¹ Mwebatemwikwa, ico twalikwata aya amalayo, lekeni tuisangulule fwebene kubulungani bwa kumubili na kumupashi. Lekeni tukonke bumushilo mukatina kakwa Lesa. ² Pangeni incende yesu muli imwe! Tatwatala atubifyapo muntu nangu umo. Tatwatala atulufyanyapo nangu umo nangu ukusushapo namgu umo. ³ Tekufwaya ukumisusha pakulanda ifi. Pantu libela ndilandile ukutila mwaba mu mitima yesu, pakuti twingafwila pamo no kuba no mweo pamo. ⁴ Ine ninkwata isubilo likalamba muli mwe, kabili kukalamba ukutakisha kwandi pali mwe. Ninjisulamo ne citalaliko. Ine ndine nsasa ishingi muli fyonse ifya macushi. ⁵ Ilyo twaishile kuma Macedonia, imibili yesu tayaletusha. Namulico, Twali abafundaulwa munshila shonse mu mafya kuba kunse no mwenso kuba mukati. ⁶ Lelo Lesa, uutalalika abalekeleshiwa, alitutalalike pakwisa kwakwa Tito. ⁷ Tekutila nipakwisa kwakwe Lesa atutalalikile ifwe. Cali kabili citalaliko ukuti Tito apokelele ukufuma kuli mwe. Atwebele ukufuluka kwenu ukukalamba, Ubulanda bwenu nokupimpa kwenu pali ne. Elyo nalisansamwike ukucilamo. ⁸ Nangufye inkalata yandi yamulengele ubulanda, nshileiseka. Lelo ine naisekele ilyo namwene ukuti inkalata yandi yamulengo ubulanda, Lelo panshita fye iinono. ⁹ Lelo ndesekelela, tepa mulandu wabulanda mwalengelwe, lelo pamulandu wakuti ubulanda bwenu bwamiletele mukulapila. Mwalipitile mubulanda bwa bu Lesa, kanshi tamwaculile apafye pamulandu waifwe. ¹⁰ Pantu ubulanda bwa bulesa buleta ukulapila ico icipwililisha ipusukilo ukwabula ukusekwa. Ubulanda bwa mucalo, nanguline, buletafye imfwa. ¹¹ Moneni ifyo ukupimpa kukalamba uko ubulanda bwa bulesa bwaletele muli mwe. Ifyo ubukalamba bwa kupimpa muli mwe mwashininkishe ukuti muli ba kaele. Ngefyo bwali ubukalamba bwa kucincila kwenu, umwenso wenu, ukufuluka kwenu, ukupimpa kwenu, no kukabila kwa kumona umulinganya ukuti wacitwa. Muli fyonse na muipima mwebene ukuba aba kaele muli uyu mulandu. ¹² Nangula ine nalembele kuli mwe, nshalembele pamulandu waba citaifibi, nangu uyo umo uwaulila pa fibi, lelo pakuti ubusuma bwenu palwa ifwe bwingapangwa ukwishibwa kuli mwe mumenso yakwa Lesa. ¹³ Nipali ici icakuti twaba abakukoseleshiwa. Mukulundapo mucitalaliko cesu, naifwe bene nokucishamo pamulandu wa nsasa shakwa Tito, pantu umupashi wakwe wali uwasekeshiwa naimwe bonse. ¹⁴ Pantu ngacakuti naitakishishe palwa imwe kuli ne, shalengelwe insoni. Lubali lumbi, ngefyo fyonse twalandile kuli mwe fyacine, ukutakisha kwesu pali mwe kuli Tito kwaeshiwe ukuti kwacine. ¹⁵ Ukuikuminisha kwakwe kuli mwe Kwali kukalamba ngefyo aleibukisha icumfwila caimwe bonse, ifyo mwamupokelele mu mwenso na mukututuma. ¹⁶ Ndasekelela pantu ine ninkwata isubilo ilyapwililika muli mwe.