¹ Uubombela capamo nao, Naifwe tulemupapata ukukana pokelela ukusenaminwa kwakwa Lesa ulwisha. ² Pantu ena alanda, ''Munshita yabubile bwenu Naposele amano kuli mwe, na mubushiku bwepusukilo nayafwile imwe.''Lolesheni, nomba ninshita yabubile. Lolesheni, nomba ubu bushiku bwe pusukilo. ³ Tatulebika icakuipununako kuntashi yaonse, pantu tatulekabila ubupyungishi ukukana pendwa. ⁴ Namuli ico, twaishiba fwebene muli fyonse tucita, ukuti tuli ba bomfi bakwa Lesa. Tuli ba bomfi bakwe mu kushipikisha kukalamba., mu kupakaswa, mu kutomposhiwa, mufyakosa, ⁵ mu kupumwa, mu kuposa mu fifungo, mu kupumana-pumana, mu milimo shakosa, mu kukana lala utulo ubushiku, mu nsala, ⁶ mu kusangululwa, mu kwiluka, mu kutekanya, mu bupete, mu Mu pashi Wamushilo, mu citemwiko capwililika. ⁷ Tuli ba bomfi bakwe mu cebo ca cine, mu maka yakwa Lesa. Natukwata insono yabulungami ku kuboko kwa kukulyo naku kuso. ⁸ Tubomba mubukata namukukana cindikwa, mukusekwa na mu malumbo. Twalyebwa ukuba ababufi, lelo tuli bacine. ⁹ Tubomba nga bashaishibikwa lelo tuli abaishibikwa. Tubomba ngabalefwa, kabili-ukumona!-tucili tuleikala. Tubomba nga balepanikilwa pafyo tucita lelo tekusekwa ukutwala kumfwa. ¹⁰ Tubomba nga babulanda, lelo lyonse tuba abasekelela. Tubomba nga bapina, lelo tulenga abengi ukuba abakankala. Tubomba nga bashikwete nangu kamo lelo abakwata ifintu fyonse. ¹¹ Twasosa icishinka conse kuli mwe, abena Corinto, no mutima wesu uli uwaisuka sana. ¹² Tamuli abanyantililwa naifwe lelo muli abanyantililwa mu mitima shenu mwebene. ¹³ Nomba mu mulinganya tukabushanye-ine nkososa nga kubana- iiswi;leni sana naimwe. ¹⁴ Mwiba kwikoli limo line naba shasumina. Bushe kuli ukwampana nshi ubulungami no bupulumushi? kuli isenge nshi ku lubuto ne mfifi? ¹⁵ Kusuminishanya nshi uko Yesu engakwata na Beliar?Nangu kwakana nshi uwacetekela engakwata noushacetekela? ¹⁶ Kabili nga kusuminishanya nshi kwitempele lya kwa Lesa no tulubi? Pantu ifwe tuli tempele lyakwa Lesa wa mweo, ngefyo Lesa alandile, ''Nkekala mukati kabo nokwenda mukati kabo. Nkaba Lesa wabo, kabili bakaba abantu bandi.'' ¹⁷ Eico, ''fumenimo mukati kabo, nokuba abaibelako,'' Efyo shikulu alanda. ''Mwiikata kucakowela elyo nkamipokelela. ¹⁸ Nkaba shinwe wenu, elyo mukaba abana bandi abaume na banakashi,'' Efyo Shikulu wamaka yonse asosa.