku, ilyo Loti aikele pa mpongolo ya Sodoma. Loti walibamwene, alimine ukubakumanya, kabili wali konteme ne cinso panshi. ² Walandile, ''Nkopapata we cibinda wandi, Nebo nkomupamfya ukwingila mu ng'anda ya mubomfi wenu, mulindemo ubushiku bumo, kabili musambe na amakasa yenu. Elyo mwingema bwangu no ku konkanyapo ulweendo lwenu.'' Balyaswike, ''Awe, tukolinsha ubushiu mulubansa lwa musumba.'' ³ Lelo walibapamfishe fye pamaka, eico balile na o, no kwingila mu ng'anda yakwe. Walipekenye icakulya no kupanga umukate wbulamo intutumushi, elyo balilile. ⁴ Lelo ilyo tabalaya mukusendama, abaume ba mu musumba, abaume ba mu Sodoma balishingulwike ing'anda, abaice naba kulu, bonse abaume ukufuma mu ncende shonse isha musumba. ⁵ Balitile Loti, kabili balilandile kuli o, ''Balikwi abaume abo beshile kuli we ubushiku lelo? Balete bafume kuli fwe, epakuti fwe tubeshibe.'' ⁶ EIco Loti alifumine pa mwinshi kuli bo kabili aliseleko ne cibi panuma yakwe. ⁷ Walilandile, ''Nkomupapata, ba wesu, mwicita icabipa. ⁸ Moneni, ndikwete babili abana banakashi aba taishibapo uuli onse umwaume. Lekeni Nebo, Nkomupapata mbalete kunse kuli mwe, ne mwe mukocita icili conse icabune mu menso yenu. Mwicita icibi conse kuli aba baume, pantu beshile uuba muli ne.'' ⁹ Balilandile, ''Kobwelela pa numa!'' Nakabili balilandile, ''Uyu aisa mukwikala nga mwiisa, kabili nomba aishile kuba kapingula wa ifwe! Nomba tukocitaicabipa pali we ukucila nabo.'' Balititikisha sana ukutumina ulubali ku mwaume, ulubali lwaka Loti, no kwisa mupepi no kutoba icibi. ¹⁰ Lelo abaume bafumishe amaboko yabo no kuleta Loti mukati mu ng'anda pamo nabo no kwisalako icibi. ¹¹ Elyo abatandashi bakwa Loti balengele no kupofula kwa baume abali kunse ya cibi ca ng'anda, abaice na bakulu, eico icakuti baishile kunaka elyo baleesha ukusanga icibi. ¹² Elyo abaume balandile kuli Loti, ''Bushe uuli kweteko uuli onse kuno? Abali bonse abako abaume, abana baume na bana kashi bobe, no uuli onse wakwata mu musumba, ubafumye muno. ¹³ Pantu tuli mupepi nokonaula ii ncende, pantu ukuilishanya pwa ici kuli yawe nakukula ica kuti natuma fwe ukonaula ici.'' ¹⁴ Loti alile kunse no kusosa ku bako bakwe abaume, abaume abakobekele abana bakwe abanakashi, no kulanda, '' Endesheni, fumeni kuli iyi ncende, pantu Yawe ali mukonaula umusumba. '' Lelo ku bako bakwe abaume bacimwene ukuba icakusekesha. ¹⁵ Elyo bwacele, ba malaika bacinchishe Loti, ukulanda, ''Tampeni ukuya, senda umukashi obe nabana bobe babili abanakashiabo abali pano, eico mwikupilwamo mukukandwa kwa musumba.'' ¹⁶ Lelo aleshingashinga, eico abaume ba kumpile ukuboko kwakwe, no kuboko kwa mukashi wakwe, na maboko yabana babili abanakashi, pantu Yawe ali no luse kuli o. Babaletele kunse, no kubafumisha kunse ya musumba. ¹⁷ Elyo babafumishe kunse, umo pa baume alandile, ''Butukeni mwalafwa! Mwicebukila kunuma, nangu ukwikala umuli monse mu mawanga. Butukileni kulupili pakuti mwebo tamulobelemo.'' ¹⁸ Loti walandile kuli bo, ''Awe iyo, napapata shikulu wandi! ¹⁹ Umubomfi wenu alisangile uluse mu menso yenu, kabili na munanga icikuku icikulu mukupususha umweo wandi, lelo teti mbutukile ku mpili, pantu icinkunka cikosanga, kabili nkofwa. ²⁰ Mona, ulya musumba uuli palya mupepi sana ukubutukilako, kabili kali fye akanono. Napapata, Leka eko mbutukile(Bushe tekanonofye tekanonofye?) no mweo wandi nkopusuka.'' ²¹ Walandile kuli o, ''Cisuma, nkokupela ici ulombele, ukuti shikoonaula umusumba uwo ulumbwile. ²² Endesha! butukila kulya, pantu nebo nshacite nelyo cimo kanofye ufike kulya.'' Eico umusumba walikwitwa Sowa. ²³ Kasuba kalitulile pa calo elyo loti wafikile mu Sowa. ²⁴ Elyo Yawe alokeshe pali Sodoma na Gomora Sulfur no mulilo ukufuma kuli Yawe ukufuma mu mulu. ²⁵ Alyonawile iyo misumba, na yonse amawanga, na bonse abalikwikala mu musumba , ne fyamenene mu mushili. ²⁶ Lelo muka Loti, uwali kunuma yakwe, waliloshe kunuma yakwe, aishile kuba impinda ya mucele. ²⁷ Abrahamu aalamwike ku macaca mu lucelo no kuya ku ncende iyo aimininepo pa cinso cakwa Yaweh. ²⁸ Waliloleshe ku musumba wakulola ku Sodoma na Gomora no lwakulola konse ku mpanga. Waliloleshe no kupapa, icushi icali kwima ukufuma mu mpanga kwati cushi ca mwilungu lya mulilo. ²⁹ Eico elyo Lesa aanawile imisumba ya mu mawanga, Lesa aibukishe Abrahamu ku mano. Alifumishe na loti ukufuma pakati ka busanso elyoaonawile imisumba umo Loti alikwikala. ³⁰ Lelo Loti walile ukufuma ku Zoar ukuya ikala mu mpili na bana bakwe babili abanakashi, pantu walyumfwile umwenso ukwikala mu Zoar. Eico walile kwikala mu lucengo, ena na bana bakwe balili abanakasshi. ³¹ Ibeli lyandile ku mwaice, ''Batata balikotele, kabili takuli umwaume ukuli konse uwakulungana na fwe ukulingana na mu nshila shonse ishe sonde. ³² Isa, leka tulenge batata ba nwe umwangashi, elyo tulungane na o, pakuti tusanduluke ubufyashi bwaba tata.'' ³³ Eico balengele ba wishi ukunwa umwangashi bulya bushiku. Elyo uwebeli aile mukati no kulungana na shibo, taishibe elyo aishile lala, nangu elyo aishile kwimapo. ³⁴ Ubushiku bwakonkelepo uwebeli walilandile ku mwaice, ''Umfwa, pano nalibembwike mailo ubushiku bwafumineko na baata. Leka tu balenge banwe umwangashi na lelo ubushiku, na iwe wise kuya mukati no kubembuka nabo, pa kuti twingasandulula ubufyashi bwaba tata.'' ³⁵ Eico balengele ba wishi ukunwa umwangashi na bulya bushi bwine, no mwaice alile no kulungana na o. Taishibe elyo aishile lalapo nanga elyo aishile kwimapo. ³⁶ Eico bonse ba mwana Loti baimitwe kuli shibo. ³⁷ Uwebeli wafyele umwana umwaume, no ku mwinika ishina lya Moabu. Waishile kuba icikolwe ca bantu abena Moabu lelo. ³⁸ Ku wamwwaice mwanakashi, waishile kufyala umwana umwaume, no ku mwinika ishina lya Ben-Ammi. Waishile kuba icikolwe ca bantu aba Amoni ba lelo.